Тәрбие басы тал бесік» деп бабаларымыз тауып айтқан болса, заманымыздың заңғар жазушысы Мұхтар Әуезов, «Ел болам десең бесігіңді түзе», - деп емірене айтыпты. Жерлесіміз Пайғамбар ақын Мағжан Жұмабаев атамыз, «Қазақ баласының тәрбиесі қазақ тұрмысына қабысуы мақұл», - деп тәрбиенің маңыздылығын ескерткен.
Осы жөнінде азырақ ой айтсам. Бұл – ең әуелі ата-анасын, үлкенді және қоғамды, яғни өзі өмір сүріп жүрген ортаны сыйлау. Осы айтылғандарды сыйлап өскен, ата көрген бала тәрбиесіз болмайды.
Вы уже знаете о суперспособностях современного учителя?
Тратить минимум сил на подготовку и проведение уроков.
Быстро и объективно проверять знания учащихся.
Сделать изучение нового материала максимально понятным.
Избавить себя от подбора заданий и их проверки после уроков.
Просмотр содержимого документа
«Тәрбие басы тал бесік.»
Молдабекова С.А.,
жатақхана меңгерушісі
Тәрбие басы тал бесік.
Тәрбие басы тал бесік» деп бабаларымыз тауып айтқан болса, заманымыздың заңғар жазушысы Мұхтар Әуезов, «Ел болам десең бесігіңді түзе», - деп емірене айтыпты. Жерлесіміз Пайғамбар ақын Мағжан Жұмабаев атамыз, «Қазақ баласының тәрбиесі қазақ тұрмысына қабысуы мақұл», - деп тәрбиенің маңыздылығын ескерткен.
Осы жөнінде азырақ ой айтсам. Бұл – ең әуелі ата-анасын, үлкенді және қоғамды, яғни өзі өмір сүріп жүрген ортаны сыйлау. Осы айтылғандарды сыйлап өскен, ата көрген бала тәрбиесіз болмайды. Мағжан атамыздың мына сөзіне назар салсақ, «Баланы тәрбиешісінің дәл өзіндей қылып шығармай келешек заманына лайық қылып шығару керек» дейді.
Кішкентай сәби ана құрсағынан тәрбие алып, отбасынан негізі қалана отырып, ұлттық менталитетпен сусындай отырып «Ұядан ұшқан балапан» секілді қоғамға шығып етене араласа бастайды. Міне,осы жалынды да жігерлі, ұлт болашағын ойлайтын білімді, рухты, намысшыл жастарды тәрбиелеу отбасы мен оқу орындарының еншісінде екенін аңғаруға болады.
Қазір ХХI ғасыр білім мен ғылым заманы екенін жұртшылық жақсы біледі. Бірақ бар күшімізді білім мен ғылымға салып тәрбиені елеусіз қалдырсақ ұтарымыздан ұтыларымыз көп болатындығын орта ғасырлық бабамыз ғұлама Әл-Фараби нықтап айтып кеткен болатын. Ендеше әуелі тәрбие, сонсын барып басқа қажеттіліктер білім, ғылым, әдебиет.
Келешегіміздің келбетті, болашағымыздың баянды болуы бүгінгі жастарға тікелей байланысты. Өйткені олар – «ертеңімізді жасайтын бүгініміз». Ұлт көшбасшысы, Елбасы Нұрсұлтан Әбішұлы Назарбаев та біздерге, жастарға, ерекше сенім арта отырып, жастардың жағдайын жасауға баса назар аударады. Ел президентінің жыл сайынғы Жолдауларының басым бағыттары жастармен тікелей байланысты болуы, кез келген мемлекеттік маңызы бар стратегиялар мен мақалаларында, сөздерінде әркез өскелең ұрпақты тілге тиек етуі – соның айқын дәлелі.
Осыған байланысты оқыта отырып тәрбиелейміз, тәрбиелей отырып оқытамыз. Колледждегі жатақхананың тәрбие жұмысының нәтижелілігінің бір ұшы ата-аналармен, қоғамдастық пен колледждің бірлескен әрекетінде екені ешуақытта күмән туғызбайды. Қоғамымыздың іргетасын нығайту үшін бүгінгі жас ұрпаққа үлгілі, өнегелі тәрбие беру - қазіргі білім беру және тәрбиелеудегі басты міндеттеріміздің бірі.
Сондықтан да жатақхананың басты мақсаты алдымен студентке үлгілі тәрбие беру. Өйткені тәрбие дегеніміз халықтың ғасырлар бойы қалыптасқан, іріктелген тәжірибесін баланың бойына сіңіру.
Елбасымыз Н.Ә. Назарбаев «Болашақ ұрпағымызды тәрбиелегенде оларға жасайтын имандылық пен сауаттылық қасиеттерді сіңірсек, тәлім-тәрбие берсек, сонда ғана рухы дамыған, Отанның гүлденуіне өз үлесін қоса алатын азамат өсіре аламыз деген сөзін басшылыққа алған біздің жатақхана ұжымы бүгінгі таңда тәрбие жұмысын дамыту, өркендету барысында жұмыс жасауда.
Жатақханадағы тәрбие жұмысы Қазақстан Республикасының тәрбие тұжырымдамасына сәйкес құрылған, колледждің жылдық жұмыс жоспарына сәйкес жүргізіледі. Жатақханада тәрбие жұмысы топ жетекшілері, жатақхана тәрбиешісі, колледж психологы, жастар ісі жөніндегі комитетімен бірлесіп атқарылады.
Елбасымыз Н.Ә. Назарбаев өзінің Жолдаулары мен сөздеріне егемен еліміздің азаматтарын қалыптастыруда тәрбие жұмыстарының ерекше рөлі барын басып айтып келеді. «Жастарымыз салт-дәстүрімізді көздің қарашығындай бағып жүретін, көптің көкейіне үміт отын жағып жүретін, адамзаттың озық ой көгінде ағып жүретіндей болуы тиіс»,- деп, жастарға зор сенім мен үміт артып отыр.
Демек, біз тәрбие берушілер Ж.Аймауытов айтқандай, «Ұлтын шын сүйіп, аянбай қызмет қылған азаматы көп жұрт- күшті, өнерлі, білімді жұрт болып, күресте тең түсіп, басқаларға өзін елетіп отыратын» ұрпақты тәрбиелеу жолында талмай еңбектене беретініміз сөзсіз.Ендеше сол сенімді ақтап, болашағымызды жарқын қылайық демекпін.