№ Мерзімі Пән Сыныбы Пән мұғалімі Тексерген
25 Қазақ тілі Сүгірбекова А.І.
Сабақтың тақырыбы: Сөз таптары. Зат есім.
Сабақтың жалпы мақсаты:
А)Білімдік: зат есімнің сұрақтары, зат есім болатын сөздердің мағыналары туралы білім беру;
Ә)Дамытушылық: ауызекі сөйлеу тілін дамыту.
Б)Тәрбиелік: имандылыққа тәрбиелеу.
Сабақтың міндеті:
А) Мазмұнға байланысты міндеттер:
-дара және күрделі зат есімдерді оқып біледі.
-зат есімдер мағынасы мен атаулық жағынан жалқы есім және жалпы есім болып жіктелетіндігін оқып біледі,
-жалқы есім болатын атауларды ажыратады.
Ә) Сын тұрғысынан ойлауға байланысты міндеттер:
- Өздері меңгерген теориялық ұғымдарды саралай келе, оқушылар өз пайымдаулары мен көзқарастарын білдіре отырып, төмендегі әрекеттерді орындайды:
1. Білімді игеру қажеттігін түсініп, өз бетінше әрекет жасайды.
2. Өз пікірін ашық айтып, пікірталасқа араласуға белсенді болады.
Б) Топтық жұмысқа байланысты міндеттер:
- Топтағы оқушылар бір-бірімен ой бөлісіп, берілген жаттығуды талдап салыстырады.
Сабақтың типі: Жаңа сабақты меңгерту.
Сабақтың түрі: баяндау, талдау сабағы.
Сабақтың әдісі: сұрақ-жауап, жазу, мәнерлеп оқу
Сабақтың көрнекілігі: қызықты грамматика, сызбалар, Қазақ тілінен дидактикалық материалдар жинағы.
Сабақ барысы.
I. Қызығушылықты ояту сатысы:
1) Үй тапсырмасын тексеру, оқушыларды түгендеу.
* кеспе қағаздармен оқушылардың білімін тексеру;
*сызба бойынша үй тапсырмасын пысықтау;
II. Мағынаны ажырату сатысы:
Заттың атын білдіретін мағынасына, түрлену тұлғасына, қойылатын сұрағына, сөйлемде атқаратын қызметіне қарай топталуын сөз таптары деп атайды. Қазақ тілінде 9 сөз табы бар: зат есім, сын есім, сан есім, есімдік, етістік, үстеу, еліктеу сөздер, шылау, одағай.
Зат есім
Заттық ұғымды білдіріп, Кім? Не? деген сұрақтарға жауап беретін сөз табын зат есім деп атайды.
атауы жалпы есім деп аталады. Заттардың ішіндегі бір түрінің өзіне ғана қойылған аты жалқы есім деп аталады.
Жалқы есімдердің жіктелуі
Жалқы есімдер Мысалдар
Адамның аты-жөні Абай Құнанбаев, Жамбыл Жабаев, Шоқан Уәлиханов, Максим Горький
Кейбір хайуанаттарға қойылған атаулар Құлагер, Бөрібасар, Тайбұрыл
Мемлекет, облыс, аудан, қала көше, жер-су аттары Қазақстан, Мерке ауданы, Ертіс өзені, Көкшетау, Жетіқарақшы
Тарихи оқиғалар, әдеби кітаптардың, жеке мақалалардың аттары “Егеменді Қазақстан” газеті,
“Абай жолы” эпопеясы,
“Көзімнің қарасы”
Ел, ауыл аттары “Бірлік” ауылы, “Электростал” зауыты
Жалқы есімнің қай түрі болса да, бас әріптен бастап жазылады. Сондай-ақ Мемлекеттік жоғары қызмет бабы, құрмет атақтарының аттары жалқы есімдерге жатып, олар да бас әріппен жазылады. Мысалы: Парламент Мәжілісінің Төрағасы, Еңбек ері, т.б. Жалпы қызмет бабының аттары мен жай атақтың алғашқы сөзі ғана бас әріппен жазылады. Оқу министрі, Ғылым академиясы, т.б.
Кестеде көрсетілген газет, журнал, кітап, шығарма аттары біреудің сөзінің ішінде қолданылғанда тырнақшаға алынып жазылады.
*118-жаттығу.Өздерің білетін жалқы есімдерді естеріңе түсіріп, дәптерлеріңе жазыңдар.
III. Ойтолғаныс сатысы:
Сабақты қорыту. Қызықты грамматика:
Аспан көгі жамылды,
Кара мақпал бүркеніп.
"Т" орнына "К" қойсаң,
Лездемде от жағылды,
Тұрар елге нұр төгіп
Жауабы: Түн-күн
Оқушылар білімін бағалау.
Үй тапсырмасы: 119-жаттығу
