Бірлік - түбі береке!

Сынып: 5«ж»

Сабақтың тақырыбы: Бірлік - түбі береке!

Сабақтың мақсаты: Біздің елімізде тұрып жатқан басқа да халықтардың озық дәстүрлерін, мәдениетін,салт- дәстүрін, өзіндік үлгі-өнегесін оқушылардың бойына сіңіру. Оқушыларды мемлекетіміздің достық пен бейбітшілік қарым-қатынасы мен тегін, тарихын білуге тәрбиелеу.

Көрнекілігі: достығы жарасқан ұлт өкілдеріне арналған мемлекеттері туралы слайдтар, достық тақырыбына көсем сөздер,ұлттық киім киген оқушылар, ұлттық тағамдар.

Сабақтың барысы :

Екі жүргізушы шығып:

Сыр бойында баулардан,

Алатаудай таулардан.

Сарыарқамдай даламнан,

Теңіз Каспий, Аралдан.

Баян сұлу Жібектей,

Төлегендей түлектей,

Ұл-қызы бар елімнен,

Жұлдызы бар жерімнен.

Сәлем, саған туған ел!

Аспаны бір, күні бір.

Жұлдызы бар бір, түні бір.

Арманы бір , жыры бір,

Даласы бір, гүлі бір.

Сәлем саған, туған ел!

Жүргізуші: Қош келіпсіздер, құрметті қонақтар, көрермендер!

2-жүргізуіші: Бүгін, сіздердің назарларыңызға «Бірлік түбі- береке» атты іс шарамызды бастауға рұқсат етіңіздер.

1-жүргізуші: Ортақ мекен жер шары,

Төбемізде тұр аспан.

Барлық ұлттың баласы,

Достығымыз жарасқан.

2-Жүргізуші Ортақ бізге бір Отан.

Ортақ жердің байлығы.

Еңбек ортақ, жыр ортақ,

Ортақ бізге барлығы.

Екеуі бірге: Байлықтың ең үлкені- халықтар достығы.

1-жүргізуші: Біздің қазақстан жерінде 130 дан астам ұлт

өкілдері тұрады. Бүгін осында қазақ, орыс, өзбек, ұлт өкілдерінен біздің колледжде оқитын оқушылар бүгінгі іс-шарамызға қатысуға келіп отыр. Осы ұлт өкілдеріне қошеметтеп қол шапалақтап қояйық./ду қол шапалақ/

2-Жүргізуші Бүгінгі іс шараның өткізілу жоспарымен таныстырып өтейін. Іс шарамыз 4 турдан тұрады.

1- тур. Ұлт өкілдерінің тілектері.

2-тур. Өз ұлтымның өнері.

3-тур. Дастарқан сәні-ұлттық тағамдар.

4-тур. Достық түбі- береке, береке түбі-мереке.

1-жүргізуші: Сонымен 1-тур. Ұлт өкілдерінің тілектері.

Бұл жерде біздің елімізде туып өскуен ,бүгінде мектебімізде оқып жүрген ұлт өкілдерінің тілектерін тыңдайық. Кезекті сөзді сіздерге берейік. 1-ші сөз Орыс мәдени орталығының өкіліне беріледі.

Орыс мәдени орталығы: 1-оқушы.Алматы облысына қарасты Орыс мәдени орталығы 1992 жылы құрылған еді. Содан бергі кезеңде біздің орталық өлке жұршылығының баянды тірлік құруы үшін аз еңбек сіңірген жоқ. Әрине негізгі мақсатымыз- славян мәдениетін дамытуға , орыс тілін оқытуға ұлттық салт-дәстүрімізді насихаттауға бағытталған. Біз елімізде ешқандай қақтығыс, төңкерістің болмағанын қалаймыз. Қазақстан қашанда осындай тұрақты қалыпта болып, төбемізден күн күліп тұрса екен дейміз. Басқа біге түк керек емес. Барлық мерекелерде басқа халықтармен бірге өзіміздің өнерімізді көрсетіп, ән салып, би билеп, той тойлаймыз. Біз үшін басты мәселе өзара түсіністігімізді дамыту.

Қазақстан жасасын!

