План урока по самопознанию "Жақсылықпен жаным дос".

Абилжанова Гулзат Азимжановна

Өзін-өзі тану пәнінің мұғалімі

Талапты орта мектебі

Көксу ауданы

Сабақтың тақырыбы: Жақсылықпен жаным дос.

Сабақтың мақсаты: Оқушылардың жақсы ниетпен армандай білуіне және оған қол жеткізуге ұмтылуына ықпал ету.

Міндеттері: «Арман» ұғымы туралы түсінік беру; балалардың ойын, қиялын дамыту; жақсылыққа тәрбиелеу

Сабақтың барысы:

І. Ұйымдастыру кезеңі.

а) оқушылармен сәлемдесу, түгелдеу.

ә) оқушылар назарын сабаққа аудару

б) Тыныштық сәті.

- Балалар, ыңғайланып отырып алыңдар да, терең дем алыңдар. Көздеріңді жұмыңдар. Өз денелеріңізді сезініңіздер және бос ұстаңыздар. Дене демалады, сана сезім сергиді. Өз денелеріңізді көз алдарыңызға елестетіңіздер... Басыңыздан бастап, аяғыңыздың ұшына дейін ... Біз жақсы мен жаманның не екенін ажыратып, бойымыз жеңілдеп қалғандай. Бейне бір ақ түсті көбелекке ұқсап, ұшатын қанат пайда болғандай. Айналаға көз салсақ, тек қана әдемі, жақсы заттарға көзіміз түседі. Құлпырған гүлдер, оның маңында жақсы балалар. ... Олардың әрқайсысының жүзінде күлкі ойнайды. Жер бетіндегі барлық тірі зат біздерге: «Жақсы бала бол!» деп қарайды. Ия, ия, шынында да, көбелектер секілді әдемі болып, тек қана әдемі жерде жүру керек екен-ау! Біз барлығыз да жақсы екенбіз ғой! Жақсы болу өзімізден екенін біз де сезінгендейміз. Ал, енді, «бір, екі, үш» деп қалпымызға келейік.

ІІ. Үй тапсырмасын тексеру. Әңгімелесу, мәтінді әңгімелеп беру.

ІІІ. Дәйек сөз – мағынасын түсіндіру.

ІҮ. Ойын. Оқушылар шеңбер құрып, теңізден балықты аулап өз арманын және не үшін армандайтынын жоғарыда берілген өлең қатарларына салып айтады.

Айдар, балықты аулап: «Шіркін-ай, басшы болсам, еліме нұр сыйлаймын»

Ердос: «Шіркін-ай, банкир болсам, жайнайды менің елім!»

Аиша: «Шіркін-ай, биші болсам, мың бұрала билейтін ...» (Ойын жалғаса береді)

Ү. Дәптермен жұмыс: «Жақсылықпен жаным дос». Өз армандары туралы қысқаша әңгіме жазады.

ҮІ. Үйге тапсырма: Мәтінді оқып, түсінік айту.

ҮІІ. Соңғы тыныштық сәті.

• Балалар, тыныштық сақтап, үнсіз, қолымызды жүрегімізге қойып, жүрегімізді тыңдап көрейікші. Жүрек әр түрлі сезімдерге толы. Олардығ арасында жанашырлық, қамқорлық, аяушылық сезімдері басым екенін сезінесіңдер. Сездіңдер ме, сезген болсаңдар, сендердің жүректерің жылы да мейірімді. Олай болса, сендер де көп қайырымды істер жасап, қамқорлық көрсете аласыңдар.