Мінез – адам көрсеткіші

Урок самопознания в 9 классе нМен, 9 сыныбында «Мінез – адам көрсеткіші» тақырыбында сабақ өткіздім. Барлығы 3 оқушы қатысты. Сабақ әдеттегідей тыныштық сәтінен басталды. Оқушылар сабақтың басындағы тыныштық сәтінен жақсы әсер алып, нұрға бөлене алды. Сабақтың тақырыбы мен мұғалімнің сыйлығы ретінде алған әңгіме дұрыс әрекет құндылығын аша түсті. Оқушылар сабақ материалдарын жақсы қабылдап, өз ойларымен, сабақтан алған әсерлерімен бөлісе алды. Мінез шынымен де адам көрсеткіші, жақсы мінез адамды бақытқа жетелесе, ал ашу адамға жақсылық әкелмейтіндігін ұғынып, өз ойлары мен сөздерін және іс-әрекеттерін қадағалап, дұрыс әрекет жасай білу керектігін түсіне алды. Адамдармен қарым-қатынаста әрдайым сүйіспеншілікпен және шынайылықпен жұмыс істеу туралы білімдерін тереңдете түсті. Шығармашылық тапсырмаларды орындау барысында қызығушылықпен және белсенділікпен жұмыс жасады. Әсіресе Мейірім тобының Мейірімділіктің

Вы уже знаете о суперспособностях современного учителя?

Тратить минимум сил на подготовку и проведение уроков.

Быстро и объективно проверять знания учащихся.

Сделать изучение нового материала максимально понятным.

Избавить себя от подбора заданий и их проверки после уроков.

Наладить дисциплину на своих уроках.

Получить возможность работать творчески.

=> ПОЛУЧИТЬ СУПЕРСПОСОБНОСТИ УЧИТЕЛЯ <=

Просмотр содержимого документа
«Мінез – адам көрсеткіші»

«Өзін – өзі тану» сабағының жоспары

Мектеп: КММ «Рублевка орта мектебі»

Мерзім:

Мұғалім: ХайретдиноваРР

Сынып: 9 Оқушылар саны:3

Тақырыбы: Мінез – адам көрсеткіші Сабақ 13

Құндылық: дұрыс әрекет

Қасиеттер: сүйіспеншілікпен және шынайылықпен жұмыс істеу, мінездегі жетістіктер мен міндерді ажырата білу, өзге жұрттың еңбегін бағалай білу

Мақсаты: адам мінезінде кездесетін кемшіліктерді мойындай отырып, дұрыс әрекет жасай білу құндылығының мәнін ұғындыру

Міндеттері:

1 Оқушылардың сүйіспеншілікпен және шынайылықпен жұмыс істеу туралы білімдерін кеңейту;

2 Мінездегі жетістіктер мен міндерді ажырата білу және жақсы мінез қалыптастыра білу қабілеттерін дамыту.

3. Өзге жұрттың еңбегін бағалай білуге тәрбиелеу.

Ресурстар:(құралдар, мәлiметтер)

Мұғалімдерге арналған әдістемелік құрал, оқулық, ғаламтор желісі, АКТ мүмкіндігі, А4, А3 қағазы, маркер, журнал қиындылары, желім.

Сабақ барысы:

1.Ұйымдастыру кезеңi. Тыныштық сәті. Нұрға бөлену

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз, қолыңызды тізеге немесе үстелге қоюға болады. Көздеріңізді жұмуларыңызды өтінемін (баяу әуен ырғағымен)

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын таза, әсем гүл сіздің әр ойыңызды, әр сезіміңізді, эмоцияңызды, тілек қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Ойша осы нұрды қолдарыңызға бағыттаңыз. Сіздің қолдарыңыз нұрға бөленіп, сәуле шашуда. Қолымыз тек жақсы, тек ізгі істерді істейді және баршаға көмектеседі.

Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады.Олар нұр мен махаббат құралына айналды.

Одан әрі Нұр сіздің аузыңызға, тіліңізге тарады.Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді.

Нұр көзімізге де жетті. Көзіміз тек жақсыға қарап, бәрінен жақсылықты ғана көреді.Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқынды және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға,мұғалімдеріңізге,достарыңызға,

таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз.Олардың да жүрегі нұрға толсын.

Осы Нұр бүкіл әлемге: барлық адамдарға, жан- жануарларға, өсімдіктерге, тірі жанға таралсын... Ғаламның барлық түкпір-түкпіріне нұр бағыттаңыз.

Ойша айтыңыз: «Мен Нұрлымын...Нұр менің ішімде...

Мен - Нұрмын »

Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде.Оны осындай әсем қалыпта сақтаңыз.

Ойша нұрға бөленгеннен кейін жайымен көзіңізді ашуға болады.Рахмет!

Оқушылармен тыныштық сәтінен алған әсерлері туралы пікір алмасу.

2.Үй тапсырмасын тексеру.

12 сабақ. Дәптердегі 2-3 тапсырманы орындау, оқыту (2-3 оқушы).

Сабақ барысын талдау:

3.Дәйексөз.

