Класс ?здігі

Ашық тәрбие сағаты

Тақырыбы: Класс үздігі (сайыс сабақ)

Мақсаты: Оқушылардың білімділік дағдыларын байқау.

Дамытушылық: Оқушыларды тез ойлауға есте сақтауға, өз ойын жан-жақты

толық жеткізуге, қосымша ізденуге баулу.

Көрнекілігі: Жаңа ақпараттық технологияларды қолдану; интерактивті

тақта, қанатты сөздер жазылған плакаттар.

Сабақтың барысы: Гимн орындалады.

І. Ұйымдастыру. Психологиялық дайындық

Екі көзің не үшін керек?

Жақсыларды көру үшін.

Екі құлағың не үшін керек?

Ақыл кеңес тыңдау үшін.

Екі қолың не үшін керек?

Елге көмек беру үшін.

Екі аяғың не үшін керек?

Туған жерде жүру үшін.

Ендеше балалар 12 мүшелерің сау болып, үлкен азамат болып өсулеріңе тілектеспін.

Бүгін «Класс ү.здігі» атты тәрбие сағатына ата-аналарды, ұстаздарды тағы басқа қонақтарды шақырып отырмыз.

Бұл тәрбие сағаты сайыс түрінде өтеді. Сайыс ҮІ бөлімнен тұрады.

І бөлім: «Кім жүйрік?» сұрақ-жауап.

ІІ бөлім: «Көкке самға» мақалдарды жалғастыру.

ІІІ бөлім: «Қызықты бестік» әр пәнне сұрақтар қойылады.

ІҮ бөлім «Аталар сөзі асыл қазына» сөздердің жалғасын тап.

Ү бөлім: «Ұтымды ой – ұшқыр жауап» тақырып бойынша өз ойларын жеткізу.

ҮІ бөлім:

І бөлім: «Кім жүйрік?» Интерактивті тақтада сұрақтар беріледі, сол сұрақтарға жауап берілу керек.

Қане бәріміз интерактивтік тақтаға назар аударамыз.

1. Әлемнің екінші ұстазы атанғын алған ғұлама (Әл-Фараби)

2. Ең тәтті не? (ананың сүті, баланың тілі тәтті).

3. Бөлме гүлдерін ата (шырмауық, қырық жапырақ, бөртегүл).

4. Елордамыз қай қала? (Астана)

5. Мектеп деген не? (ғимарат, кабинет, рухани орын, мектепте ұстаз, бала, ата-ана бірігіп арман, идея, мақсатқа жетуге арналған жер)

6. Иықты бұйымдарды ата. (шапан, күрте, күпі, тон, көйлек, камзол.)

7. 3+4= 7 Өрнектегі 7 саны қалай аталады? (қосындының мәні)

8. Оттанда ыстық не? (Отан оттан да ыстық).

9. Қандай амандасу рәсімдерін білесіңдер? (1. Ассалаумағалейкум – бұл Алланың нұры жаусын деген мағынаны, 2.уағалейкумассалам – саған да Алланың нұры жаусын деген мағынаны білдіреді, 3. Қол беріп амандасу + шынайы ізгі ниетті білдіреді, 4. Төс қағыстырып амандасу-өр жігіттердің шынайы достығын білдіреді.).

ІІ бөлім. «Көке самға» мақал-мәтелдер ой дәлдігімен, тереңдігімен, ықшамдылығымен ерекшеленеді. Өмірдің сан алуан құбылыстарындағы халықтың ғасырлар бойғы тәжірибесі қортындыланады.

Мақалдарды жалғастыр:

1. Жеті жұрттың тілін біл (Жеті түрлі білім біл).

2. Бір кісі қазған құдықтан, (Мың кісі су ішеді).

3. Еңбек етіп ас ішсең, (Балдан тәтті болады).

4. Білекті бірді жығады, (Білімді мыңды жығады).

5. Қоянды қамыс өлтіреді, (Ерді намыс өлтіреді).

6. Өнер іздеген өсер, (Өсек іздеген өшер).

7. Байлық – (қанағат пен еңбекте).

8. Талаптыға – (нұр жауар).

9. Еңбек – (өнер өрісі).

ІІІ бөлім. «Қызықты бестік» бұл бөлімде өздеріңнің білімдерің, тез ойлау мүмкіндіктерің байқалады. (Пәндерден сұрақтар қойылады, дұрыс жауап 10 балл). Әр оқушы бір цифр таңдайды, артында пән аттары жасырынған.

