Сағындырған Алтын күз!
Мақсаты:
Мектебімізде өткізіліп жатқан «Алтын күз» мерекесіне ұйымшылдықпен қатыса отырып, күз-байлық, күз-береке, күз-молшылық, күз-шаттық, күз-қуаныш екенінін оқушы санасына жеткізу. Ұйымшылдыққа, бірлесіп, жұмыс атқаруға баулу
Барысы:
Кеш жарық, қымбатты ұстаздар, көрермендер, оқушылар! « Армысың, Алтын күз!» атты күзгі бал кешіне қош келдіңіздер. Берекелі, мерекелі алтын күз құтты болсын. Қасиетті күз мезгілі туралы бір сөзбен айтып жеткізу мүмкін емес. Күз дегеніміз-жазира даланың дархан дастарханы. Күз дегеніміз- байлық, молшылық.
Алтын күз біз бен сізге шуақ шашсын,
Көңілді серіппелі күйін ашсын.
Бақ пенен шаттық бірге қатар қонып,
Береке бірлікпенен ортақтассын,
– дей келе кешіміздің шарттарымен таныстырып өтейін.
1. Таныстыру. (топтың аты, топ атына cәйкес эмлемасы.)
2. «Күзге сағыныш» (белгілі ақындардың күзге арнау өлеңін мәнерлеп жатқа айту)
3. «Жапырақтай жайқалып»» (күз тақырыбына ән шырқау,би өнері)
4. «Күзгі дәм» (күз байлықтарынан тағам ұсыну, жемістен кез келген заттың мүсінін жасау, бұл үй тапсырмасы)
5. Сұрақ-жауап. (топ басшыларының сайысы.)
6. Қол өнер бұйымы. Тақырыбы: « Менің Отаным-Қазақстан.» (Бұл бұйымдарыңыз біздің қазақ екенімізді айшықтап тұратын зат болса және Қолөнер бұйымы мектепте сақталатын зат болуы қажет. Оны қорғауларыңыз қажет. Ағаштан, пенопласттан, пластиктерден, матадан жасалған зат)
Осы шарттарға сәйкес топтарға әділ баға берер әділ-қазылар алқасымен таныстырып өтейін.
1. Мектеп директоры: Б.Ж. Бекболатқызы
2. Ата аналар комитетінің төрайымы: Д.А. Какешқызы
3. Тәрбие ісінің меңгерушісі: Е.Ж. Несіпханқызы
Білім- теңіз, мектепті – кеме дейміз,
Білім мен тәрбие егіз неге дейміз?
Әдемі мен тәлімі үндесетін,
Жастарды болашаққа жетелейміз.
Жеңістер мен жеңілістен тұратын
Өмір-күрес, жеткізе ме мұратын.
Жеңбедім деп, жеңілдім деп ренжімегің,
Қатысу да бір жеңіс, жан болсаң сен ұғатын,-
деп кешіміздің алғашқы шарттарына кезек берейік.
1. Таныстыру. (топтың аты, топ атына cәйкес эмлемасы)
2.Табиғаттан бабамыз ала берген секілді,
Дархандықты қазаққа дала берген секілді
Еркелікті, ерлікті желден алған секілді
Мөлдірлікті көгілдір көлден алған секілді
-деп Қадыр Мырзалиев ағамыз жырлағандай, бүгінгі күзігі мерекемізді табиғатты аялау, табиғат сұлулығын сақтау тақырыптарымен ұштастырсақ артық айтпаған болар едік. Мұнда қатысушыларымыз күз тақырыбына белгілі ақындардың өлеңдерінен көркем сөз оқиды. Әділқазылар алқасы оқу мәнеріне, сөйлесу шеберлігіне баға береді. «Күзге сағыныш» (белгілі ақындардың күзге арнау өлеңін мәнерлеп жатқа айту)
3. Алтын күз бірде шуақ, бірде салқын,
Жер мен көк жалтыраған сап-сары алтын
Ағашта жапырақтар сылдырлайды,
Төгілген алтын теңге сансыз жалқын.
Сары алтын батсайыдай дала мидай,
Үйілген мая-мая қызыл мидай
Қырманда қызыл алтын, қызыл маржан,
Жайнайды жаратылыс берген сыйдай,
-деп Сәкен Сейфуллин ағамыз алтын күзді керемет шабытпен сары алтынға теңеп жырлаған екен. Қазақ өнер десе ішкен асын жерге қоятын халық қой. Ендеше, құрметті көрермендер «Жапырақтай жайқалып» ән, би өнеріне кезек берейік.
4. Жомарт-күз – деудің себебі: піскен жеміс-жидек, көкөніс, астық табиғаттың күзгі сыйы. Күзде егінді жинап болған соң ата-бабаларымыз «Сабан той» деп күз берекесін тойлаған. «Алтын күз», «Күзгі бал» кештерін өткізу дәстүрге айналған. Келесі бөліміміз «Күзгі дәм» (күз байлықтарынан тағам ұсыну, жемістен кез келген заттың мүсінін жасау, бұл- үй тапсырмасы)
5. Сұрақ- жауап бөлімі. «Қазақ тілін -дамытамыз, орыс тілін- қолдаймыз, ағылшын тілін –үйренеміз.»
Бұл бөлім топ басшыларының
сайысы. Мұнда жұмбақ жасырылады, жауабын үш тілде айту керек.
6. Қол өнер бұйымы. Тақырыбы: Менің Отаным- Қазақстан. Бұл бұйымдарыңыз біздің қазақ екенімізді айшықтап тұратын зат болса және қолөнер бұйымы мектепте сақталатын зат болуы қажет. Оны қорғауларыңыз қажет. Ағаштан, пенопласттан, пластиктерден, матадан жасалған зат)
оны қорғауларыңыз қажет.
Білім аққан сел дейді,
Бірақ оңай келмейді.
Ала білсең білім көп,
Ақыл ойға кел дейді
Білім ой мен арымыз,
Рухани ол нәріміз
Сайыскерлер сіздерге,
Қол соғамыз бәріміз!
Қатысушылармыз өз тапқырлықтарын, шеберліктерін білдірсе, шығармашылығымен танылса, арайлы алтын күзіміздің жүлдегерлерін анықтайық. Әзірге әділқазылар алқалары өз шешімдерін шығарғанша қыздарыңыз Гаухардың орындауындағы «КҮРЕҢ КҮЗ» әні. Қабыл алыңыздар!
Құрметті көрермендер «Сағындырған Алтын күз!» мерекесін қорытындылау үшін сөз кезегін әділқазы алқаларына береміз.
(Қазылар алқасы жеңген топтарды мақтау қағаздарымен марапаттайды.)
Қош демейміз, әлі талай сайыстар бар
Өнерлерің өрлей берсін, қайыспаңдар,
Ойлы орта кеңейсін күннен-күнге
Өскен елдің жұртынан қалыспаңдар.
Осымен бүгінгі « Сағындырған Алтын күз!» атты кешімізді аяқтаймыз. Жеңісті күндерде кездескенше, сау болыңыздар!
