Выбор профессии

М.Е. Жексембиева

№142 жалпы білім беретін мектептің орыс

сыныбындағы қазақ тілі мен әдебиет пәнінің мұғалімі

Алматы қаласы

Қазақ тілі

11 -сынып

Сабақтың тақырыбы: Мамандық таңдау

Сабақтың мақсаты:

Білімділік: Мамандықты таңдау туралы білім беру. Жаңа сөздерді меңгерту, осы сөздер арқылы сөз тіркестері мен сөйлем құруға дағдыландыру.Өздік ізденіс жұмыстары арқылы шығармашылыққа баулу.

Дамытушылық: 1. Оқушылардың топтағы жаңа тәсілдерді қолдану, жоспарлау, топтық бағалау, бірін-бірі бағалау, ынтымақтастық атмосфераны құру дағдыларын дамытып, оқушылардың сыни тұрғыдан ойлау қабілеттерін арттыру. Сабаққа деген қызығушылықтарын үрдісті әдіс-тәсілдер арқылы арттыру, танымдық көзқарастарын байыту..

2.Ақпараттық технологияларды қолдану арқылы айтылым, тілдесім, жазылым әрекеттерін дамыту.

Тәрбиелік: сабақты өмірмен байланыстыра отырып, қазіргі сұранысқа ие мамандықтарға сипаттама беру арқылы рухани – адамгершілік тәрбиесін беру.

Күтілетін нәтиже: Мамандықты таңдаудағы сипаттаманы өздік ізденіс жұмыстары арқылы таныту.

Сабақтың түрі: Жаңа білімді меңгерту.

Сабақтың әдіс-тәсілдері: баяндау, ізденушілік, талдау, жинақтау, оқыта – үйрету ойындары, сыни тұрғыдан ойлау, қорғау, бағалау.

Сабақтың көрнекілігі: интерактивті тақта, мамандық түрлерінің суреттері, слайдтық көріністер, ғаламтор, кітап

Пәнаралық байланыс: Орыс тілі.

Сәлемдесу: (Физкультминутка) Қара жорға

Топқа бөлу: түрлі – түсті қағаз түстері арқылы топқа бөлу

Өткен сабақпен жаңа сабақпен сабақтастыру:

1. Міндеттері

1. Үй тапсырмасын тексеру, сұрау.

2. Оқушылардың өткен сабақты қаншалықты меңгергенін, түсінгенін байқау, ескеру, анықтау.

3. Оқушының сөйлеу қабілетін, сөйлеу тілін, сөздік қорын байқау. 4. Неге көңіл аудару қажеттігін анықтау.

5. Жаңа сабақпен таныстыру.

II. Жаңа сабақты оқып – білу кезеңі

-Балалар, мен сендермен бүгінгі сабақта « Мамандықты таңдау» және грамматикалық тақырыбымыз – мәтіндегі қарамен жазылған сөздердің қандай сөйлем мүшесі және антоним мен синонимдерін табумен танысамыз.

2) Мамандық туралы кіріспе сөз. 3) Жаңа сөздерді тақтаға жазып қою, таныстыру, айтқызу. Есте сақтауларын қадағалау. Оқулық мәтінімен оқушылар өз бетімен танысады. Бірінші оқушыларды төрт топқа бөлу. Топқа оқушылар түрлі – түсті қағаздар арқылы бөлінеді. Топқа бөлініп отырғаннан кейін мұғалім мамандыққа байланысты суреттер береді. Ондағы мақсат; әр топ суреттерді реттестіріп, флипчартқа құрастырып, қажетті, пайдалы мамандықтар екенін баяндап, суреттің артындағы тапсырмаларды орындап, өздері таңдаған мамандықтары туралы бір – біріне дәлелдеулері керек.

Оқушылар мәтін мазмұнын модель арқылы түсіндіреді.Мамандықтар түрлерін флипчартқа жұмыс жасау арқылы талдайды.

І топ Сіздіңше мамандықты дұрыс таңдау дегеніміз не деп ойлайсыз?

ІІ топ Қандай мамандықты таңдауға кеңес берер едіңіз?

ІІІ топ Осы мамандықты таңдауыңызға не себеп болды?

IV топ Болшақта қандай мамандықтар болуы

мүмкін?

Жады, ойлау, көру, зейін, елестету қабілеттерін арттырып оқуға жағымды қызығушылықтарын оятуда, белсенді сөздік қорларын дамытуда тек қана өмірде көрген, естіген нәрселерін, білетін мамандықтарын, болашақтағы білгісі келетін мамандықтары туралы өмір тәжірибесін пайдаланып, шығармашылық жұмыс шығарып, өздерін топта бағалау еді. Ақпараттық технологияларды қолдану арқылы оқушылар өзара сөйлесу арқылы оқытуды үйрету және оқуды бағалау арқылы мұғаліммен оқушы өздерін нық сезініп, өздерінің ойларын таныту керек деген мақсат қойылды. Сабақ бірлескен іс – әрекет түрінде өткізіліп, әріптестермен талқылап, айтатын тақырыптарын жоспарлап, әріптестерімен кеңесіп, оқыту стратегияларын қолдану, бағалау түрінде өткізілді.