1. Қазақ тілі: Оңнан солға, солдан оңға қарай да бірдей оқылатын сөздер қатарын айт. (қырық, қызық, қазақ, кесек, кебек)

2. Математика:

а) «Құпия кесте» бос орынға тиісті санды табыңыз. (16)

ә) Аралас сан түрінде жазыңыз. (12)

б

16 12 2012

Кесте қандай? (Тәуелсіздіктің 20 жылдығы).

1. Информатика: Мәтіндік және сызбалық ақпаратты енгізетін құрылғы қалай аталады?

2. Орыс тілі: Назовите парные согласные на конце слова в стихотворении. Вот царь зверей могучий лев (Ф)

А тут жираф (в) длинющей шеей,

Ушастый ёж (ш) красавец смотрит вниз.

Там растянулась сладко рысь (з)

Плывет могучий бегемот (д)

Медведь (т) над нерпою ревёт

И белый голубь (п) там летает.

1. География: Жер, көл, тау, өзен аттарына байланысты потонимикалық аңыз, мысалы «Зайсан», «Толағай», «Қурайлы», «Үшкөмей».

2. Биология: Судың маңызы. Жер бетінде, тіршілікте алатын орны.

Су деген тіршіліктің қаны емес пе,

Су деген табиғаттың жаны емес пе,

Су жоқ жерде өмір жоқ, ол ақиқат,

Күміс су қара жердің сәні емес пе?!

1. Сөзді ағылшын тілінде айтыңдар, 1-2 сөйлем құрыңдар. Мектеп, білім, тәрбие, кітап,, мұғалім, оқушы, сайыс, кім үздік?

2. Тарих: Шыңғыс ұрпағынан шыққан қазақ зиялыларының есімін ата. (ХІХ ғасырдағы қазақтың жарық жұлдызы Ш.Уалиханов Абылай ханның ұрпағы болған, сәулетші Шон-Аман Ыдырысұлы Уалиханов та Шыңғыс ұрпағы болған).

3. Физика: Внимание! Физика в пословицах и русского народного творчества. «Дружба как стекло, , разобьешь не сложишь.» Бұл мақал физиканың қай құбылысына сәйкес келеді? Түсіндіреміз. (Молекула құрлысы).

ІҮ бөлім. «Аталар сөзі асыл қазына»

Аталардан қалған бізге мирас болып жеткен сөздердің жалғасын тап.

1. Денсаулықтың қадірін ... (ауырғанда білерсің)

2. Қара көздің қадірін...(нұр кеткенде білерсің)

3. Аяқ-қолдың қадірін....(қақсағанда білерсің)

4. Татулықтың қадірін ... (дос кеткенде білерсің)

5. Отыз тістің қадірін .... (қақсағанда білерсің)

6. Қалтаңдағы ақшаны ... (қағылғанда білерсің)

7. Қызыл тілдің қадірін ... (тоқтағанда білерсің)

8. Ақ бетіңнің қадірін ... (қан кеткенде білерсің)

9. Білім – (таусылмайтын байлық деп білерсің).

Ү бөлім «Ұтымды ой – ұшқыр жауап»

Балалар тақырып таңдап, сол бойынша өз ойын толық жеткізеді. Жоғарғы балл – 50, төменгі балл – 30.

1. Отаным бақыт ордасы.

2. Ырыс алды ынтымақ.

3. Жақсы талғам – жан азығы.

4. Достық деген не?

5. Құнарлы ой, көркем тіл.

6. Алтын бесік ата жұрт.

7. Туған жерім – тұнған шежіре.

ҮІ бөлім. Жанды сұрақтар.

Қатысып отырған мұғалімдер сұрақ қояды, балалар қосымша 10 балл алуларына болады.

Қазақ әдебиеті, өзін-өзі тану, технология, геометрия, дене тәрбиесі, дүние жүзі тарихы. (Балл саналғанша музыкалық сәлем).

Қортынды. Жеңімпазды марапаттау, қатысушыларға тілек ниет: мектеп директоры Естемисова С.Б., оқу ісінің меңгерушісі: Махметова Л.С., тәрбие ісінің орынбасары Сихымбаева Г.Р..

Бағалау парағы