Сценарий "Жас Ұлан" ББЖҰ қатарына қабылдау салтанаты

(«16 Желтоқсан Тәуелсіздік күні» атты видео)

1 жүргізуші(Нариман): Армыссыздар құрметті ұстаздар, қадірлі қонақтар, оқушылар!!! Бүгін біздің еліміздің сан мың жылдар бойы найзаның ұшымен, еліміздің ерен ісімен, кешегі дүниені дүр сілкінлірген Желтоқсан оқиғасымен келген тарихымызда алтын әріптермен жазылып қалған «16 желтоқсан Тәуелсіздік» мерекесіне орай «Жас Ұлан» бірыңғай балалар мен жасөспірімдер қатарына ұлдар мен қыздарды қабылдау салтанатына қош келдіңіздер.

2 жүргізуші(Зарина): Мен қазақпын, ұланымын елімнің,

Мен қазақпын,тірегімнің жерімнің

Ұланымның туын көкке көтерген,

Ертеңімін Егеменді елімнің

Түсініп терең, қмірдің мәнін,

Жалынды жастар,сендерсің сәнім

Беретін бойға күш-қуат, жігер

Шырқалсын шаттық әнұран әнім!

1 жүргізуші(Нариман): Оқушылар түзеліңдер, тік тұрыңдар! Қазақстан Республикасының Әнұраны!

Қазақстан Республикасының Әңұраны орындалады.

1-оқушы: Тәуелсіз айбынды елімнің,

Тұғыры кең байтақ жерімнің,

Бабалар аңсаған арманға

Ақ үмітке ақсый болып берілдін.

Желбіреп көгіңде жалауың,

Азат боп әлемге қарадың,

Санғасыр бабамның арманы

Мәңгілік жайнасын қазағым

Шырағын өшпестеи жандырып,

Елбасым бекітті заң қылып.

Көгіңде қыраның самғаумен

Шырқалсын ұраның мәңгілік.

2 оқушы: Ардақтайтын ана тілім – бастауым,

Ата Заңым – арқа сүйер асқарым!

Армандаған болашақты баянды

Арландары – жалындаған жастарым!

Ажарында көгіміздің – Тыныштығы жеріміздің.

Тәуелсіздік деген осы – Азаттығы еліміздің!

Бауырына айналдырып сан ұлтты,

Бірлігі мен татулығын танытты.

Жаңа ғасыр көшін бастап

Қазақстан жаңа күнге жетелейді халықты. 

3 оқушы: Мұз жастанып азаттықтын жолында,
Тәуелсіздік туы тұрды қолында.
Сойыл таяқ ойнаса да жанында.
Отан үшін жанын қиды ұлдарың,
Аз болған жоқ азап шеккен қыздарың,
Күйініштен ауырады жүрегім,
Естігенде желтоқсанның ызғарын.
Желтоқсан-ау, ұмытылмайсың жүректе,
Ұрпақ өсер айналатын тірекке,
Егемендік тиді бүгін еншіме,
Желтоқсаным,жеткіздің ақ тілекке.

4 оқушы: Ғасырларға жеткен бүгін жыр үні
Тәуелсіздік ұлылықтың ұлығы
Шаңырағы биік болып қазақтың
Қисаймасын берік болсын уығы .

Жеткен арман - жаса Тәуелсіздігім
Өз қолыма берген ерлік, тізгінін.
Ие болған әлем ілтипатына,
Дербес, бейбіт мемлекетпіз біз бүгін.

2 жүргізуші(Зарина): «Жас Ұлан» - шыншыл патриот

«Жас Ұлан» - нағыз топжарған

«Жас Ұлан» - қоғамға қызмет етеді

«Жас Ұлан» - жауапты азамат

«Жас Ұлан» - сенімді дос

«Жас Ұлан» - болашақ «Жас Отан»

1 Жүргізуші(Нариман): «Жас ұлан» ұйымының негізгі мақсаты – оқушылардың қоғамдық, әлеуметтік, танымдық және шығармашылық қабілеттерін дамыту. Ал міндеттері - әлеуметтік тәжірибені байыту және дамыту, мектептегі тәрбиелік әлеуетін жүзеге асыру болып табылады. 

2 жүргізуші(Зарина): Елімнің атын айтсам - Қазақстан,

Жерімнің атын айтсам – Қазақстан.

Қойнауы қазынаңа толған мекен,

Байлығымның атын айтсам – Қазақстан.

Қазақстан – ұлт атын ұлықты еткен,

Ұлылардың арманын биік еткен.

