Өзін-өзі тану сабақ жоспары
Мектеп № 264 мектеп – лицей Мерзiм: 2017жыл № 8 сабақ
Тақырып: Жақсылықпен жаным дос
Құндылық : Дұрыс әрекет Қасиеттер: жанашырлық, мейірімділік қайырымдылық:
Мұғалiм : Каракулова Зәуре Класс: 5 «г» Оқушылар саны : 20
Сабақ мақсаты: Оқушыларға жақсылық жасаудың адам өміріндегі маңыздылығы туралы түсініктерін кеңейте отырып, дұрыс әрекет құндылығының мәнін ашу.
Міндеттері:
1.Оқушыларға жақсылық пен дұрыс әрекет жасау арқылы жанашырлық қасиеті туралы түсініктерін кеңейту.
2.Оқушыларды ізгі қарым-қатынас жасауға баулу арқылы мейірімділік қасиетіне дамыту
3.Оқушыларды жанашырлыққа, мейірімділікке, қайырымдылық қа тәрбиелеу.
Ресурстар (материалдар, дереккөздер)
Плакаттар,таратпа қағаздар,интербелсенді тақта.
Сабақ барысы:
1.Ұйымдастыру кезеңi. Тыныштық сәтi.
5-т ережесі
Нұрға бөлену
Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.
Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.
Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.
Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.
Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.
Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын. Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын. Нұ р менің ішімде. Мен Нұрмын».осындай Нұр, Махаббат жәнеТыныштық күйінде отыр атұрыңыз.
Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.
Жаймен көзіңізді ашуға болады.
Рахмет.
Қандай әсер алдыңыздар?
2.Үй тапсырмасын тексеру.
Оқулықтағы 27 беттегі « Жақсылыққа-жақсылық» ертегісін оқу.
Сұрақтар:
1. Бала өзімшілідігінен қалай арылды?
2. Бала өмірден алған сабақтарынан тағы қандай қорытынды жасауы мүмкін?
3. Жақсылық жасау үшін адамның бойында қандай қаситтер болу керек?
4. Өздерің басқаларға жасаған жақсылықты естеріңе түсіріп айтыңдар?
Ескертулер
3.Дәйек сөз.
«Жақсымен дос болсаң, жетерсің мұратқа» Халық мақалы
Дәйексөзді ұлдарға және қыздарға кезекпен хормен оқыту.
Дәйексөздің мағынасын қалай түсінесіңдер?.
Дәйексөзді дәптерге жаздыру.
4.Әңгiмелеу (сұхбат) ( Мұғалім сыйы)
Жақсылық жасау ( бейнеоролик көрсету )
1.Оқушылар осы бейнероликтен нені байқадық?
2.Жақсылық жасау кез-келген адамның қолынан келеді ма?
3.Жақсылық жасау үшін адам бойында қандай қасиет болу керек?
Өздерің басқаларға жасаған жақсылықты естеріңе түсіріп айтыңдар?
5.Шығармашылық жұмыс, топтық жұмыс.
Барлығы топ болып «Жақсы болу өзіңнен» тақырыбында сахналау жұмысы беріледі.
6.Топпен ән айту. «Жан досым»
Сөзі: С Байтереков
Әні: Т.Молдағалиев
1)Іздегенде табылатын қасыңнан,
Көңілі бар қызғалдақтай ашылған.
Көріспесек сағыныштан жүдейтін,
Кім бар жақын бала күнгі досыңнан.
Жан досым, үстем болсын мерейің,
Әрқашан жеңісіңді көрейін.
Сырымыз да бітпесін,
Жырымыз да бітпесін,
Жырымыз да бітпесін.
2)Қос бұтағы секілденіп ағаштың,
Қатар тұрып гүлімізді сан аштық.
Жол тапсақ біз бірге жүріп жол таптық,
Адассақ та бірге жүріп адастық.
3)Өмір өзі арқамызға жүк салып,
Бәрімізді қияларға жұмсадық.
Қатар ұшқан құсқа ұқсадық әлде біз,
Қатар жанған екі шамға ұқсадық
7.Үй тапсырмасы.
№9 Оқулық 37 бет Б.Момышұлы «Отан сүйер ұлан бол» оқып келу
8.Сабақтың қорытынды сәтi.
Көзімізді жұмып, тыныштықта бүгінгі сабақты есімізге түсірейік. Бүгінгі сабақтан алған жақсы қасиеттерімізді жүрегімізге жеткізіп, сақтайық. Енді көздеріңді ашсаңдар да болады.
