Тақырыбы: Елімнің бақытын тербеткен тәуелсіздік.
Мақсаты: Оқушылардың өткен тарихымызға деген ұлттық көзқарастарын қалыптастыру. Оқушыларды елді, Отанын сүюге және егемен елімізді сақтауға және оны гүлдендіруге құштар патриоттық күш – қуаты мол жастарды тәрбиелеу. Желтоқсанда мерт болған қазақ қыздары мен жігіттерінің рухына, ерлігіне деген тағзым.
Көрнекілігі: плакаттар, суреттер, буклеттер, нақыл сөздер, интерактивті тақта
Барысы:
Мұғалімнің кіріспе сөзі:
Көк туым көтерілді бағым жанып,
Елтаңбам күллі әлемге танылды анық.
Шырқадым әнұранды бар дауыспен,
Бізге тәуелсіздік туын, қазақтың көк байрағын биік көтеріп, ел екенімізді дәлелдеп, дүние жүзіне танылуымызға себеп болған және дүниені дүр сілкіндірген Желтоқсан оқиғасына биыл 25 жыл толып отыр.
Армысыздар, құрметті ұстаздар, оқушылар және қадірменді қонақтар! Бүгінгі Тәуелсіздігіміздің 25 жылдығына арналған «Елімнің бақытын тербеткен тәуелсіздік »атты тәрбие сағатын көруге шақырамыз. Начало формы
Себебі, тәуелсіздіктің түп тамыры сонау бабалар ар – намысынан туындап жатқан жоқ па? Бейбіт шеруге шығып, билік тарапынан кінәлі деп саналған жастарымыздың бір бөлігі қанды қырғында көз жұмса, аман қалғандары өздері аңсаған азаттықтың қызығын көруде. Уақыт емші деп өзімізді жұбатқанымызбен, қыршын кеткен бауырларымыз есімізге түскенде жан – жарасы жаңғырып, қайғының айықпас дертіне шалдыққаныңды терең сезіне түсесің. Қайрат Рысқұлбеков, Ләззат Асанова, Сәбира Мұхамеджанова, Ербол Сыпатаев сынды қандастарымызды естен шығару мүмкін бе?
Осы желтоқсан оқиғасы салдарынан қаза болған жазықсыз жастарымыздың рухына бас иіп, орынымыздан тұрып бір минут еске алайық!
Бір минут үнсіздік.
Мұғалім сөзі :
«»Елімнің бақытын тербеткен тәуелсіздік атты ашық тәрбие сағатымызды бастаймыз.
Хор: Мемлекеттік Әнұран
Мұғалім сөзі:
Жағасына жауының жетіп қолы,
Тартып алған тәуелсіз күшпен өткен.
Тәуелсіздік елімнің ерлік жолы,
Олжа емес салбырап түскен көктен.
Қуаныш аралас қасіретпен,
Ерлік жолда қаншама ғасыр өткен.
Еркіндік, ерлігін сақтау үшін,
Талай ердің бұл жолда басы кеткен.
1-оқушы:
Тәуелсіздік таңын сүйем,
Таң мен бірге келді ме өлең
Көк туына басымды ием
Көгімізде желбіреген
2- оқушы:
Маған қымбат ұлы елімнің
Шешек атқан әр таңы
Аялайды бәрімізді
Азаттықтың таң нұры.
3- оқушы:
Жасасын жаса, азат күн
Жасасын бейбіт ел мен жер
Бостандық алған қазақтың
Мәртебесін көрсін ел
Отанды әркім анасындай
Қастерлейді бағалап
Өйткені, Отан баласындай
Бізді өсірер аялап
4 – оқушы:
Көк аспандай тулайтын
Жел тоқсанның күні бұл
Елім дейтін ұлдардың
Елжірейтін күні бұл
5- оқушы
Отан деген атамекен
Отан деген туған жер
Отан –Ана
Отан – үлкен
Қазақстан туған ел
Хор : «Елтаңбасы елімнің»
Ойын:
Балалар қазақ халқының ұлттық ойындарының бір түрі
- «Бәйге ойыны» ол шапшандықты қажет етеді.
- Мен сендерге сұрақ қоямын.
- Кім сұраққа толық, анық, тез жауап берсе, сол бала жеңіске жетеді.
1. Қазақстан Республикасының президенті кім?
2. Қазақстан Республикасының рәміздерін білесіңдер ме?
3. Тудың түсі қандай?
4. Отанымыздың астанасы қай қала?
5. Тәуелсіздігімізге биыл неше жыл
6. Біз қай елде тұрамыз?
7. Біздің ауылымыз қалай аталады?
6- оқушы
Тарылып жатса даламыз
Қайтіп біз тыныс аламыз
Қақымызда жоқ айтуға
Әділет қайдан табамыз
7- оқушы
Тәуелсіздік ұлы күнім
Тұрсын жайнап төбемде
Сен, жасай бер мәңгі бақи
Қуанышқа бөлен де
8- оқушы
Сарыарқаның даласында
Күн шуағын төккен күн,
Елім менің, жерім менің
Баққа қолы жеткен күн
- Енді Отан, туғун жер туралы қандай мақал-мәтел білесіңдер?
Отансыз адам – ормансыз бұлбұл.
Отан – оттан да ыстық
Ырыс алды- ынтымақ Бірлік болмай, тірлік болмас..
Бірлігі жоқ ел тозады Бірлігі күшті ел озады.
Ер ел үшін тады, Ердің көркі елімен
Ел үшін өледі. Ердің көркі елімен
Отан көркі жерімен
Көрініс: (Атасы мен немересі)
Ақырын басып қарт шығады.Орындыққа келіп демалып отырады. Осы кезде жүіріп немересі келеді.
Немересі: -Ата, не ойлап отырсыз ?
Атасы: - Ә, балам, «өткен өмір » сонау ежелгі ата – бабаларымыздың ерте кезден бергі өткен өмір жолы тарихы емес пе?
Немересі: -Ал, ол қандай болған?
Атасы: -Ендеше, тыңда балам. Ал, тарихты тыңдайық.
Атасы: -Бұған да тәуба. Егемендік алып, әлем таныдығой елімізді.
Өлең : «Достық
Мұғалім сөзі: Тәуелсіздік он бір әріптен құралған. Осы он бір әріп не мағына береді талдайын.
Т – білдіреді теңдікті
Ә – әдептілік елдікті
У – уайымсыз уақытты
Е – егемен елдікті
Л – дейді лаулап,
С – сенімділік секілді ең
І – ілтипат пен ізет қой
З – зиялылық тілек қой
Д – шақырады достыққа
І – ілкімді боп сақтыққа
К – дейді күн боп көктегі
Көз алартпа көршілерге, қол сұқпа.
Хор : Кел,билейік
Құттықтау сөз
Қорытындылау.
Мұғалім: Біздің тілегіміз – бейбітшілік,тыныштық. Сендердің әрқайсысың Отанына қызмет ету үшін жақсы,әдепті,қайырымды,үлкеннің тілін алатын,кішіге қомқор бола білетін азаматтар болып өсулерің керек. Ата-бабамыз жанын қиып қорғаған ұлан-байтақ жердің иесі, болашақ иесі сендерсіңдер. Отанымыз жайнай берсін! Гүлдене берсін! деген ниетпен тәрбие сабағымызды аяқтаймыз келіп,қатысқандарыңызға көп-көп рахмет айтамын.