Анаграмманы шешу арқылы дәйексөзді табу.

АНАЫДМҢ АБЫНСА НОҚНАҒ ТАЫБҚЫТҢ ҰТАРЫТҚ ОБЛЫУ АЖҚЫС ІНЕМЗ- ҰҚЫЛҚАҚ ЙАБЫЛАНСТЫ

Адамның басына қонған бақыттың тұрақты болуы

жақсы мінез-құлыққа байланысты.

Әл-Фараби

3.1. Дәйексөзді оқыту.

- Дәйексөздің мағынасын қалай түсінесің?

3.2. Дәйексөздің мағынасын ашу

3.3. Дәйексөзді дәптерге жатқа жазу

4. Әңгімелеу.

Мұғалімнің сыйлығы. Ашу дұшпан

Т.Б. Әділжан (зердеңізге тоқыңыз кітабынан)

Бір үлкен елдің президентінің Бек атты адал және сенімді қызметшісі болыпты. Ол өзінің міндеттерін жақсы атқарыпты.Бір күні Бек өзінің қожайынының үстелін ретке келтіріп жатқанда, бір бума қағаздың ішінен автоқалам құлап түседі. Бек оны көтерген кезде, қаламның ұшы сынып қалғанын көреді. Осы кезде бөлмеге қожайын кіріп, не болғанын көреді. Қалам оған досының сыйлығы ретінде өте қымбат болатын, сондықтан президент қатты ашуланып, қызметшіге енді оның жұмыстан босағандығын айтады. Бек қожайынын қатты жақсы көретіндіктен, одан кеткісі келмейді. Ол қожайынының аяғына жығылып, оны кешіруін өтінеді. Бірақ қожайын айтқанынан қайтпайды, ашулы кейіппен қызметшісінің бөлмеден кетуін талап етеді.

Түнде президент осы оқиғаны есіне түсіреді де, ойланып қалады: «Бектің қателігі неде еді? Қаламның ұшы мен оны ашық, қағаздардың арасына тастап кеткендіктен сынды. Шындығында, Бек кінәлі емес, ол әрқашан шыншыл әрі маған берілген адам еді. Мен онымен өте дөрекі сөйлестім».

Осындай өкінішті ойлар мен опық жеу оны қатты мазасыздандырғандықтан, ол ұйықтай алмады. Таң атқан соң, президент бірден Бекті алып келуге жіберді. Ол келген кезде, қожайын оған:

Бек, сен мені кешір. Мен кеше дұрыс істемедім, сенімен дөрекі сөйлестім. Бұрынғыдай жұмысыңды жалғастыра бер,- дейді.

Бұл сөздер қызметшіге қатты әсер етеді. Ол өзінің қожайынын одан қатты бағалап, жақсы көреді.

Кейінірек ақылды президент осы мысалды басқаларға ылғи айтып отыратын болды, оларды біреуге ашу білдіріп, жазаламай тұрып, ойланып алуға шақыратын. «Ашу қабаған ит сияқты, - дейтін ол. – Оны іште қамап ұстау керек, әйтпесе ол ешбір кінәсі жоқ адамды қауып алуы мүмкін. Сонымен қатар біз кез – келген адам қателесетінін, бірақ оны кешіру құдайшылық екенін ұмытпауымыз керек».

Сұрақтар:

1. Әңгімеде президенттің ашуға жол беруіне не себеп болды?

2.Бекке қандай мінездеме берер едіңдер?

3.Қалай ойлайсыңдар президент өз қатесін түсініп, дұрыс әрекет жасады ма?

4.Ашу-дұшпан дегенді қалай түсінесіңдер?

5.Өз мінезіңдегі кемшілікті жою үшін не істер едіңдер?

5.Шығармашылық іс-әрекет. Топтық жұмыс.

5.1Оқушылады мозайка әдісі бойынша топқа бөлу (мейірім тобы, ізгілік тобы, ақыл тобы, даналар)

5.2 Топтық жұмысты түсіндіру.

1топ – Ақыл тобы. Өлең шығару. Ашу-дұшпан, ақыл –дос(2 шумақ)

2 топ – Мейірім тобы. Рөлдік ойын. Мейірімділіктің жолы – жарық күн.

3топ –Даналар тобы: Жадынама құрастыру. Бабалар сөзі -ақылдың көзі.

4-топ–Ізгілік тобы: Акция жариялау. Ізгілікке бастар жол.

5.3 Топтық жұмысты қорытындылау. Әр топ өз жұмыстарын қорғайды.

6.Топпен ән айту.

Мейірімді болайықшы ағайын! Сөзі: С. Қали. Әні: Қ. Махан

1.Көктем етіп көркейтсе де маңайын,

Көріп жүрміз өкпешілдің талайын.

Өшігуді қояйықшы өзгеге,

Кешірімді болайықшы, ағайын!

2.Көк нөсерін көл етсе де жауындар,

Көк пен жерді селт етсе де дауылдар.

Пейіліңді пенделікпен тарылтпай,

Мейірімді болайықшы, бауырлар!

