Су-тіршілік көзі

«Су-тіршілік көзі»
Мақсаты: Судың қандай болатынымен, балаларға балық, су асты тіршілігі туралы түсінік беру, ойлауға, есте сақтауға үйрету. Бейнелеу әдісін қолдана отырып, ұсақ қол моторикасын жаттықтыру, шығармашылық қабілеттерін дамыту. Балалардың бейнелеуге қызығушылығын, табиғатқа деген эстетикалық және қамқорлық сезімін тәрбиелеу.
Көрнекілігі: суреттер. Әдіс – тәсілі: түсіндіру, әңгімелеу, сұрақ – жауап, ойын.
Өтілу барысы. І. Ұйымдастыру кезеңі. Шаттықшеңбері.
Дөңгеленіп тұрайық,
Шеңберді біз құрайық.
Қол ұстасып бәріміз
Ақтілекті жолдайық!
- Әлемде нұр тыныштық,
Әрбір бейбіт күн ыстық.
Қайырлы таң табиғат,
Қайырлы күн достарым! ІІ. Негізгі кезең. 1. Тақырыпты ашу.
Бүгін не туралы білгілерің келсе, жұмбақтың шешімінен біле аласыңдар.
1. Суда өседі, өнеді, сыртқа шықса өледі. (Балық )
2. Жылт - жылт еткен, жылғадан өткен. (Су)
- Жарайсыңдар, сонымен бүгінгі тақырыбымыз «Су асты патшалығы»
- Ия, су асты патшалығына керемет мекен. «Суда мекендейтіндер»
Теңіз өте үлкен болғандықтан, онда көп түрлі балықтар бар. Олар теңіз астындағы балдырлармен, су асты шөптерімен, теңіздің ұсақ жәндіктерімен қоректенеді. Ұсақ балықтар топтасып жүзеді. Сонымен қатар теңізде жыртқыш балықтар да бар, олар ұсақ балықтармен қоректенеді.
Жер бетіндегі ең көп тараған зат - су. Балалар, біз күнделікті өмірде суды көп пайдаланамыз. Біз суды ішеміз, судың көмегімен гүлдер, ағаштар жайқалып өседі, күнделікті тамақтарымызға да су қосамыз. Сусыз өмір болмайды. Сонымен қатар, өрт сөндіруге пайдаланамыз. 2.Су туралы тақпақ.
Су жүргізер тіршіліктің тамырын,
Су жоқ болса тіршілік болмас бауырым,
Судың біздер біле тұра маңызын
Көп болған соң ұмытамыз қадірін.
- Өлең не туралы?
- Су кімге және не үшін қажет?
- Егер су болмаса не болушы еді?
- Балалар, біздер судың әртүрлі қасиеттері бар екеніне көз жеткіздік, сонымен қайталап жіберейікші, судың қандай қасиеттері бар?
3.Сергіту сәті: Сылдыр, сылдыр су,
Сылдыр суға бетіңді жу.
Жуынсаң сен әрдайым,
Аппақ бетің, маңдайың

- Балалар, бүгін біз су астындағы тіршілікті әртүрлі материалдарды пайдаланып бейнелеп көрейік.
Сендер білесіңдер теңіз өте терең болады, оның ең астында әр түрлі ұсақ тастар болады. Олар әр түрлі көлемде болады (дөңгелек, сопақша, үлкен, кішкентай)
Содан кейін су астында өсетін шөптер, балдырлар болады. Олар да ұзын, қысқа, ирек, түзу болып келеді.
Келесі кезекте осы шөптер арасында жүрген балықтарды орналастырамыз.
(жұмыс барысында балалар сұрақтарға жауап береді)
Көлдің көркі – құрақ,
Таудың көркі – бұлақ.
Су анасы - бұлақ,
Сөз анасы – құлақ.
Судың да сұрауы бар.
Сусыз өмір жоқ, Отсыз темір жоқ.
Су ішкен құдығыңа түкірме.
Бір тамшы су жерге пайда.
Суға дәрет сындырма,
Кір суды баспа.
ІІІ.Қорытынды. - Су асты тірішілігінде нелер мекендейді?

Бағалау. Барлықтарың жақсы қатыстыңдар.
Су түссіз.
Тіршілік атаулының бәріне су ауадай қажет.