Алтын күз

«Алтын күз» мектепалды даярлық сыныбы

Кейіпкер: Алтын күз

Керекті құралдар: жапырақтар 2 себет, су құйғыш қолшатыр, шеңбер, көкөністер мен жемістер атрибуттары

Мақсаты: Күз мезгілінің ерекшеліктерін ұғындыру. Күз өнімдерімен таныстыру, олардың ағзаға пайдасын түсіндіру. Мерекелік көңіл – күй орнату. Балаларды ән салуға, би билеуге, түрлі іс - әрекеттерге тарту, бейімділіктерін арттыру. Шығармашылық ой - қиялдарының дамуына ықпал ету. Ата - аналар қауымымен тығыз қарым – қатынас қалыптастыру.
Барысы: Бөлме мерекеге сай безендірілген.

Жүргізуші:

Қуандырып біздерді
Мерекелі күз келді.
Кел, жемісті алтын күз
Кемелденсін халқымыз!
- Қайырлы күн! Армысыздар құрметті ата - аналар мен балалар! Мерекелеріңіз құтты болсын! Күз барлығымызға молшылық, ырыс, қуаныш әкелетін мезгіл. Күзіміз әрдайым берекелі, ырысты болсын!

Ортаға 3 бала шығады:
1 - бала:

Қуаныштың ағайын
Қоңырауын қағайын Арнұр
Қуандырып біздерді
Өлкемізге күз келді!
2 - бала:

Айнала сары ала Данель
Қырманға дән тола
Жемістер пісіпті
Қоймаға түсіпті!
3 - бала:

Ендеше не тұрыс
Болмасын жан қалыс Әлижан
Тойлайық, күлейік
Қуанып билейік!

Әуен ойнап балалар қолдарына жапырақ ұстап топқа кіреді.. Балалардың орындауында «Жапырықтар вальс» биі

- Қараңдаршы, бүгін біздің балалар қандай әдемі болып кеткен. Қолымызға не ұстап келдік? - Жапырақтар. - Осы жапырақтардың түсі қандай? – Сары,қызыл (Сырттан бір дыбыс естіледі,желдің шуы) Балалар, тыңдаңыздаршы бұл не шу? (Осы кезде әдемі әуенмен Күз ханшайымы келеді)

Күз ханшайымы: Сәлеметсіздер ме, балалар!

Балалар: Сәлеметсіз бе!

Уа, халайық, дархан далам армысың,

Табиғатым жаны жайсаң тал мүсін

Ханшайымы Күздің бүгін келіп тұр,

Алмақ болып бар халқымның алғысын

Мен – Күз ханшайымымын. Сендерді көргеніме қуаныштымын

Тәрбиеші: Қош келдің, Күз ханшайымы! Төрлет!

Күз ханшайымы:

Балалар, мен сендерге бір жұмбақ жасырайын.

Ағайынды бәрі,

Шықса – жасыл,

Түссе – сары

Бұл не?

Балалар: Жапырақ

Күз ханшайымы:

Дұрыс таптыңдар, жарайсыңдар! Мен өзіммен алтын жапырақтарымды ала келдім. Әр жапырағымда тапсырмалар . Егер де тапсырмамды орындасаңдар, менің де сендерге деген сыйлығым бар.

Тәрбиеші: Әрине, қымбатты Күз ханшайымы! Біздің балалар Күз туралы өлең, тақпақ,

жұмбақтар шеше алады. Сіз жайланып отырып, балалардың өнерін тамашалаңыз.

Ән: «жау,жау жанбыр »

Балалардың тақпақтары (6 бала тақпақ айтады)

Күз ханшайымы: 1 –тапсырмасы Күз айларын ата.

Тәрбиеші: Ендеше ортаға Күз айларын шақырайық

1-бала: (Қыркүйек) Ақнұр

Бірінші қыркүйек

Білімге бастады.

Мал мен аң жүр билеп,

Құс шарлап аспанды.

2-бала: (Қазан) данель

Жаңартқан ғаламды

Жаңбырлы ғажап ай

Осынау заманды

Орнатқан қазан ай.

3-бала: (Қараша) Айзере

Мол байлық тергені

Шаттығы қаншалық.

Қарашы, өрледі

Қараша ән салып.

Тәрбиеші: Мінеки, балалар Күз айларымен таныстыңдар

Өнім биыл тамаша!

Көз тоймайды қараса:

Сәбіз, пияз, қияр, картоп, бұршақ, қызылша, қызанақ, орамжапыраққа

қарашы. Көкөністер бір жерде жиыла қалып дауласты.

Балалар (хормен):

Жиналып қаппыз бәріміз,

Қайсымыз ең дәмдіміз?

Ішімізден адамға

Тиеді көп пайдамыз?

1-бала (Бұршақ) Жанель

Кішкене түймедеймін мен

Ұнаймын мен бәріне

Дәмді тағамдарымен

Сый жасаймын бәріңе!

2-бала: (Қызылша) Мади

Мен де бір сөз айтайын

Мақтанайын сіздерге

Менсіз борщ болмайды

Винегрет те үстелде.

3-бала: (Орамжапырақ) Ислам

Мақтанғаннан не пайда?

Менсіз дәмді щи қайда?