3.Болашаққа қол ұстасып барайық,

Ақиқаттың ауылын іздеп табайық.

Кішірейіп кетпес ғазиз басымыз,

Кішіпейіл болайықшы, халайық!

4.Ел болғанмен емеспіз ғой онша көп,

Сонда дағы бөлінумен шаршап ек.

Өзімізге қалайтұғын нәрсені,

Тілейікші өзгеге де, болса деп!

5.Ұлттың қамын жүректермен ұғынып,

Жұрттың жүгін көтерейік жұмылып.

Қаратайық Құбылаға жүздерді,

Таратайық адамзатқа жылылық!

7.Үй тапсырмасы

Эссе. Мінез адам сыны тақырыбында

№ 14 сабақ М.Тиесов Дән мен тас ертегісін оқып келу.

8.Сабақтың соңғы тыныштық сәті

Осымен балалар бүгінгі сабақта «Мінез - адам көрсеткіші» тақырыбында адам мінезіне байланысты біраз ой қозғап, өз мінезіміз туралы да ойланған болармыз.

Көркем мінез – адамның эстетикалық-этикалық сәні мен мәні. Бұл ретте әдептілікті, ұяттылықты, намыстылықты және маңғаздықты ерекше атаған жөн.

Аққайың ауданы, Рублевка орта мектебінің өзін-өзі тану пәні мұғалімі Хайретдинова Р Р 9 сыныбында «Мінез - адам көрсеткіші» тақырыбында өткізілген сабақтың рефлексивті есебі.

Мен, 9 сыныбында «Мінез – адам көрсеткіші» тақырыбында сабақ өткіздім. Барлығы 3 оқушы қатысты. Сабақ әдеттегідей тыныштық сәтінен басталды. Оқушылар сабақтың басындағы тыныштық сәтінен жақсы әсер алып, нұрға бөлене алды. Сабақтың тақырыбы мен мұғалімнің сыйлығы ретінде алған әңгіме дұрыс әрекет құндылығын аша түсті. Оқушылар сабақ материалдарын жақсы қабылдап, өз ойларымен, сабақтан алған әсерлерімен бөлісе алды. Мінез шынымен де адам көрсеткіші, жақсы мінез адамды бақытқа жетелесе, ал ашу адамға жақсылық әкелмейтіндігін ұғынып, өз ойлары мен сөздерін және іс-әрекеттерін қадағалап, дұрыс әрекет жасай білу керектігін түсіне алды. Адамдармен қарым-қатынаста әрдайым сүйіспеншілікпен және шынайылықпен жұмыс істеу туралы білімдерін тереңдете түсті. Шығармашылық тапсырмаларды орындау барысында қызығушылықпен және белсенділікпен жұмыс жасады. Әсіресе Мейірім тобының Мейірімділіктің жолы-жарық күн тақырыбында көрсеткен рөлдік ойын барлық оқушылардың көңілінен шықты. Бұл жерде Бауырсақ ертегісіндегі кейіпкерлер мейірімділікпен дұрыс әрекет жасап, достыққа әкелулері шеберлік танытты. Ақыл тобының Ашу дұшпан, ақыл дос тақырыбына Темирланның шығарған өлең шумақтары да сәтті шықты. Әр топ өз шығармашылық жұмыстарын орындауда шеберлік таныта алды. Оқушылардың рухани-адамгершілік көзқарастағы өте маңызды жауаптарына тоқталатын болсақ оқушылар өз пікірінде бүгінгі сабақ жағымды эмоциялар қалдырып, шынымен де мінез адамның айнасы екенін түсіндік дейді. Бірінші көрген адамның мінезіне қарап ол адамның қандай екендігі туралы ой қалыптасады, егер оның мінезінде жағымды жағы көп болса ол адамды жақсы адам деп қабылдаймыз деген. Ашу дұшпан, ақыл дос дегендей бәрін ақылмен шешуге тырысайық, әр ісімізге есеп беріп дұрыс әрекет жасай білейік десе, Алтынгүл де бүгінгі сабақтың үлгі ретінде берері көп екендігін дәлелдей түсті. Әр адамның мінезі әр түрлі болатындығын, сонымен қатар мінезі ауыр адамдардың да болатыны бар дейді. Ең бастысы өз құрбыларыма айтарым тек жақсы қасиеттерімізді көрсетіп, жағымды ойлар ғана ойлайық деген пікірін білдірді. Ал Мухит де өз ойында мінезсіз адам болмайды, тек мінездегі жетістіктер мен міндерді ажырата біліп, мінездегі кемшілікті жағымды қасиеттеріне алмастыра білу де үлкен шеберлік екенін айта білді.

Сабақтағы мақсаттар орындалды деген ойдамын. Сабақты өзгерту және жақсарту бойынша ұсыныстарға келетін болсам, менің ойымша шығармашылық тапсырмаларды түрлендіріп, ізденістеріне бағыт беріп отыру.Осы оқу жылынан бастап сабақты жаңа бағдарлама бойынша өткізіп жүрмін, байқағаным оқушыларда сабаққа деген қызығушылықтары мен жауапкершіліктері арта түскендей.