2-оқушы:Думан елім ,

Асқар белім.

Шалқар көлім,

Құшағын жайған айдыным,

Мәңгілікке панам өзің.

2-Жүргізуші Ендігі сөзді Өзбек мәдени орталығына берейік.

1-оқушы:

1-Жүргізуші: Келесі сөз кезегін қазақстан мәдени орталығына берейік.

1-оқушы Егемен ел бесігі жыл өткен сайын еңсесін биіктетіп келеді. Осы тәуелсіз мемлекетімізді уақыт талабына сай салиқалы ақылмен, терең парасат- пайыммен басқарған Н.Назарбаев сынды ерен елбасын қалай мақтап, мадақтасақ та жарасады.

Көп ұлтты халықтың арасында «ши» шығармай бірлік пен ынтымақтың ұйтқысы болып, дер кезінде республикадағы ұлттардың Ассамблеясының жұмысын жандандырып ,олардың тілін, әдет-ғұрпын насихаттауға мүмкіндік жасалуын қадағалап келеді. Осылайша ел басқарудың ауыр міндетін қайыспай көтеруде.

Елбасына деген ізгі ниет, бауырлық қимас сезімге толы. Мемлекетімізде істеліп жатқан игілікті істеріміздің барлығы президент Н.Назарбаев есімімен байланысты.Елбасымыздың есімі Тәуелсіз Қазақстан атымен бірге өріліп, үндесіп тұр.

1-Жүргізуші: Осымен 1-турымыз аяқталды, тілектеріңізге көп рахмет! Ал енді келесі 2-турға көшейік.

2-Жүргізуші: 2-тур. Өз ұлтымның өнері.

Асқарлы қарлы шың,

Аялаған ән құсым.

Туған жер армысың,

Саған мың алғысым – деп өз ұлттарыңыздың өнерлерін шашу ретінде ұсыныңыздар.

2-тур. Орыс мәдени орталығы сіздерді ортаға шақырамыз.

Келесі кезекте өзбек мәдени орталығы

Келесі кезек қазақтарға берілсін

1-Жүргізуші: Жер- Анамыз жасайды тарлық кімге?

Кетпеу үшін мәңгілік қалғып түнде.

Қайталанып,жаңарып айтылады,

Бейбітшілік деген сөз барлық тілде.

Екі жүргізушілер: алдарыңызға Мадина мен Әселай испан биімен

3- тур. Дастарқан сәні-ұлттық тағамдар.

Бұл турда әр мәдени орталық өздерінің тағамдарымен таныстырып шығады. Әдеттегідей ортаға орыс мәдени орталығы.

Одан кейін өзбектерге жол берейік

Ендігі кезек қазақ тобына берейік

1-Жүргізуші: Бәрекелді, жақсы біз Қазақ жерінде тұрып жатқаннан кейін бәрімізге мемлекеттік тіл білу парыз деп есептейміз. Президентіміз айтқандай : «Қазақтанның болашағы –қазақ тілінде»

2-Жүргізуші: Достық түбі-береке, Береке-түбі-мереке дегендей

Осы мерекеге қандай ұлттық тағамдарыңызбен келдіңіздер,оны қалай дайындадыңыздар,қалай аталады сол туралы айтсаңыздар.

Соңғы -4-тур. Достық түбі- береке, береке түбі-мереке.

1-Жүргізуші: Туып-өскен еліміз,жеріміз Отанымыз туралы ,салт дәстүр,ән-күй, өлең жырларыңызды ортаға салуға шақырамын.

Әдеттегідей 1-ші тур орыс мәдени орталығы өздеріңізге беріледі..

2-Жүргізуші: Республикам менің!

Республикам менің!

Келбеттім!

Кең бесігіңді кемел еліңді тербеттің!

Кіндігі сенің қазағым үшін жер,көктің!

Алғысын айтам ақ жүрегімнен мен көптің!

/Музыка. Нұрлыбек ән орындайды./

Жүргізуші: Осымен, «Бірлік түбі-береке» атты тәрбие сағатымыз аяқталды. Қатысқан оқушыларға , қызықтаған мына сіздерге көп рахмет! Келесі кездескенше!