Елімнің бақытын тербеткен – Тәуелсіздік

Елімнің бақытын тербеткен – Тәуелсіздік

Мақсаты:оқушыларға Қазақстан туралы , оның Тәуелсіздігі туралы мәлімет беру, Тәуелсіздікке қалай жеткенін баяндау, көрсету; оқушыларды өз елін сүюге, қадірлеуге,осы елдің ұланы екенін мақтан етуге баулу,өз ана тілін сүюге, әдемі сөйлеуге үйету.

Көрнекілігі:Қазақ елі рәміздері,нақыл сөздер,слайд,шарлар.

1-жүргізуші:Армысыздар,құрметті ұстаздар мен тәуелсіз еліміздің ұлағатты ұрпақтар жәнә ата-аналар.Бүгінгі тәуелсіздік күніне арналған «Елімнің бақытын тербеткен – Тәуелсіздік» атты тәрбие сағатымызды бастауға рұқсат етіңіздер.

1-жүргізуші: Жеткен арман-жаса тәуелсіздігім,

Өз қолыма берген ерік тізгінін.

Ие болған әлем ілтипатына

Дербес, бейбіт мемлекетпіз біз бүгін!

Таңды атырам ел ұрандай өр үнімен,

Ел таңбам тұр орын алып төрімнен.

Ата заңым сүйенер күн қуатым,

Көз тартады көк туым өз көгімнен.

Баяндама

1-жүргізуші: Елім, Отаным деген қасиетті ұғымдар әр адамның өз табалдырығынан, өз аулынан, өз өлкесінен басталады.Егемен еліміздің ертеңін нұрлы етер барыс текті намысты ұрпақ бойында ұлттық сана көрініс тапса, ақылойы мен жүрегінде туған жері мен еліне деген сүйіспеншілік орын тепсе, бұл қоғамымыздың қалыпты дамуы, өркениетке ұмтылуы жолындағы нәтижелі көрініс болып саналмақ.

Тақпақтар:

1-жүргізуші: Тәуелсіздік! Ата-бабаларымыз үш ғасырға жуық уақыт бойы армандаған тәуелсіздік!Тәуелсіздік жолында халқымызды басынан қандай оқиғалар өтпеді. Халық қамы үшін қан кешіп, құрбан болған ерлеріміз қаншама.

1. жүргізуші:Қазақ аты береке бірлік дер ем,

Қазақ осы бірлікті тірлік деген.

Сахараға бүгінде шықты қазақ

Тәуелсіз бір тағалы жүйрікпенен.

Ән: Желтоқсан желі:

1. жүргізуші: Еркіндікке Желтоқсаным бастады

Қазақ жасын бүкіл әлем қоштады.

86 жаңғырығы жар салып,

Тәуелсіздік ұлы ұранын тастады.

Елемепті қысқы ызғар суықты,

Өне бойын жастардың қан жуыпты.

Қайрат,Ләззат жас қырандар аяулы

Өз халқының бағы болып туыпты.

Жиырма бес жылдай Тәуелсіздік туғалы,

Қазақ елі бірлікке бел буғалы.

Жиырма жылдай Қазақстан халқының

Өз тағдырын өзі шешіп тұрғаны.

М.Шақановтың «Желтоқсан алаңы» (слайд)

1- жүргізуші: Жалғасып соғыс өрті сан ғасырға,

Біз көрдік хас дұшпанның балтасын да.

Еліме Тәуелсіздік келіп жетті

Мың жылдық күрестердің арқасында.

1-жүргізуші: Тәуелсіздік түскен жоқ қой аспаннан

Тарихы оның тым әріден басталған.

«Бодандықтан құтқарам»деп елімде

Талай боздақ қара жерді жастанған.

Көрініс: Желтоқсанның боздақтары

1-жүргізуші:Қазақ халқының басынан небір қилы заман өтті.Тарихта атышулы «Ақтабан шұбырынды,Алқакөл сұлама» деген қаралы атқа ие болған 1723 жылғы жоңғар шапқыншылығы қазақ жерін ойсыратып кетті. Бірақ бұдан да асқан жауыздық нәубетінің екі ғасырдан соң қайта келерін білген жоқ.

1-жүргізуші: Тәуелсіз Қазақстанның 25 жылдық мерейтойына байланысты осы жылдарға көз жіберейікші, қандай тарихи даталар болды екен.
1-оқушы: 1991 жылы 16 желтоқсанда Қазақстанның Тәуелсіздігі туралы Заң қабылданды.
2- оқушы: 1992 жылы Қазақстан ішкі әскері құрылды.
3- оқушы: 1993 жылы 28 қаңтарда Қазақстан Конститутциясы қабылданды, қараша айында ұлттық валюта теңге айналымға енді.

4-оқушы: 1994 жылы наурызда Қазақстан Жоғарғы Кеңесі сайланды. Орталық Азия

одағы құрылды. Талғат Мұсабаев ғарышқа ұшты.

5-оқушы: 1995 жыл «Абай жылы» болды. 30 тамызда Жаңа Конституция қабылданды.

6-оқушы:1996 жыл «Жамбыл жылы». 16 желтоқсанда Алматыда Тәуелдсіздік монументі ашылды.

7-оқушы:1997 жыл «Жалпы ұлттық татулық пен саяси қуғын-сүргін құрбандарын еске алу жылы». 10 желтоқсанда Ақиола қаласы ел астанасы болып жарияланды.

