"Мейірім шуағы"

Тақырыбы: «Мейірім шуағы»

Мақсаты:Балаларға мейірімділік, қайырымдылық құндылықтары туралы тәрбие беру.

Міндеттері:

-Мейірімділіктің адам өміріндегі маңыздылығын түсіндіру;

-Өзара сыйластық қарым-қатынастарын дамыту;

-Мейірбандылыққа тәрбиелеу;

Жүрек жылуы

Мейірімділік

Имандылық

Парасаттылық

Кішіпейілділік

Қамқорлық Жомарттық

Ізгілік

Көп балалы

отбасы балалары Аз қамтылған

отбасы балалары

Қарттар Мүмкіндігі шектеулі балалар

Толық емес отбасы балалары Жетім және ата-ана

қамқорлығынсыз қалған балалар

Жүргізуші: Бүгінгі күні – біз әлем халқы жаңа мыңжылдықта өмір сүрудеміз. Біздің болашағымыз қандай болмақ?

Уақыт өте жатар. Болашақта уақыттың өтуімен өсе келе, бала өзін қоршаған ортадан нені алмақ. Соған бір уақыт көз жүгіртіп көрейікші.

Бала болашақта айналада толып жатқан жақсылықты көреді. Себебі, ол өзін тек қана жақсылыққа тәрбиелейтін ортада өспек. Ол ортада бала нені үйренеді және кім үйретеді?

Әрине оны қоршаған орта мен табиғат жақсылыққа үйретпек.

1-оқушы

Талпын жақсы болуға,

Күнде сәуле шашатын.

Білім іздеп өнер тап,

Түнді күндей ашатын.

2-оқушы

Қайырымды жандар айнала,

Шеңберге келсін жайлана.

Жалықпастан қайта біз,

Махаббат сөзін айтамыз.

Сүйеміз барлық ананы,

Жүрегім оттай жанады.

Бақыттымыз осы біз,

Қасымызда досымыз.

3-оқушы

Мені үлкендер әдепті деп мақтайды,

Мінезімнен теріс қылық таппайды.

Ата-ананың айтқан сөзін тыңдауды,

Әдептілік белгісі деп таныдым.

4-оқушы

Әрқашан да біргеміз,

Жабырқауды білмейміз.

Жалқаулықты сүймейміз,

Біз талапты жас ұлан.

5-оқушы

Сыйластықты іздеген,

Әдеп сақтап ізгі өрен.

Сыпайылық белгісі,

Үлкендерге сіз деген.

6-оқушы

Даламдай кең пейілім,

Жүрегім толы мейірім.

Мен үшін жоқ уайым,

Бәріңе ортақ шуағым.

Жер шарының ұл-қызын,

Жылытуға жетер қызуым.

7-оқушы

Жақсылық көрсең біреуден

Мен қандаймын деп ойла?

Жамандық көрсең біреуден

Мен қандаймын деп ойла?

8-оқушы

Өзіңді өзің қолыңа ал,

Өзіңсің ақыл айнасы.

Тиеді саған мәні бар,

«Өзіңді тану»пайдасы.

Жүргізуші: Тек бүлдіршіндер ғана емес ересектер де табиғаттан, өзін қоршаған өсімдіктер мен жануарлардан да жақсы қасиеттерді үйренбек.

Гүл-нәзіктікті

Көбелек-сұлулықты

Ара-еңбекқорлыққа

Ағаш-достыққа

Тау-асқақтыққа

Су-тазалыққа үйретеді.

Жүргізуші: «Кім тез ойлайды?» ойыны ойналады.

Ойын: «Кім тез ойлайды?»

Өмірде кім және не мейірімді?

-Күлімдеген күн мейірімді!

-Кіршіксіз ақ қар мейірімді!

-Таза мөлдір су мейірімді!

-Бәрімізді көтеріп тұрған жер мейірімді!

-Аяулы анам мейірімді!

-Қадірлі әкем мейірімді!

-Әлпештеген әжем мейірімді!

-Еркелеткен әкем мейірімді!

-Жылы жүзді ұстазым мейірімді!

-Тату-тәтті достарым мейірімді!

«Мен кіммін?»

1-оқушы

Мен, сәбимін бейбітшілік тілейтін бар ғаламға.

2-оқушы

Мен, баламын қамқор болар ата-анаға.

3-оқушы

Мен, доспын достық туын көкке ұстар.

4-оқушы

Мен, баламын болашақта елін қорғар.

5-оқушы

Мен, адаммын осының бәрін ұғар.

6-оқушы

Мен, қазақпын жақсылыққа жаны құмар.

Барлығы:

Біз кішкентай баламыз өсіп, өнер,

Туған жерін, Отанын, елін сүйер.

Жүргізуші: Ал, енді балалар, барлығымыз бірге «Әрқашан күн сөнбесін» әнін орындайық

Әрқашан күн сөнбесін

Күн әлемі, көк әлемі

Бұл суреті жас баланың

Ақ қағазға салған өрнек

Бір шетіне сөз жазған

Әрқашан күн сөнбесін!

Аспаннан бұлт төнбесін!

Қасымда болсын мамам!

Болайын мен де аман!

Пусть всегда будет солнце!

Пусть всегда будет небо!

Пусть всегда будет мама!

Пусть всегда буду я!

(Балалар барлығы бірге әнді орындайды)

Болашақ-жастардікі. Алға үлкен үмітпен қарап, білімді, дені сау, бақытты өмір кешуге толық құқылымыз. Қазір сіздерге «Менің жер шарым» тренингін ұсынамын.

Тренинг: «Менің жер шарым»

Шарты: Тақтаға күн суретін салып, ортасына «Мен» деп жазады. Осы күннің ортаңғы нүктесінен шашақтарын сызып, әрбір шашақтың бойына келесідей сұрақтарға жауаптар жазылады.

1. Менің бойымда қандай қабілеттер бар?

2. Мен қандай кітаптар оқығанды ұнатамын?

3. Мен нені армандаймын?

4. Мен нені есіме түсіргенді ұнатамын?

5. Мен нені есіме түсіргенді ұнатпаймын?

6. Менің мінезім қандай?

7. Көбінесе көңіл-күйім қандай болады?

8. Басқаларға қарағанда, мен нені жасай аламын?

9. Маған өмірде не көбірек тартымды болып көрінеді?

10. Мен не нәрсемен шұғылданғанды көбірек жақсы көремін?

Қорытынды: Өмір қызығы мен қайғысын қатар көрсетеді. Бұл-өмір заңдылығы. Сол себепті өз өмірімізді қиюға тұратын нәрсе бар ма? Адамға, ең бастысы, осы мәселенің шешімін табу маңызды.

Барлығымыз шеңбер құрып, қолымызды ұстап тұрайық. Мына әдемі гүлді бір-бірімізге ұсынып, жылы лебіздерімізді білдіріп, тілек айтыңыздар.

-Бақытты бол!

-Өзіңе сенімді бол!

-Қиыншылыққа төзе біл!

-Ата-анаңды сыйла!

-Денсаулығын мықты болсын!

Сабаққа қатысқандарыңызға рақмет! Сау болыңыздар!