Өзге де ұлт, ұлысқа қоңыс болып,

Оларға да жақсылық үйіп төккен.

1 жүргізуші(Нариман): Бахтиярұлы Нұршаттың орындауында «Мәңгілік ел»

2 жүргізуші(Зарина): Құттықтау сөзі Мектеп басшысы Шукенова Биғайша Усатаевнаға беріледі

1 жүргізуші(Нариман): Біз Отанның Ұланы,

Жер қайысқан қалың қол.

Тәуелсіз ел ұланы,

Ант беруге дайын бол!

Ант мәтінін жариялауға Жездібаев Мұхамедәліні шақырамыз!

А Н Т

Біз, ____________________, Республикалық бірыңғай «Жас Ұлан» балалар мен жасөспірімдер ұйымының қатарына кіре отырып:

• Өз Отанымыздың – Қазақстан Республикасының патриоты болуға;

• Мемлекеттік рәміздерді құрметтеуге, дәріптеуге;

• Туған елім, жерім, Отанымды мақтаныш етуге;

• Ата-анамды қадірлеуге;

• Үлкенге құрмет, кішіге ізет көрсетуге;

• Білімге табандылықпен ұмтылуға;

• Салауатты өмір салтын ұстануға;

• Табиғатты аялауға;

«Жас Ұлан» Ережесін бұлжытпай сақтауға және оны өз достарымныздың талап етуге ант етеміз.

АНТ ЕТЕМІН ! АНТ ЕТЕМІН! АНТ ЕТЕМІН!

1 жүргізуші(Нариман): Жас ұлан қатарына салтанатты түрде қабылдансын!

2 жүргізуші(Зарина): Құрметті ұстаздар, сіздерді Жас Ұландарға төсбелгілері мен галстуктарын табыстау рәсіміне шақырамыз.  

(Ұстаздар оқушылар мойындарына мойын белгі тағады)

1 жүргізуші(Нариман): «Жас Ұлан» біріңғай балалар мен жасөспірімдер ұйымының ӘНҰРАНЫ!

(«Жас ұлан» әнұраны орындалады)

1-оқушы: Жарқылдаңдар, күліңдер,

Бақытты өмір сүріңдер!

Бар жақсылық, бейбітшілік – білімде,

Ұлы Отанды ардақ тұтып жүріңдер!

Парызымыз – Ұлы Отанға адалдық,

Бойымызда бар өскіндік, балалық,

Барша жанға үлгі - өнеге боламыз

Біз – Жасұлан адалдықтан жаралдық!

Туған елім – Қазақстан Отаным!

Мақтанышпен таңды әркез атамын!

Тыныс алып ұлағатты саяңда,

Болашақтың жарқан үнін қатамын!

2оқушы: Біз – Жасұлан – тан ана өрнегі,

Үміт артқан болашағы, ертеңі.

Туған елдің даңқын көкке өрлеткен,

Гүлге бөлеп жақсартамыз өлкені!

Ел ертеңі мына Сіздер болашақ,

Ұландарсың өзгелерден дара, са.

Мойыныңызда көк галстукжелбіреп,

Ұлы істердің басында жүр ұрандап!

Ұлы елдің адам сүйген ұланымыз,

Сол елге лайық болу – ұранымыз.

Сайларда сылдыр қағап ағатұған,

Туған елдің мөлдір таза бұлағымыз!

3 оқушы: Жасұлан – егемен ел сұңқарлары,

Тұла бойда биік тұрған намыс, ары

Адалдық пен достықты ұран еткен,

Самғаған тәуелсіз ел қырандары!

Ұлы елдің өнегелі ұланымыз

Биіктерде шырқалады жыр – әніміз!

Бабалардың өнегесін үлгі еткен,

Жалындаған Жасұлан біз боламыз!

Біз Жасұлан туған елдің өркені,

Үміт артқан болашағы ертеңі

Сол үмітті арқалаған ұландар,

Болашаққа ізбасарын ертеді!

4 оқушы: Біз Жасұлан бүгінгінің ұландары,

Өн бойында биік тұрған ұлы ары.

Өміріне өнегені серік еткен

Самғаған Қазақ елі қырандары!

Біз Жасұлан өнегеміз,

Ұл – қызына әлемнің!

Бізден үлгі алады,

Балалары бар елдің!

1 жүргізуші(Нариман): «Жас Ұлан» бірыңғай балалар мен жасөспірімдер ұйымы» Республикалық қоғамдық бірлестігінің салтанатты қабылдау рәсімі өз мәресіне жетті. 

Бірге: Кош сау болыңыздар!