Мені қосса самсаға,

Бәрі жейді тамсана

4-бала: (Қияр) Ақнұр

 Көктеп ерте шырмалып, 
Сап-сары гүл жарып
Атым қияр теріп ал, 
Жиі-жиі су арып. 

5-бала: (Сәбіз) нүрали

Өсіретін бойыңды

Дамытатын ойыңды

Қоянға да азықпыз

Сәбіздерміз жазықсыз

6-бала: (Қызанақ) арайлым

Тал шыбығым бұралып, 
Бақшаларда қызарып 
Тұрган ол мен қызанақ
Күнге қарап ұялып. 

7-бала: (Пияз) Азамат

Боламын мен дәмдеуші

Барлық-барлық тағамға

Көкөністер ішінен

Мен пайдалы адамға.

8-бала: (Картоп) раис

Картоп біздің атымыз 
Жер астында жатырмыз
Бір тамырдан тараған, 
Ағайынбыз бәріміз. 

Тәрбиеші:

Көкөністер бәріде

Денсаулыққа пайдалы

Мұны жақсы біліңдер,

Оларды жақсы көріңдер

Тәрбиеші: Күз ханшайымы, балалардың өнерлері ұнады ма?

Күз ханшайымы: Иә, балалардың бәрі өнерлі екен.

Тәрбиеші: Қане, балалар, осындай молшылық Күз айында бір ойын ойнап жіберейік.

Ол ойын «Кім жылдам?» деп аталады. Ойын шарты бойынша балалар екі командаға бөлініп сәбіз бен картоп жинайды

Тәрбиеші: Күз ханшайымы, балалардың ойынына баға беріңіз.

Күз ханшайымы: Жарайсыңдар, балалар! Сендер барлықтарын жылдам екенсіңдер.

Енді 2-тапсырма: жұмбақ шешу.

1.Жазда інге тығылып,

Жатқан қызыл түлкіні

Құйрығынан суырып,

Әкелді әжем бір күні.Бұл не? (Сәбіз)

2. Жайлы, жұмсақ төсегім,

Домаланып өсемін

Қабат-қабат тоным бар

Қалай оны шешемін.

Бұл не? (Орамжапырақ)

3. Қалың киім ұнатады,

Шешіндірсең жылатады.

Бұл не?(Пияз)

Күз ханшайымы: Жарайсыңдар, балалар!Жұмбақты да шеше аласыңдар.

Тәрбиеші: ортада «қолшатыр » биін қабыл алыңыздар

Берекесін сыйлауға

Өлкемізге Күз келді.

Жемістерін жинауға

Шақырады біздерді.

Тәрбиеші: Жемістерді қарсы алайық (Осы кезде әуен ойналады. Ортаға жемістер шығады.)

1бала: (Алмұрт) Жалғас

Мен алмұртпын, алмұртпын,

Аузындамын бар жұрттын.

2-бала: (Алма)

Мен алмамын, алмамын, әлижан

Таңдай жұлар бар дәмім.

3-бала: (Жүзім)

Мен жүзіммін, жүзіммін Данэль

Моншақ болып тізілдім. 1

4-бала: (Өрік) еркенұр

Өрікпін, мен өрікпін,

Бау-бақшаға көрікпін

Баптап мені күткен соң,

Талды бойлап өріппін.

5-бала: (Шие) гүлдана

Мен шиемін, шиемін,

Күннің көзін сүйемін.

Қышқыл шырын менде бар,

Басымды төмен иемін.

қарбыз: Али

Күз ханшайымы:

-Өте тамаша,балалар!Қазір менімен ойын ойнайсыңдар ма? Бұл ойын «көкөністер мен жемісті ажырат ?» деп аталады,балалар әуен ойнағанда машинаға1 бала көкөністер 1 бала жемістер жинайды

Тәрбиеші:Енді к үз ханшайымның үшінші тапсырмасын орындайық.

Енді 3 тапсырмасы: «Мақал- мәтелді жалғастыр»

1.Еңбек түбі-------------------- 2.Еңбек етсең ерінбей-------------------- 3.Адам жерге нәр береді,Жер адамға----------------

Ән: «Бобектер»

Күз ханшайымы: Рахмет, балалар! Өнершіл - өрендерім! Міне, менің сыйлығым бір себет Күз сыйы. Сендерге денсаулық, шаттық және байлық әкелсін.

Тәрбиеші: Күз ханшайымы, саған мың алғыс! Бүгінгі сыйлығына рахмет . Бізге тағы кел, біз сені сағына күтеміз.

Күз ханшайымы:

Берекелі бақ дәулет

Артта түссін тойланып.

Сау болыңдар, балалар,

Келгенше жыл айланып. (Осы кезде әуен ойналады, Күз ханшайымы қоштасып кетеді)

Тәрбиеші:

Көкөністер бәріде

Денсаулыққа пайдалы

Мұны жақсы біліңдер,

Оларды жақсы көріңдер

Құрметті ата-аналар,осымен сіздерге арналған «алтын күз» атты ертеңгілігіміз аяқталды,назар қойып тамашалағандарыңызға көп трахмет.

Сау болыңыздар!

Ойын «Кім жылдам»

«Көкөністер мен жемістер» биі

«Қолшатыр» биі