| Мақсаты: Дұрыс әрекет құндылығының мәнін ашу арқылы жарасымды қарым-қатынас туралы оқушылардың түсінігін кеңейту. Міндеттері: 1. Әдептілік, мәдениет туралы оқушылардың түсініктерін тереңдету. 2.Өз-өзіне сенімді болу жетістікке жетудің бастауы екенін ұғындыру. 3. Өмірдегі ситуацияларды талдау арқылы оқушыларды өз парызын атқаруға тәрбиелеу.
| Ресурстар: (Оқулық,интербелсенді тақта,Қазақстанның картасы) |
| Сабақ барысы: Ұйымдастыру кезеңi. Оқушылыардың күнделік,оқулық дәптер, бейджик, пеналын тексеру. Оқушылармен бірге 5 «Т» ережесін еске түсіру. Т-тәртіп Т-тазалық Т-тыныштық Т-талап Т-татулық Тыныштық сәтi. Орманға саяхат (баяу музыкамен «Хрустальная грусть» Алексей Захаренко) Мұғалім: Арқаңызды тік ұстап отырыңыз. Көзіңізді жұмып, терең тыныс алыңыз. Әрбір тыныс алған сайын неғұрлым көбірек босаңсып, сабырлы болуға тырысыңыз. Қазір біз орманға серуенге шығамыз. Өзіңіздің сынып есігіне қарай беттеп, есікті ашқаныңызды, дәлізбен өтіп, далаға шыққаныңызды елестетіңіз. Таза ауаны жұтып, шашыңызды желбіреткен желдің лебін және бетіңізді сәл-пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Бір минут тоқтап айналаға көз салыңыз. Табиғаттың әсемдігі мен балғындығын сезініңіз. Гүлдердің біріне жақындап, еңкейіп, оның нәзіктігі мен жұқалығына зейін салыңыз. Оны иіскеңіз және хош иісін жұтыңыз. Айналадағы бар нәрсені бақылап, ары қарай жүре беріңіз. Гүлдер, гүлдер мен ағаштардың иісі, құстардың дауысы және жәндіктердің ызыңы. Орманға ендей түсіңіз, қараңызшы, ағаштар биіктей әрі қалыңдай түсті. Жарық пен көлеңкенің ойынын қызықтаңыз, жапырақтардың сыбдырын тыңдаңыз. Біз өзімізді орманда бақытты әрі қауіпсіз сезінеміз. Алаңқайға шығып, осында бірнеше минут демалыңыз. Түбіне барып отырғыңыз келетін ағашты таңдаңыз. Ағашқа жақындаңыз да оны діңінен құшақтаңыз. Оның қуаттылығын сезініңіз, ондағы өмір қуатын сезінуге және ұғынуға тырысыңыз. Енді оның діңіне арқаңызды сүйеп отырыңыз. Көзіңізді жұмыңыз, терең тыныс алыңыз және қоршаған айналаның жым-жырт тыныштығына көңіл бөліңіз. Бізге қалайша жеңіл әрі тыныш және бақытты сезіну қандай. Табиғат неткен ғажап, оны қалайша сүйетінімізді бен қадірлейтінімізді, бірде бір тірі жәндікке зиян тигізбес үшін қамқорлық жасауды түсінеміз. Сіздің өз ағашыңыз бар екенін және кез келген уақытта оған келе алатыныңызды есте ұстаңыз. Ал қазір мектепке қайтуға дайындалыңыз. Орныңыздан тұрып, айналаға тағы бір көз қырын салыңыз. Келген жолыңызбен кері қайтыңыз, жолыңыздағы жәндіктерді басып кетпеңіз. Міне, мектептің алдына да келдік. Айналаңызға тағы бір қараңыз, таза ауаны терең жұтыңыз, есікті ашып, өз орныңызға қайтып келіңіз. Осы жым-жырттық, тыныштық, қанағат сезімін өзіңізде сақтаңыз. Көзіңізді ашып, күлімсіреңіз! Үй тапсырмасын тексеру Оқулықтағы С.Б.Дорженовтың мәтіні. 82-83 бетте. 1.Үлкенді құрметтеудің қандай рәсімдерін білесіңдер? 2. «Ақсақал» «Ел ағасы» деп кімдерді айтады? 3.Қазақ халқындағы үлкенді сыйлау рәсімдері қандай құндылыққа жатады деп ойлайсыңдар? 4.Үлкенді сыйлауға байланысты досыңа кеңес берген кезіңіз болды ма? Мысал келтір.
| Ескерту |
Сабақтың соңғы тыныштық сәтi. Тыныс алуға зейін қою. Сіздерден аяқ-қолыңызды айқастырмай, түзу отыруыңызды өтінемін. Біз қазір тыныс алу жаттығуын жасаймыз. Тыныс алуға зейін қойған кезде, біздің ақылымыз дем алады. Ауаны ішке жұту кезінде тыныштық пен қуаныш қабылдаймыз. Демді сыртқа шығарған кезде өзіміздегі мазасыздықтарды сыртқа шығарамыз. Кәне, дайындалайық, балалар. Көзімізді жұмамыз...,арқамызды тіктейміз..., қолдарыңды тізеге қоюға болады.
|
|