8-оқушы:1998 жыл «Халықтар бірлігі мен ұлттық тарихи жылы».

9-оқушы: 1999 жыл «Ұрпақтар бірлігі мен сабақтастығы жылы».

10-оқушы: 2000 жыл «Мәдениетті қолдау жылы».

11-оқушы: 2001 жылы Қазақстан Тәуелсіздігіне 10 жыл болды.

12-оқушы: 2002 жыл «Денсаулық жылы».

13-оқушы: 2003-2005 жылдар «Ауылды қолдау жылдары».

14-оқушы: 2006 жылы «Қазақстандағы Пушкин жылы». 6 қаңтарда жаңа әнұран бекітілді.

15-оқушы: 2007 жылы Қазақстанның сыртқы саясаты, Қазақстанның әлемдік қауымдастығы жетістіктері.

16-оқушы: 2008 жыл Украйнаның Қазақстандағы жылы.

17-оқушы: 2009 жыл Халық санағы жүргізілді.

18-оқушы: 2010 жыл ЕҚЫҰ саммитінің декларациясы.

19-оқушы: 2011 жыл Тәуелсіздіктің 20 жылдығы.

20-оқушы: 2012 жылы Нұрсұлтан Назарбаев Қазақстанның 2050 жылға дейінгі даму бағдарламасын жариялады.

21-оқушы: 2013 жыл Басты бағдарымыз «Қазақстан 2050 стратегиясының алғашқы жылын табысты бастадық.

22-оқушы: 2014 жыл Қазақстан атауын «Қазақ елі» деп өзгертілді.

23-оқушы: 2015 жыл Қазақ Хандығының 550 жылдығы. Ұлы Жеңістің- 70 жылдығы.

24-оқушы: 2016 жыл Қазақ Елі Тәуелсіздігінің 25 жылдығы, Әлейхан Бөкейханның 150 жылдығы.

1. жүргізуші: Республика! Ерікті ел – Қазақстан,

Келді ақыры көп күткен жаз алыстан.

Келді ақыры аңсатып, армандатып,

Торды бұзған менде бір мәз арыстан.

Бұл тарих шындықтарды електейді,

Десең дағы керексіз, керек мейлі.

«Желтоқсан» деген сөзді естігенде

Көз алдыңда сол күндер елестейді.

Ән: Қара бауыр қасқалдақ.

1-жүргізуші: Тәуелсіздік бізге оңай келген жоқ. Осы Тәуелсіздікті тұғырында нық ұстау үшінсапалы білім мен тәрбие керек.Қазақстанны өз жолы, өзінідік болашағы бар, бұдан былай және мәңгі Тәуелсіз Қазақстанның тарихы жалғаса бермек. Қазақстанны Тәуелсіздігі баянды болсын.

1-жүргізуші: Біздер Тәуелсіз Қазақ елінің ең жас ұландарымыз. Сондықтан өз жерімізді, өз елімізді қадірлеуге, қорғауға тиіс екенімізді естен шығармауыз керек.

1-жүргізуші: Рәміздерім-елдігімнің белгісі

Білу керек бәрі дағы ең кіші

Рәміздері Әнұраным, Ту,Елтаңба

Рәміздерді жатқа білген жөн кісі

1-жүргізуші: Әнұран- бұл мемлекеттің салтанатты әні.Оның сөздерінде халықтың мыңдаған жылғы тарихы,бүгінгі өмірі,келешек арманы айтылған.

1-жүргізуші: Балалар осы Әнұранның авторы кімдер?

Жауабы:Шәмші Қалдаяқов,сөзін жазғандар:Жұмекен Нәжмеденов,Нұрсұлтан Назарбаев

Дұрыс айтасыңдар, Әнұран салтанатты жиындарда,мерекелерде,мәжілістерде орындалады.Ол жастарды қайсарлыққа,төзімділікке шақырады.

1-оқушы: Елтаңба,Дүние әлем көзіндей

Керек қанат қамалы

Көгілдір көктем жүзіндей

Шаңырақ күні,уық-нұр

Мәңгі сөнбес күніндей.

1-жүргізуші: Ия дұрыс айтасың.Осы Елтаңбаның авторы кім екен? Кім айтады?

Жауабы: Жандарбек Мәлібеков және Шотаман Уалиханов.

1-жүргізуші:Осы Елтаңбаның әр белгісі сөйлейміз деп дайын отыр, тыңдап көрейік.

1-оқушы:Жұлдыз

2-оқушы:Шаңырақ

3-оқушы:Уық

4-оқушы:Пырақ
1-жүргізуші: Бәрі болған қазақ деген көне елде

Ел белгі де,ерлік,өнерде

Жаһандағы ең жауынгер халықта

Кім сенеді, Ту болмады дегенге?

Көрініс: Атасы мен немересі.

1-жүргізуші:Тәуелсіздік бізге оңай келген жок. Осы Тәуелсіздікті тұғырында нық ұстау үшін сапалы білім мен тәрбие керек. Қазақстанның өз жолы, өзіндік болашағы бар, бұдан былай және мәңгі Тәуелсіз Қазақстанның тарихы жалғаса бермек. Қазақстанның Тәуелсіздігі баянды болсын!

1-жүргізуші: Бүгінгі тәрбие сағатымызды қорыта келе «Елімнің бақытын тербеткен – Тәуелсіздік» атты тәрбие сағатымыз аяқталды.

Ән: Көк тудың желбірегені.хор