Конспект урока на тему: А. Йәғәфәрова «Яҡшылыҡ».

Тема: А. Йәғәфәрова «Яҡшылыҡ».

Маҡсат: Әкиәт йөкмәткеһен үҙләштереү. Тасуири итеп уҡырға һәм йөкмәткеһен һөйләргә өйрәтеү. Образдарға характеристика биреү.

Йыһазландырыу: Шишмә һүрәте. Эргәһендә ҡайын үҫеп ултыра.

Дәрес барышы.

Ойоштороу мәле.

Һаумыһығыҙ, балалар, хәйерле иртә!

Уҡыусылар. Сәләмләйбеҙ һауаны

                      Именлек булһын өсөн

                      Сәләмләйбеҙ дуҫтарҙы

                      Гел дуҫлыҡ булһын өсөн!

1. Өй эшен тикшереү. М.Кәрим «Сыйырсыҡ балаһы».

Үткән дәрестә төҙөгән план буйынса «Сыйырсыҡ балаһы» хикәйәһенең йөкмәткеһе һөйләтелә. Хикәйәләге оҡшаған күренеш буйынса эшләнгән һүрәттәр тикшерелә. Өй эшенә йомғаҡ яһала. Баһалар ҡуйыу.

        2. Төп өлөш. Инеш әңгәмә үткәрелә.

Дәрес маҡсаты әйтелә.

Таҡтаға, дәфтәрҙәргә число,көн исеме, тема яҙҙырыла.

Башта кешелеклек, яҡшылыҡ тураһында әңгәмә үткәрелә.

Шуға бәйле әкиәт уҡыясаҡтары әйтелә.

Яҡшылыҡ булһын атығыҙ;

Кеше булһын затығыҙ;

Яманға юл ҡуймағыҙ,

Яҡшынан баш тартмағыҙ!

Уҡытыусы әкиәтте тасуири уҡып сыға.

Унан, уҡыусылар белеменә таянып, ул урыҫ телендә һөйләтелә.

Әкиәт тексты ролдәргә бүлеп уҡытыла. Ауыр һүҙҙәр билдәләнә. Һүҙлек эше үткәрелә. Текст аҙағындағы һорауҙарға яуап алына. Ял итеү. Уйындар. Шунан таблицаға яҙылған түбәндәге мәҡәлдәр уҡытыла.

• Яҡшылыҡ ерҙә ятып ҡалмай.
• Һыуҙа ла батмай яҡшылыҡ, ерҙә лә бөтмәй яҡшылыҡ.

Мәҡәлдәрҙең мәғәнәләре асыҡлана. Уларҙың әкиәт йөкмәткеһенә ауаздаш икәне билдәләтелә.

Әкиәт өлөштәргә бүлеп уҡытыла. Шунан башҡортса уның йөкмәткеһе һөйләтелә.

      3. Дәрескә йомғаҡ яһала. Әҫәр йөкмәткеһен нығытыу өсөн, түбәндәге һорауҙарға яуаптар алына.

• Фәрит менән Фәһим ҡайҙа киләләр?
• Шишмә уларға ниндәй йомош менән мөрәжәғәт итә?
• Шишмә уның ярҙамына нисек яуап бирә?

Өйгә эш: әкиәтте тасуири уҡырға, йөкмәткеһен һөйләргә өйрәнергә, Фәрит менән Фәһим образдарына характеристика бирергә ҡушыла.