Аңыздар. «Қожанасыр мен Ашқарақ».

Сабақтың тақырыбы: Аңыздар. «Қожанасыр мен Ашқарақ».

Сабақтың мақсаты:

1) Оқушыларға аңыз туралы түсінік беру. «Қожанасыр мен Ашқарақ» аңызының мазмұнынын түсіндіру, негізгі оймен таныстыру;

2) Аңызды талдай білуге, кейіпкерлерінің іс-әрекетіне сипаттама, кейіпкерлеріне мінездеме бере білуге баулу, өз ой-пікірлерін ортаға салу;

3) Адамгершілікке, зеректікке, ұқыптылыққа тәрбиелеу.

Сабақтың түрі: ашық сабақ

Сабақтың әдісі: түсіндіру, әңгімелеу, сұрақ-жауап.

Сабақтың көрнекілігі: төрт түліктің суреті, ребус, тақырыпқа

байланысты суреттер.

Сабақтың барысы

I. Ұйымдастыру кезеңі.

Оқушылар назарын жаңа сабаққа аудару.

II. Үй тапсырмасы.

• Балалар, үйге қандай тапсырма берілді, өткен сабақта қандай тақырыпты өттік?

• Төрт түліктің кеңесін өттік.

• Ендеше, үй тапсырмасына дайынбызба? Кім айтады? Оқушылардан үй тапсырмасын сұрау.

III. Үй тапсырмасын қорыту.

Мына суреттерге зер сал. Қай түлік қай жерді қалайтынын айт.

Қой атасы – Шопан ата.

Сиыр – Зеңгі баба.

Жылқы – Қамбар ата.

Түйе - Ойсыл қара

IV. Жаңа сабақ.

• Балалар, жаңа сабақты бастамас бұрын, мына ребусты шешсек, үлкен бір бөлімнің атауы шығады. Оқушыларға ребусты шештіру. Ребус жауабы – аңыз.

• Оқушыларға аңыз туралы түсінік беру. Өмірде болған адам басына құрылған әңгімені аңыз дейді. Аңыз белгілі бір адамның атына, іс - әрекетіне байланысты туады. Аңыздағы әңгіме тарихта болған адам төңірегіне құрылады.

• Балалар, бүгінгі біздің өтетін тақырыбымыз «Қожанасыр мен Ашқарақ» аңызы. Аңызды оқып, мазмұнын түсіндіру. Оқушыларға оқыту.

V. Дәптермен жұмыс.

• Балалар Қожанасыр мен Ашқарақтың айырмашылығы мен ортақ қасиеті қандай? Оны біз Венн диаграммасы арқылы орындайық.

Қожанасыр Ашқарақ

- Балалар, осы аңызда қиын әрі күрделі сөздер барма? Қандай сөздер деп ойлайсыңдар?

-Ашқарақ, қомағай, бейбастық. Оқушыларға осы сөздердің мағынасын түсіндіру. Ашқарақ – тамақты көп жейтін адамды айтады. Қомағай – тойымсыз, өзі тойсада көзі тоймайды. Бейбастық - әдепсіздік, тәртіпсіздік.

VI. Сергіту сәті.

Біз өнерлі баламыз.

Шырқап ән саламыз.

Би билейміз бұралып,

Доспыз, тату боламыз.

VII. Суретпен жұмыс.

• Балалар, суреттен кімдерді көріп тұрсыңдар?

• Қонақтың қалтасына шай құйып отырған кім деп ойлайсыңдар?

• Неліктен шай құйып отыр?

• Сурет бойынша әңгіме құрау.

VIII. Қорытынды.

Сабақты қорыта келе, оқушыларға «Қонақта», «Қонақ күту», «Қонаққа бару» деген тақырыптарға 3 қатардан 1 оқушы ауызша шағын әңгіме құрау.

• Балалар, мәтін неге аңызға жатады деп ойлайсыңдар? Оқушылардан сұрау

• Міне, осымен біздің сабағымыз аяқталды.

IX. Үйге тапсырма.

Аңызды оқып, әңгімелеу.

X. Бағалау.

Үй тапсырмасын айтқан оқушыларға, сабаққа жақсы қатысып отырған оқушыларды бағалау, мадақтау.

№ 6 жалпы білім беру орта мектебі

Тақырыбы: Аңыздар. «Қожанасыр мен Ашқарақ»

Пәні: ана тілі

Орындаған: 2 «г» сынып жетекшісі

Қойлыбаева Дина

Уақыты: 22. 10. 2011 жыл