Тақырыбы: «Біз –Жас Ұлан, адалдықтан жаралдық,
Парызымыз –Ұлы Отанға адалдық!»
Мақсаты: Жас ұрпақтың бойында патриоттық, білім мен өзін-өзі жетілдіруге деген құштарлық, беріктік, Отан тарихына, Тәуелсіз Қазақстанның бүгіні мен болашағына деген жауапкершілікті қалыптастыру.
Міндеті: Балалар мен жасөспірімдердің азаматтық белсенділігі мен саналылығын арттыру;
-жауапкершілік мен еңбексүйгіштікті қалыптастыруға, көшбасшылық және ұйымдастырушылық қабілеттерін дамытуға бағытталған баланың жеке тұлғалық қасиеттерін дамыту.
1 жүргізуші: Армысыздар қымбатты ұстаздар,қонақтар мен қадірлі жас ұландықтар!Сіздерді Тәуелсіздік күнімен құттықтаймыз! Отбасыларыңызға береке бірлік, елімізге тыныштық тілейміз!
2 жүргізуші: Елбасымыз – Нұрсүлтан Әбішұлы Назарбаевтың ұлағатты бастамасымен құрылған «Жас Ұлан» бірыңғай балалар мен жасөспірімдер ұйымы үшін әрбір сәт бақытты күннің сәулелі белесі болып табылады. №1.Жүргізуші. Бүгін мектеп жасындағы балдырғандарымыз үшін ерекше күн. Елбасымыз бен Үкіметіміздің салған сара жолын бұдан да ары биіктерге жеткізу барша жас қауымның басты міндеті.
2 жүргізуші: Сондай сәулелі сәттің арналы арнасы мектеп оқушыларының «Жас Ұлан» ұйымына қабылдануы баршамыз үшін үлкен қуаныш.
1. жүргізуші: Ендеше, Қазақ елі үшін үлкен мәртебелі мереке Тәуелсіздік күні қарсаңында басталғалы тұрған «Жас Ұлан» ұйымы үшін мерейлі де мерекелі шақ, яғни мектеп оқушыларының «Жас Ұлан» ұйымына қабылдау салтанатына баршаңызды қош келдіңіздер демекпіз!
2 жүргізуші. «Жас Ұлан» ұйымы-бүгінгі заманның айқын айнасы.
«Жас ұлан» ұйымының қатарына ені,оның киелі антын қабылдау, рәміздерін құрметтеу-бүгінгі күні оқушылардың борышы іспеттес.
1 жүргізуші: Жалынды ойымыз бен жарқын ниетімізді жалғай келіп, мектебімізде өткізілгелі тұрған «Жас Ұлан» Республикалық бірыңғай балалар ұйымына қабылданғалы отырған оқушыларды құттықтаймыз! 2.Жүргізуші: Үлгі бізге аталардың ерлігі,
Ұлағаты, өнегесі, еңбегі.
Тәуелсіздік туын ұстап жоғары,
Бүгінгі ұрпақ – болар елдің ертеңі. дей келіп, салтанатты жиынымызды ашып беру үшін сахна төріне мектебіміздің директоры Мұсаев Қайрат ағайға сөз береміз!
Ортаға «Жас Ұлан» ұйымының көшбасшысы Алтынбек Перизат шығады: Түзеліңдер, тік тұрыңдар! «Жас Ұлан» ұйымының Туы кіргізілсін!
«Жас ұлан» ұйымының Әнұраны ойналады
1 жүргізуші: Жарқын өмір жастары, жақсылықтың бастауы.
Қуат беріп көңілді ой, шықсын сөздің асқағы – деп, «Жас Ұлан» республикалық бірыңғай балалар ұйымына қабылданғалы тұрған ұлдарымыз бен қыздарымызға қошемет көрсетеміз. (Шапалақ ұрылады).
2.Жүргізуші
Жас ұлан үлгі болған әр адамға,
Болабер мәңгілікке бізге пана.
Үлгі болар бір адамнан әр наданға,
Болашаққа нық басқан «жас ұланға».
Ұранымыз «Қазақстан.Нұрсұлтан. Жас ұлан» деп,
Ұйымнан аламыз біз, таным, білім.
Бола бер мәңгілікке тірегіміз,
Жас ұлан деп соғады жүрегіміз!
1 жүргізуші: Құрметті Жас Ұландықтар! Бүгінгідей салтанатты ерекше күнде Сіздер үшін тарихтың жаңа парағы ашылмақ. Сіздер, Тәуелсіз ел үмітін ақтайтын «Жас Ұландықтар» армиясы боласыздар!
2 жүргізуші: Құрметті қонақтарымызға бүгінгі салтанатты сәтімізге арнайы уақыт бөліп, келгені үшін барша «Жас Ұландықтар» атынан алғысымыздың шексіз екендігін білдіреміз.
ұран айтылады: «Қазақстан-Нұрсұлтан-Жасұлан» -3 рет
1 жүргізуші: Жас Ұлан!
Жарқылдаңдар, күліңдер!
Бақытты өмір сүріңдер!
бар жақсылық-бейбітшілік, білімде,
Ұлы Отанды ардақ тұтып жүріңдер
Ұлан көшбасшысы Алтынбек Перизат : Түзеліңдер! Тік тұрыңдар! Жас Ұлан ұйымының салтанатты жиынына дайындықтары туралы рапоорт тапсырылады. Дробь ойналып, Жас Ұлан ұйымының көшбасшысы саптағы жүріспен көрермендер залындағы қонақтарға жақындап рапорт береді: -. Құрметті Анар Нәсіпбекқызы Жас Ұлан ұйымының қабылдау салтанатына дайын. Рапорт берілді. Рапорт беруші мектебіміздің «Жас Ұлан» ұйымының көшбасшысы Алтынбек Перизат. Рапорт беріліп болғасын, тағы да дробь ойналып, көшбасшы орнына барып тұрады.
2 жүргізуші: Көк туымыз желбіреп, биіктен көз тартады.
Жас Ұлан, ол-ержүрек, болашақтың қорғаны – деп, салтанатты жиынның құрметті сәтін бастаймыз. Бүгін «Жас Ұлан» ұйымына оқуда озат, өнерлі, спортта дарынды, ғылыми жетістіктерде жеңімпаз атанған, өз елінің патриоттары болуға лайық оқушылар қабылданады.
1 жүргізуші: Біз Отанның ұланы, жер қайысқан қалың қол.
Тәуелсіз ел ұланы, ант беруге дайын бол!
(Дробь ойналып, ант оқитын бала ортаға шығады)
