?ош ?ліппе

Тақырыбы: ҚОШ, СҮЙІКТІ «ӘЛІППЕМ!».

Сабақтың көрнекілігі: Шарлармен безендірілген сынып, нақыл сөздер.

Барысы.

Мұғалім:

Қымбатты балалар! Білім әлемінің беташары «Әліппені» табысты аяқтауларыңызбен құттықтаймын. Мен шәкірттеріме ризамын. Бәрінің оқуы, тәртібі өте жақсы. Тәрбиелі балалар. Шәкірттерімнің осындай нәтижеге жетулеріне, әрине, ата-аналарының да еңбегі өте зор. Оларға алғысымыз шексіз. Сонымен «Қош, сүйікті Әліппем!» атты ертеңгілігімізді бастаймыз.

Хор: Сәлем саған мектебім.

Мұғалім:

• Балалар мен сендерге бір жұмбақ жасырғым келіп отыр.

Іші толған әріпке,

Білімдегі жарық не? (Әліппе)

Оқушылар:

Болашаққа жол ашқан,

Ол сүйікті Әліппе.

Мұғалім:

• Олай болса, бәрімізге қымбатты дос «Әліппені» ортаға шақырайық.

Хормен: Әліппе, Әліппе! (Ортаға Әліппе шығады).

Әліппе:

1. Армысыңдар, жас достар!

Армысыздар, ата-ана.

Болашаққа жол бастар

«Әліппең» келді ортаға.

1. Білім деген ғажаптың,

Әліппесін меңгерген.

Келешегі қазақтың

Басталады сендерден.

1. Таудай болса талабың

Айтары көп әріптің

Қуанышы баланың –

Қуанышы халықтың.

1. Жақсы білім көрімдік,

Болсын бізге халайық.

Не үйреніп, не білдік,

Қане ортаға салайық!

Мұғалім:

• Құрметті Әліппе! Балалар ертеңгілік барысында өз білімдерін тағы көрсете жатар. Ал қазір өздерінің іні-қарындастарын құттықтау үшін жоғары сынып оқушылары келіп тұр. Ендігі сөзді соларға берейік.

Жоғары сынып оқушысы:

1. Сырлы әріптер сыр түйіп,

Сабырмен саған қарайды.

Сырларын білсең бас иіп,

Керегіңе жарайды.

1. Қолыңа тұңғыш қалам ап,

«А»әрпін алғаш жазарсың.

Біліп ап «А»-ны саралап,

«Б»-ға көзді саларсың.

1. Осылай барлық әріпті,

Есіңе түйіп аларсың.

Нұрлы әріппен жарықты,

Жүрегіңе жағарсың.

1. «Әліппе» деген - алтын жол,

Апарар сені алысқа.

Жеңіл емес алыс жол,

Тырысып бақ намысқа!

Мұғалім:

Сенің нұрың сөнбесін,

Ашық аспан жарық күн!

Келешегі сөйлесін,

Қазақ деген халықтың!

1-оқушы:

Оқуды көп ойладық,

Қызығына тоймадық.

Әріптерді үйреніп,

Сауат аштық, тойладық.

2-оқушы:

Барлық әріп бағалы,

Айттық әділ бағаны.

Әріпсіз сөз болмайды,

Буын онсыз толмайды.

Адам барлық әріпті,

Ардақтайды, қолдайды.

3-оқушы:

Алфавиттің «А» тұрады басында,

Әрқашанда «Ә» тұрады қасында,

Байқадың ба,

«Б» тұрады үшінші,

Ал осының

Сыры неде түсінші?

4-оқушы:

«А» деген ол –

Аналар ғой ардақты,

«Ә» деген ол –

Әкелер ғой салмақты,

«Б» деген ол –

Балалар ғой әдемі...

5-оқушы:

Алшақ кетпей,

Сондықтанда да расында,

Тұрады олар

Алфавиттің басында.

