Әрбір шәкірт бір жұлдыз

«Жас Ұлан әлемінде», «Әрбір шәкірт- бір жұлдыз, жарқырауына жәрдем бер!»

. Ақтасам маған деген ел сенімін,

Білмес ем бар екенін жол шегінің,

Жолы бір,Күресі бір, Жеңісі ортақ,,

Халқымның мен-дағы бір бөлшегімін.             К. Ахметова

Мен  №152 қазақ орта мектебінде 2002 жылдан бастап тәлімгерлік қызмет етіп келемін. Ол кезде «Балауса», «Жас ұрпақ» ұйымы жұмыс жасайтын. Еліміз Тәуелсіздік алғалы түрлі жастар ұйымдары құрылып, әр алуан істер атқарған болатын. Десек те, ешбірі бүкіл ел аумағындағы балалар мен жасөспірімдерді түгелдей қамтып, жұмылдыра алмады.Бұл олқылықтың да орны толғандай болды.2011 жылдың   11 ақпан күні өткен  «Нұр Отан» халықтық демократиялық партиясының ХІІІ сьезінде Елбасы Нұрсұлтан Назарбаев Қазақстанның жас азаматтарының басын біріктіретін «Жас ұлан» бірыңғай қозғалысы  және «Жас қыран» балалар ұйымдарының жаңа жүйесін құру керектігін айрықша атап өтіп, нақты ұсыныстар жасаған болатын. Осы үмітті жалғап, заңғар биіктерден көрініп, бой түзеп келе жатқан Республикалық бірыңғай «Жас ұлан» балалар мен жасөспірімдер ұйымының тұсауы 6 маусым 2011 жылы салтанатты түрде кесілді. Бұл жаңа тұрпатты жас қазақстандықты, ұлттың болашақ элитасын қалыптастыруға бағытталған балалар мен жасөспірімдер ұйымы болып табылады.

Міне, «Жас ұлан» балалар мен жасөспірімдер ұйымы қаз-қаз басып, биік шыңға жетуге талпынып, биылғы жылы 5 жасқа да табан тіреп қалыпты. Бұл дегеніміз сүйікті ұландарымыздың қанатын кеңірек жайып, шығар биігіне  одан әрі мойын созғандығын білдіреді.Сонымен қатар, бұл ұйым мүшелері спорт, білім, шығармашылық салаларында өздерінің тума таланттарымен, ұшқыр қиялдарымен, өрен өнерлерімен, асқақ армандарымен ерекшеленіп үлкенге құрмет, кішіге ізетті болуда.Сан мыңдаған шәкірт көшбасшылық қабілетімен танылып, жасампаздық жолында жарқырай білді. Мектебімізде осындай көшбасшы шәкірттердің бірі-Ақтайқызы Гульвираны ерекше атап өткім келеді.

«Әрбір бала- ғажап бір дүние және сол дүниені ашу мұғалімнің мақсаты» деп В.А. Сухомлинский айтпақшы  «Жанам деген жүрекке от берейік!» Гульвира мектептегі озат оқушылардың бірі.

Оның жетістіктері жетерлік. Атап айтар болсақ:Ауданда өткізілген   Махамбет оқуларында «Бас жүлде», Мәуліт мерекесі «Қайырымдылық иманның бастауы!» ІІ-орын  Дипломмен  бағалы сыйлығымен, Республикалық КАТЕV  қазақ тілі  олимпиадасы « сөз шеберлері» бөлімі ІІ-орынмен, «Жарқын болашақ» Диплом,   Диплом ІІ-дәрежелі «Жыр алыбы –Жамбыл!»байқауында «ақынжанды оқушы» номинациясымен марапатталса, Мектепішілік сайыстарға қатысып; «Ең үздік-спикер 2015ж», «Үздік математик-2015ж» номинациясымен, «Жарық жұлдыз» сайысында І-орынмен, «Тіл – Тәуелсіздік тірегі!»  сайысында І –орын, мектебімізде қыздар арасында өткізілген «Көктем аруы-2016ж» сайысында «Бас жүлдені» жеңіп алған.Гульвираны  болашақта талай жеңістерді бағындыра алады деп  ойлаймын және сеніммен айта аламын!

Өмір қанша төксе мейлі нөсерін,

Сыйласа да жүкті ауыр, неше мұң.

Сеніменен талпынамын шыңдарға,

Өнегелі өнерпаз болып өсерсің!

Жас Ұландықтар, әрқашан мерейлі істің ұйытқысы, Отанымыздың білімді де, намысты азаматы деген атты биік ұстаңдар!                                 Әрқашан сенім биігінен көрініңдер! Болашақтың іргесін бірге қалайық, болашағымызды бірге кемелдендірейік,  Жас Ұландар!

№152 қазақ орта мектебінің тәлімгері: Рахымбекова Анар Нәсіпбекқызы.