Зат есім 6 сынып

Бекітемін:

Мектеп директоры:

____ Ш.М.Қапарова

__ «___» __________

Тақырыбы: Сөз таптары Зат есім

6- сынып

І санатты қазақ тілі мен әдебиеті пәні мұғалімі: Уразбаева Б.М.

2014-2015 оқу жылы

Сабақтың тақырыбы: Сөз таптары. Зат есім.

Сабақтың мақсаты:

Білімділік: Оқушыларға сөз таптары, оның ішінде зат есім, зат есімнің жалпы есім, жалқы есім түрлері туралы тереңірек білім беру.

Дамытушылық: Сөз таптары бойынша бастауыш сыныптарда меңгерген білімдеріне сүйене отырып, зат есім туралы түсініктерін дамыту; сауатты жазу, оқу дағдыларын жетілдіру; оқушылардың белсенді ойлау қызметтерін жандандыру.

Тәрбиелік: қазақ тілінің морфологиялық заңдылықтарын түсіндіре отырып, тілдік-эстетикалық семзімдеріне тәрбиелеу, адамдық қасиеттерін дамыту.

Күтілетін нәтиже: оқушылар зат есімнің грамматикалық категориялары туралы толық меңгереді, сөйлем арасындағы зат есімдерді сұрақ қою арқылы бірден таба алады.

Сабақтың түрі: жаңа білімді меңгерту сабағы.

Әдісі: түсіндіру, ізденіс, сұрақ-жауап, талдау.

Көрнекіліктер: слайдтар, сызба- нұсқа, тақырыпқа арналған кесте-плакат, тақта, бор, оқулық

Сабақтың өту барысы:

І.Ұйымдастыру кезеңі

*сәлемдесу,оқушыларды түгендеу;

*оқу құралдарын тексеру;

*оқушылардың зейінін сабаққа аудару.

*оқушыларды топқа бөлу.

І топ: Білім

ІІ топ: Өнер

ІІІ топ: Қыран

ІІ.Үй тапсырмасын тексеру:

117- жаттығу, ереже сұрау

Мәтіннен одағай сөздерді тауып, қандай мақсатта қолданылып тұрғанын дәлелдеңдер.

Беу, дүние- ай- шаттану мақсатында қолданған

Апырмай- ұнату мағынасында қолданған.

Ережені сұрау:

• Атауыш сөздер дегеніміз не?

• Мысал келтір

• Атауыш сөздер қанадай мағына береді?

• Көмекші сөздер қандай мағына береді?

• Көмекші сөздер дегеніміз не? Мысал келтір

ІІ.Жаңа сабақ.

Сөз таптары. Зат есім

Заттың атын білдіріп, кім? Не? деген сұраққа жауап беретін сөздер зат есім деп аталады. Мысалы: әке (кім?), тау (не?), Оқушы ( кім?), іні (кім?) Зат есім жалпы есім және жалқы есім болып екіге бөлінеді. Біркелкі заттардың жалпы атауын жалпы есім дейді. Заттардың ішінде бір түрінің өзіне ғана қойылған аты жалқы есім деп аталады. Мысалы: кісі, адам деген жалпы атаулыға тән болса, Байжан , Гүлнар деген сөздер жалпыға емес, жеке кісіге ғана қойылған.

ІІІ. Оқулықпен жұмыс

118-жаттығу: Өздерің білетін жалқы есімдерді дәптеріңе жазыңдар.

1. Кісі аттары: Абай, Данабек, Айнагүл, Темірхан, Майра т.б.

2. Мемлекет, республика, облыс, аудан, қала, ауыл атаулары: Азия, Қазақстан, Қарағанды, Қазыбек би, Жезқазған, Ақтоғай;

3. Мекеме, зауыт, фабрика, ұжым атаулары: Ақтұмсық, «Қарағанды кәмпиттері» фабрикасы, «Доскей» ұжымы

4. Жер, су атаулары: Ақтоғай, Тоқырауын өзені

5. Газет-журнал, кітап, ән, күй, шығарма: «Кәусар» газеті, «Мың бір түн», «Ақ маржан» әні, «Балбырауын» күйі, «Абай жолы»

6. Жылқыға, сиырға, түйеге, итке қойылатын аттар: Құлагер, Тайбурыл, Манька, Желмая, Ақтөс, Алабай т.б.

ІV. Шығармашылық жұмыс. «Біздің ауыл» тақырыбында сурет салу,оны қорғау.

V. Талдау- табыс кілті

Абайдың ұлағатты сөзін алып, талдау жұмыстарын жасау.

Адамның адамшылығы – ақыл, ғылым, жақсы ата, жақсы ана, жақсы құрбы, жақсы ұстаздан басталады.

1. Зат есім сөздерді табу.

2. Зат есімдерді мағынасына қарай ажырат.

3. Фонетикалық талдау:

Қ- ∆-қатаң

Ұ-□, жуан, қысаң, еріндік

Р-∆, үнді

Б-∆, ұяң

Ы- □, жуан, қысаң, езулік

«Кім жылдам?» ойыны: Сәйкестендіру тесті

VI. Сабақты бекіту:

Семантикалық карта толтыру /оқушылардың бәріне таратылады/

Оқушылар бір-бірін бағалайды.

«5» - бәрі дұрыс болса;

«4» - төртеуі дұрыс болса;

«3» - үшеуі дұрыс болса қойылады.

VIІ. Сабақты қорыту:

Зат есім заттың, ұғымның, құбылыстың атын білдіретін сөз табы.

Құрамына қарай:дара күрделі,

Тұлғасына қарай:негізгі, туынды

Мағынасына қарай:деректі, дерексіз

Жалпылай немесе жекелей аталуына қарай:жалпы есім, жалқы есім

VIІІ.Үйге тапсырма: Жалқы және жалпы есімдерге 6 сөйлем құрастыру

Зат есім туралы оқу.

«Зат есім» тақырыбына сөз жұмбақ, ребустар құрастырып әкелу.

ІХ. Бағалау.

Топтарды бағалау және жеке оқушыларды бағалау.