6-оқушы:

Барлық кітәпқа бас болған,

«Әліппеден» басталған.

«Әліппе» - ғылым анасы

Даналықтың данасы.

Мұғалім:

• Бүгін біздің мерекеге қонақтар келді. Қош келдіңіздер, жоғары шығып төрлетіңіздер! (Сыныпқа «Ана тілі» және «Қазақ тілі» кіреді).

Ана тілі:

• Армысыңдар жас достар! Менің атым «Ана тілі». Енді мені оқитын боласыңдар. Ынта қойып оқысыаңдар көп нәрсені үйренесіңдер.

Оқушылар: Оқимыз, Ана тілі, оқимыз.

Қазақ тілі:

Ал менің атым «Қазақ тілі». Мен сендерді сауатты жазуға үйретемін. Мені де ынта қойып оқыңдар.

Оқушылар: Уәде береміз, Қазақ тілі!

Мұғалім:

«Ана тілі», «Қазақ тілі» оқулықтары оқушылармен бірге болыңыздар. Оқушылардың өнерлерін көріп тамашалаңыздар.

Ана тілі:

• Қане, Отан туралы, ел, жер жайлы не білдіңдер, қандай жұмбақтар, мақал-мәтелдер үйрендіңдер?

Қазақ тілі:

• Дұрыс айтасыз, мен де өзіме қатысты сұрақ қойсам ба деп едім. Жарайды сіздің жолыңыз үлкен ғой. Сізден кейін маған да дайындағандарын көрсетер.

Оқушылар:

Қазақстан біздің сүйікті атамекеніміз. Еліміз егеменді ел, Тәуелсіз мемлекет болды. Қазақстанда көп ұлттар тұрады. Елбасы Нұрсұлтан Әбішұлы Назарбаев. Елордасы Астана қаласы. Мемлекеттік тіл қазақ тілі болып саналады.

Қазір қазақ мемлекетінжер жүзі біледі. Оның көгілдір туы достық қарым-қатнастағы елдерде желбіреп тұр. Мемлекеттік әнұранымыз дүние жүзінің әр қиырында қазақ тілінде шырқалады. Бұл бізідің жүрегімізді мақтаныш сезіміне бөлейді. Біз ана тілімізді ардақтаймыз.

Хор: «Отан».

Қазақ тілі:

• Міне мақсатым да осы. Сендерге дыбыстардың, әріптердің, сөздердің ерекшелігін оқытып үйретемін. Әлі талай сырларды үйретемін. Оқып үйренгендерің көрініп тұр, жарадыңдар.

Мұғалім:

Мінекей достар Әліппемен де қоштасу уақыты келді.

7-оқушы:

«Әліппем», менің «Әліппем»,

Сені қолға алып мен,

Есігін аштым мектептің

Ертеңгі сәуле жарықпен.

8-оқушы:

Қош бол, құтты «Әліппем»!

Көп нәрсені үйреттің

Таныстырып әріппен

Тақылдатып сөйлеттің.

9-оқушы:

Ашыла берді алдымнан

Кең дүние есігі

Соғылған сомдап алтыннан

«Әліппе» - білім бесігі!

Хор: Әліппе.

Әліппе:

Ал енді, оқушылар, мені жақсы меңгергендерің үшін рахметімді айтып сендерге, ата-аналармен бірге сыйлығымызды табыс етеміз.

Оқушылар хормен: Қош бол, құтты «Әліппем»!

Би: Вальс.

Скетч шоу:

1. Кітап.

2. Есеп.

3. Қазақтар.

Би: Испан биі.

Көрініс: «Шұбар тауық».

Би: Қамажай.

Мұғалім:

Сендердің «Әліппені» жақсы меңгеріп, сауатты болуларыңа ата-аналарыңның да қосқан үлесі мол. Кәне, бәріміз ата-аналарға рахметімізді айтайық.

Құттықтау сөзі.