Тақырыбы: «Баға қоюдың бала психологиясына әсері»
Мақсаты:
-ұжымда психологиялық жағымды ахуал қалыптастыру;
- бағалау кезіндегі мұғалім мен оқушы арасындағы байланысты жақсарту;
Күтілетін нәтиже:
- оқушыны бағалау қандай нәрселерге мұғалім көбірек мән беру керектігін түсінеді;
- мұғалім мен оқушы арасындағы қарым-қатынас нығайады, әділ бағалау қалыптасады;
Көрнекілігі: слайд, үлестірме материалдар, түрлі-түсті қаламдар, нақыл сөздер, видеороликтер, суреттер, проектор;
І. Ұйымдастыру кезеңі
-психологиялық ахуал
Мұғалімдерге әріптер таратылады А, Ә, Б, С, Ж, Д, Ө т.б. с.с.
Қойылған сұрақтарға осы әріптерден бастап жауап береді
Сұрақтар:
Жұмысқа қандай көңіл-күймен келесіз?
Бүгінгі сабаққа қандай дайындықпен келдіңіз?
Семинардан не үренгіңіз келеді?
Мұғалімдер өз қалаулары бойынша қара өрік, шабдалы, алма суреттерін алып топқа бөлінеді және сол жемістер бойынша өзінің мінездері туралы анықтама алады.
1. Шие сүйгіштер өте жұмсақ және ақ көңіл адамдар. Олар өз сезімдерін ашық білдіреді және басқа адамдар үшін құрбан болуға дайын. Мұндай адамда шын мәнінде әлі бала сияқты, тосын сыйлықтар мен айыпсыз шалағайлықтарға жақын.
Шабдалыны ұнататындар көпшіл, кез-келген адамдармен тіл табысады, ашық, жарқын адамдар. Олардан сыпайылықпен мәдениеттілік айқын көрініп тұрады. Тек бір кемшілігі-қиындықтарды ауыр көтересіз, кейде оларды жеңуге дәрменсіздік танытасыз.
Алманы ұнататын адамдар жігерлі, бірақ аздап ескі көзқарасты адамдар. Берілген қандай тапсырманы болсада жан салып тиянақты атқаратын, аздап ақынжанды, өз-өзіне риза адамдар.
ІІ. «Ой қозғау» әдісі
Видеороликтен қандай ой түйдіңіздер және не айтар едіңіздер?
Постер құрау (постер жұмысы бойынша сұрақтар қойылады)
Баға қоюдың бала психологиясына әсері ?
Бала өмірінде бағаның маңызы қандай?
Психолог сөзі:
Бағалау - оқушының оқу еңбегінің қорытындысын анықтайтын процесс. Оқушылардың үлгерімі жөніндегі мәліметтерді жинақтау, сараптау. Ол оқу үрдісінің түрлі сатысында оқушының білімін, біліктілігін және сезімдерін айқындайды. Сондықтан баға мен бағалау жүйесінің кемшілігі бала жанын жаралауы мүмкін. Баға- бала өміріндегі маңызды оқиға. Әрбір төмен баға баланың өзін-өзі төмендетуіне себепші болуы мүмкін. Мұғалім оқушыға баға қояр кезде өте мұқият болу керек. Төмен бағаны қоймауға мүмкіншілік болмағанда ғана қою керек.
Үлгермеушілік психикалық дамуының кешігуі салдарынан болуы әбден мүмкін. Жақсы бағаға ие бола алмау, оған қол жетпеу оқушының мінезінің нашар қалыптасуына әсерін тигізеді, яғни мінез-құлқында жаман қылықтар пайда болады. Олардың өзіне деген сыны және өзіне-өзі бағасы төмендейді. Жүйкесі мен ерік жігері әлсірейді, ынжықтық, ашуланшақ, қорқақтық, өзіне-өзі сенбеушілік, негативті ойлар пайда болады. Сонымен қатар, жоғары бағалау баланың жетістіктерге жетуіне, әрі қарай жақсы дамуына тікелей әсер етеді. Бала үйге келгенде ата-анасы ең алдымен «қандай баға алдың?» деп сұрайтынын біз білеміз, яғни ол ата-ананың көңіл-күйіне де әсер етпей қоймайды. Ата-аналар арасында «бестік» бағаға ерекше мән беріп бағалайтындарүшін баласының «төрттік» баға алғаны үлкен трагедия болып есептеледі, бұл, әрине, бала психологиясына әсер етеді.
Сондықтан баға қою білімді және шеберлікті, ізденісті талап етеді.
ІІІ. Тренинг «Эксперимент» әдісі
Банка- сіздің өміріңіз
Ірі тастар - жанұяңыз, әке-шешеңіз, жолдасыңыз, өмірлік жарыңыз, перзенттеріңіз.
Асбұршақ- жұмысыңыз, пәтеріңіз, қызмет, ақшаңыз.
Құм- күйбең тіршілік.
Су – осылардың барлығын біріктіріп түрады.
Егер банкаға бірінші құмды салсақ, онда тас пен бұршаққа орын қалмайтын еді. Өмірдеде дәл осындай егер барлық уақытыңыз бен күш-жігеріңізді ұсақ-түйекке кетірсеңіз, маңызды нәрселер үшін орын қалмайды.
Өмірде тек маңызды деген нәрселермен айналысыңыз, өз мақсат- мүддеңізді анықтаңыз: ал қалғанының бәрі- тек құм ғана.
-Диагностикалық жұмыстың қорытындысы мен таныстыру:
- Мұғалімдерге кеңес:
Есіңізде болсын! Мұғалімнің дұрыс емес бір тактикасы оқушының «жақсы боламын деген» талпынысын, ынтасын, сезімін жояды. Бала сенімін жоғалтын алмайық!
Ол үшін:
1. Баланы ешқашан басқамен салыстырмаңыз;
2. Сынақ жұмыстарында әдіс-тәсілдермен көмектесіп жіберіп, баланы стресті ситуациядан алып шығыңыз.
3. Балаға тәртібі үшін «екі» қоймаңыз.
4. Оның әлеуметтік жағдайына, өмірдегі жағдайларына қарап, бағаны абайлап қойыңыз. Өйткені күйзелісте жүрген бала күтпеген әрекеттер жасауы мүмкін;
5. Егер баға талас тудыратындай жағдай болса, баланың ойымен келісіңіз.
ІV.Тәжірибе алмасу : ағылшын пән мұғалімі Жаппаров Жамбыл
Оқыту үшін бағалау және оқуды бағалау – әдіс тәсілдерін түсіндіреді.
V. Қорытынды. Шыны ыдыста түрлі-түсті қағаздан кішкене етіп жасалған конверттерді ұнататын түстеріне қарай алып, оқулары сұралады. Таратылған конверт ішінде жағымды сөздер жазылған. Сіз өзіңізге арналған сөзді оқығанда қандай көңіл-күйде болсаңыздар, әр күн сайын балаға сондай көңіл-күй сыйлауды ұмытпайық!
