| 1. Сабақ барысы: Ұйымдастыру кезеңі. Сәлемдесу. 5 «Т» ережесін еске түсіріп тәртіпке шақырып, сабаққа қажетті құрал-жабдықтарын түгендеу. Тыныштық сәті: Баяу әуен қойылады «Теңізге саяхат». Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жан-жағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз... бұл орасан зор сегізаяқ. Ал қазір жоғарыға, өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз. Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз. Рахмет. 2. Үй тапсырмасын тексеру № 10 Сабақ 52 – бет. Т. Айдархановтың «Жанашыр» әңгімесін оқу. Дәптермен жұмыс № 10 – сабақ. 14 – беттегі Ребусты шешіп шешуін жазыңдар. Мәтін бойынша пікір сұрақтары - Осы әңгімеден қандай ой қорытуға болады ? - Дастанды балалар не үшін мақтан тұтты ? - Дастанның қызды аяуына не себеп ? - Өзің Дастанның орнында болсаң не істер едің ? - Кез келген адамдарға көмек қолын созасыңдар ма ? | Сабақ барысын талдау:
|
| 3. Дәйексөз «Аялауды табиғаттан үйрен» Халық даналығы Дәйексөздің мағынасын ашамыз, талдаймыз. Сосын барлығы хормен айтады. Есте сақтап қалу үшін дәптерге жаздырамын. - Аялау деген ол бірін бірі құрмет тұту, қадірлеу, сыйлау. Тіпті табиғаттың өзі де қай жаратылысын алсықта, бәріде адамдарды аялайды. Мысалы, нұрын төгеді. Суын береді, ауасымен демалдырады және олар жақсылығын міндет етпейді. Тіпті адамдарды бөлмейді, бар жақсылығын бірдей төгеді. Бізде дәл солай жасауымыз керек. Сондықтан халық «Аялауды табиғаттан үйрен » деп бекер айтпаған. |
|
| 4.Оқиға айту (әңгіме) Көжен (Ертегі) Жазғытұрым, қар кете бастағанда, айы – күні толған соң қоян мұздың үстіне көжектеп, көжегін тастап кетеді. Жалтыр мұзда селкілдеп, дірілдеп өлгелі жатқан көжекті бір шруа тауып алды. - Сорлы көжек! Балаға рахымсыз шешең сені тастаған соң, құрғақ жерге тастамый ма?Бейшара, жүр ,үйге апарып жылытайын. Сенің ата бабаларың көрмеген жақсылықты көрсетейін. Бізде тұрмыс жақсы, үй жылы, тамақ тоқ. Білмесең, біздің атымыз – адам, - деп, шаруа көжекті қойнына тығып алып, жүре берді. Бірақ көжек сорлы үйге жеткенше тыпырлыйды. Сонда шаруа сөзін соза түседі. - Сен көжек тыпырлама! Мен болмасам, енді мұзға жабысып, қатып қалатын едің. Жастығың ғой, жақсылық істеген кісіні танымай, тыпырлап келе жатқаның. Шаруа көжекті қойнына тыға түседі. Көжек ақырын ғана сығалап, жолды байқап келе жатады. Шаруа үйіне әкелгенде, балалары жапырлап, умаждай бастайды. - Қалқиған құлағын қара! – дейді біреуі. - Қылиланған көзін қара!- дейді екіншісі. - Пұштиған құйрығын қара! – деп қалды үшіншісі. Әрқайсысы қолына бір – бір шыбық жасап алып, түрткілей бастайды. Жас көжек жан – жағына қараса, өзіне ұқсас бір жан жоқ. Көзі бажырайып, жүрегі дүрсірдеп, біресе төсек астына, біресе жүк астына тығылды. Бір шыбын жанды қоярға жер таппайды... Ақыр аяғында болмаған соң, ашық тұрған пештің ішіне кіріп кетеді де, балалардан құтылады. Сөйтіп ел жатқанша жорғалай - жорғалай мұржадан шығып, таң атқанда өзін енесі тастап кеткен мұзға барады. Шаруа көжекті тауып алып, тағыда үйіне алып барды. Көжек бірақ өзі туған жеріне қашып кете береді. Шаруа соңғы рет іздеп келгенде көжек қамысқа кіріп кетіп, бұлтылдап ұстатпайды. Сонда шаруа ашуланып: Сен , қыли көз, кімді мазақ қыласың? Мен саған қастық жасап жүрмін бе, жаны ашығанды неге білмейсің дегенде, көжек тұрып: - Жат жерде көзге түрткі болып өлгенше, мұз да болса, анамның тапқан жерінде өлемін! – депті. Әңгіме бойынша қойылатын сұрақтар: - Кішкентай көжекті балалардың қорлауы әдептілікке жата ма? - Көжек не себепті балалардан қашып кетті ? - Өздеріңде осындай жағдайлар болса көжекті аялай алармедіңдер? - Осы балалардың орнында өздерің болсаңдар қайтер едіңдер ? |
|
| 8.Соңғы тыныштық сәтi. Баяу әуен қосылады. оқушылар денесін, басын тік ұстап, көзін жұмып отырады. Мұғалім жәй дауыспен: «Бүгінгі сабағымызды есімізге түсірейікші. Жақсыны естіп, айтып бәріміздің көңіл – күйіміз көтерілді. Ісіміз де, сөзіміз бен ойымыздай, болатынына сенімдімін. Сабақта көрініс тапқан жақсы қасиеттер жүректерімізде сақталып, іс жүзіне асырылсын. Жақсы ой ойлайық, жақсы сөз сөйлейік, жақсы іс жасайық! Осындай тыныштықта сәл отыра тұрайық. Қандай жан тыныштығы! Енді жайлап көздеріңді ашуға болады» |
|