2.Топпен сұхбат немесе пікірталас,түрлі көзқарас,ой-пікірлерін салыстыру арқылы өзінің көзқарас,ой-пікірін дәлелдеу.

Мамандық сөзін қалай түсінесіңдер?

1.Қазіргі мамандық пен бұрынғы заман мамандықтарының айырмашылықтары қандай?

2. Барлық заманда да сұранысқа ие болатын қандай мамандық деп ойлайсыңдар?

1.Топтар әр мамандықтың өзіндік ерекшеліктерін сипаттай отырып, өз жұмысын талқылайды, әңгімелейді, тіл байлығын көрсетеді.

2. Дарынды оқушылардың қабілеттерін анықтау үшін тапсырмалар беріледі.

4-топқа мамандықтарды бейнелейтін суреттер тарату. Дарынды оқушыларды анықтау.

Оқушылар сыни тұрғыдан ойлау арқылы суреттерді жіктейді.

Жұмыс нәтижесін топпен талқылап, талдау, бағалату.

Оқулықтан мәтінді оқып шығып, мазмұнын айту және сұрақ-жауап қою керек. Бұл тапсырмалар әр мамандыққа берілген сөз, сөз тіркесі,сөйлем құрау,орысшадан қазақшаға аудару. Диалог түрінде және сын тұрғысынан ойлана отырып,тапсырмаларды орындағаннан кейін суретті флипчартқа жабыстырып өздеріне ұнайтын мамандықтары туралы топта талдау жасау. Талдап болғасын әр топ қорғайды, сосын бір-бірін бағалайды.

Мамандық таңдау тақырыбы бойынша барлық топ жұмыстарын қызығушылықпен бастады.

4 – топ сызбалар бойынша мамандық таңдау туралы әңгіме құрастыру.

Сұранысқа ие, болашақтағы мамандықтар туралы өз ойларын айту.

1. «Мамандық таңдау» деген мәтіндегі қарамен жазылған сөздердің антоним мен синонимдерін табыңдар.

Жақсы – жаман

Керекті – керексіз

Пайдалы – пайдасыз

Нәтижелі - нәтижесіз (антоним). Т.б

Қазақшаға аудару.

Мамандық туралы өлең, жұмбақ, жаңылтпаш, ән айтудан жарысу.

1. 4 – топ бір бірлеріне сұрақ қойып жауап беру керек.

Сосын әр топ мұғалім берген сұрақ бойынша сабақты топта талдап, бір біріне түсіндіріп қорғайды. Тек қана оқулық тапсырмаларымен ғана шектелмей қосымша кітап, газет, ғаламтордан т.б арқылы ізденіс жұмыстарын жасайды.Оқулықтан мәтінді оқып, аударып отырды.

Сондықтан осындай сыни тұрғыдан ойланатындай тапсырмалар беріп, қызығушылықтарын ояататындай идея беру және сөздік қорды молайтудың тиімді жақтарын қарау керек. Өздерінің неден қиналғанын білген оқушылар ұялып ойларын айтты.Келесі сабақтарда осы кедергілерді болдырмауға тырысамыз деді. Оқушылар жан – жақты өздерінің білімдерін дәлелдеді.

IV. Жаңа сабақты бекіту: Жаңа сабақ бойынша оқушыларға сұрақтар қою:

1. Мамандық түрлерін атаңдар?

2. Саған қандай мамандық ұнайды?

3. Қазіргі сұранысқа ие мамандықтарды атаңдар?

4. Бұл мамандық саған неліктен ұнайды?

5. Болашақта қандай мамандықтар болуы мүмкін?

6. Бұл мамандық немен қызықты?

7. Бұл мамандықты таңдауға не себеп болды?

8. Антоним мен синонимге қандай мысалдар білесіңдер?

V. Сабақты қорыту:

Сабақты оқушылардың өздеріне қорытынды жасату, сөйлету, дағдыландыру, қалыптастыру.

VI. Үй тапсырмасын беру: Өздерің әңгімелеген «Мамандық таңдау» тақырыбына шығарма жазыңдар. Ережелерді қайталау.

VII. Бағалау:

Оқушылар бағалау парақтары бойынша топ – топты бағалайды.. Сабақта қиындық тудырған тұстары мен ұнаған жерлерін айтады.

VIII. Рефлексия кезеңі: БББ кестесін толтырту. ( Білдім, Білемін, Білгім келеді. )