Кітап - жан азығы.

І.Үргенішбаев атындағы орта мектебі

«Кітап – жан азығы»

әдеби сайыс

Өткізгендер: Кітапханашылар

2017 жыл

«Кітап – жан азығы»

Мақсаты: Оқушыларды сауатты сөйлеуге, өз ойын еркін жеткізе білуге үйрету,әдебиетке деген ықыласын, белсенділігін арттыру, әдебиеттің қоғам өміріндегі маңызын түсіндіру

Түрі: сайыс

Көрнекілік: кітап көрмесі, интерактивті тақтадағы слайдтар

Жүргізуші: Құрметті қонақтар, оқушылар. Бүгінгі әдеби сайысымыздың тақырыбы «Кітап – жан азығы» тақырыпта өтуде. Сайысымыз V бөлімнен тұрады.

Ойынды бастамас бұрын, ойынға әділ бағасын беретін әділқазылар алқасын жариялайық:

-

-

-

Жүргізуші:

Ал, қурметті халайық!

Сайысты енді көріңдер.

Әділқазы алқасы,

Әділ баға беріңдер!

l бөлім «Таныстыру»

(Топтың аты мен ұранымен танысу).

Жүргізуші:

Қазағымызды бүгінгі күн біле ме деп,

Еліміздің ертеңгі болашағы.

Көзі ашық, білімді болып жүре ме деп,

ІІ бөлімді бастайық. «Білімді өрге жүзер»

Оқушылар тақтада берілген әріптерді құрастырып, ақын-жазушының немесе белгілі шығарманың кейіпкерін атау керек. Нәтижесінде әр топ әріптерін құрастырғанда, әдебиеттің көрнекті өкілінің аты-жөні немесе әдеби кейіпкердің аты  шығады.

ІІІ бөлім  «Сөз тапқанға қолқа жоқ»

(Жүргізуші бастаған мақал-мәтелді жалғастырады).

1-топ:

1. Тіл тас жарады, тас жармаса … (бас жарады).

2. Оқу- білім бұлағы, білім - ...(өнер шырағы).

3. Ақыл тозбайтын тон, білім ... ( таусылмайтын көл).

4. Ақыл-таста, өнер -...(жаста).

5. Сөз тапқанға … (қолқа жоқ).

6. Жеті жұрттың тілін біл, (Жеті түрлі білім біл).

7. Әшейінде ауыз жаппас, той дегенде ... (өлең таппас)

8. Ілім-бұлақ, білім-...(шырақ).

9. Бас кеспек болса да, … (тіл кеспек жоқ).

10. Айтылған сөз, атылған … (оқпен тең).

2-топ:

1. Оқысаң озарсың,...(оқымасаң тозарсың).

2. Жеті рет піш, бір рет...(кес).

3. Жақсы сөз — (жарым ырыс).

4. Ер жігіттің екі сөйлегені- өлгені, Емен ағаштың иілгені -... (сынғаны).

5. Тіл қылыштан … (өткір).

6. Жаңылмас жақ болмас, сүрінбес... ( тұяқ болмас).

7. Жыланның уы тісінде, адамның уы … (тілінді).

8. Көре-көре көсем боларсың, сөйлей-сөйлей … (шешен боларсың).

9. Көп сөз-көмір, аз сөз -... (алтын).

10. Ойнап сөйлесең де, ... (ойлап сөйле).

Жүргізуші:

Таза мінсіз асыл тас

Су түбінде жатады.

Таза мінсіз асыл сөз

Ой түбінде жатады,- деген Асан Қайғы сөзін еске алып,  келесі ІV «Жарнама» бөлімге көшейік.

(Әр топ мектеп қорына сыйлыққа әкелген кітапқа жарнама жүргізеді)

Жүргізуші:

Кітап адам өмірінде белгілі орын алады. Әрқайсымыздың сүйікті кейіпкеріміз, ақын-жазушымыз бар.

Келесі «Кітап және мен» Vбөлімде өз ойларыңды сурет(ассоциация) арқылы білдіруге тырысыңдар.

Тренинг жүргізу.

Әділ қазыларымыздың шешімі дайын болғанша көрермендермен ойын ойнап жіберейік.

VІ бөлім «Көрермендердің көрімдігі» ойыны .

1. Бес арысты ата (Ш.Құдайбердіұлы, М.Жұмабаев, Міржақып Дулатов, А.Байтұрсынов, Ж.Аймауытов)

2. Үш бәйтеректі ата. (Ілияс Жансүгіров, Сәкен Сейфуллин, Ғабит Мүсрепов)

3. Қобыланды батырдың тұлпары…(Тайбурыл)

4. Ер Тарғынның тұлпары…( тарлан)

5. .Р.Киплингтің джунглида өмір сүріп өскенкейіпкері…( маугли)

6. Абайдың неше қара сөзі бар?(45) 

Жүргізуші:

Жарыс заңы ежелден,

Жеңімпазды анықтау.

Женімпаз болу шарты сол-

Еңбектену, жалықпау,-

дей отырып, келесі сөзді әділқазы алқасына берейік.

(Қорытынды шығарылады, топтар марапатталады).

Жүргізуші:

Пайда ойлама, ар ойла,

Талап қыл артық білуге.

Артық білім кітаптан

Ерінбей оқып көруге,-

Абай сөзімен бүгінгі сайысымызды аяқтаймыз.