Выполнение прически с применением украшений.

Технология выполнения прически с применением украшений. Виды украшений.

Вы уже знаете о суперспособностях современного учителя?

Тратить минимум сил на подготовку и проведение уроков.

Быстро и объективно проверять знания учащихся.

Сделать изучение нового материала максимально понятным.

Избавить себя от подбора заданий и их проверки после уроков.

Наладить дисциплину на своих уроках.

Получить возможность работать творчески.

=> ПОЛУЧИТЬ СУПЕРСПОСОБНОСТИ УЧИТЕЛЯ <=

Просмотр содержимого документа
«Выполнение прически с применением украшений.»

Алматы сән және дизайн колледжі

Өндірістік тәжірибе

Тақырыбы: Әшекей бұйымдарды қолданып шаш сәнін орындау .

Ө/о шебері: Тұрсынғалиқызы А.

Алматы, 2020ж.

Сабақтың мақсаты:

Әшекей бұйымдарды шаш сәніне

дұрыс таңдап, үйлесімді етіп

орналастыруды үйрену.

Қандай да бір шаш үлгісін орындаған кезде, шашты қатырғыш құралдарынан басқа, біз әшекейлер мен қосымшаларды қолданамыз. Олар қандай да бір нюансты немесе шаш бағытын көрсету үшін арналған. Әшекейлер арқылы шаш үлгісі мен мақсатын ескере отырып, оны көркемдеп және сәнді етіп безендіруге болады. Сонымен қатар шаш сәнін әшекейлермен артық жүктеуге болмайды, өйткені барлық назар шаш сәнінен ауытқып кетеді.

Әшекей - киімді, тұрмыстық бұйымдарды безендіруге пайдаланылатын, сәндік үшін жасалынатын бұйымдар және зат, бұйымның бетіне салынатын ою-өрнек, түрлі нақыштар,тастар.

Әшекейлер әртүрлі бағытта топтастырылады: үйлену, кешкі, күнделікті, дискотекалық. Әшекейлердің түрлі түстері мен пішіндері бар, сондықтан оларды киім, бет-әлпет немесе макияж түсіне байланысты таңдауға болады. Әшекейлерді шпилькалардың, невидимкалардың, заколкалардың, ленталардың, тарақтардың (гребень) және резеңкелердің көмегімен бекітеді. Олар інжу, гүлдер, жапырақтар түрінде болады.

Кез-келген аруды нәзік, сәнді әрі әсем етіп көрсететін әшекейдің бірі - шашқа арналған ободок. Бұл әшекей өткен жылғы жаз маусымының трендіне айналып, міне, биыл да сәнге оралды. Неліктен? Біріншіден, өзінің сәнділігімен кез келген сәнқойдың жүрегін жаулап алары хақ. Екіншіден, әрбір нәзік жандыға қажетті сән атрибутының біріне айналған.

Жаз маусымында қыздар гүл принті бар киімдер, гүлді-гүлді әшекейлер таққысы келеді. Сондықтан шаштараз сәнгерлері гүлден жасалған ободоктардың әртүрлі нұсқасын ұсынады. Суреттегі ободок кішігірім гүлдермен әрленіп, үлкен етіп жасалған. Ол көбіне бас пішіні кішірек, сопақтау келетін қыздарға жарасымды.

Ал мына суреттегі ободок орташа көлемде жасалған. Ободоктың бұл түрі кез- келген аруға жарасымды келеді. Сол себепті еш күмәнсіз алуыңызға болады. Суреттегі көк және ақ түсті моншақтар көздің жауын алады. Бұл әсем түстердің үйлесімі сәнқой аруымызды одан сайын нәзік, кербез етіп көрсетері сөзсіз.

Толықтырулар негізінде постижерлық бұйымдарды да қолдануға болады. Олар жасанды және табиғи шаштан жасалады. Постижерлық бұйымдар тамбурлеу немесе трестеу әдісімен орындалады, сондай - ақ оларды БФ-6 медициналық желімімен арнайы пішіндер жасап қатыруға болады. Сонымен қатар, оларды түрлі түстерге бояуға, не болмаса қажетті әр түрлі реңктерді жай ғана араластыру арқылы сәнді шаш бояу түрін алуға болады. Егер клиенттің шашы жұқа болса, онда постижерлық бұйымдарды қосу арқылы шаш сәнін әсемдейміз

Сонымен қатар постижерлық әшекейлер шаш сәнін толығымен ауыстыратын бұйым сияқты да жасалады. Олар түйреуіштер мен тарақтарға бекітіледі, резеңкеге бекітуге болады. Ең бастысы, баста жақсы орналасса болғаны. Постижерлық бұйымдарды дайындау кезінде әр түрлі стразалармен, жылтырлармен немесе әшекейлермен безендіруге болады.

Шашқа арналған әшекейлер кез - келген әйелдің сұлулығын ерекшелендіруге мүмкіндік береді. Тарихқа шолу жасасақ, шаш сәні үшін көптеген әшекейлерді айтуға болады. Бұл - Витта-лента. Рим әйелдері басын ораған.

Тарақ (гребень) - сүйектен, мүйізден, ағаштан, металдан және пластмассадан жасалған әшекей. Диадема - қымбат бағалы металдан жасалған лента түріндегі әшекей, әдетте қымбат бағалы тастардан жасалынып, маңдайшаның ортасынан жоғары иіліп тұрады, және салтанатты кештерге қолданылады. Заколка - сәндік зат, шашты шаш сәнінде ұстатуға арналған. Сымнан немесе пластикалық металдан жасалады, декоративті таспен безендіріледі.

Кокошник - бас киім ретінде жасалған әшекей, металл лентамен, ою-өрнекпен немесе тірі гүлдермен әшекейленген венец. Үйлену той рәсімдері кезінде киіледі. Бұрым - табиғи және жасанды шаштардан жасалады. Шаш үлгісіне барлық дәуірде қолданған танымал бұйым. Либель-көлемді шашқа арналған арнайы заколка .

Парик-табиғи шаштан немесе оларға жақын материалдан жасалады. Сондай-ақ қосымша ретінде: шиньондар, жіптер, жапсырма бұйралар, өрілген шаштар, кекілдер қолданылған.

2019жылы француз сәнгерлер тобы табиғи түрге ие, постижерлық бұйымдарының коллекциясын ұсынды. Тіпті озінің табиғи шашынан айырмашылығы болмаған. Сәндік әшекейлер - бұл шаш сәнінің алмастыруға келмейтін бөлшектері. Көптеген шаш сәндеріне әшекейлерді, қосымшаларды пайдаланбай-ак қойса болады, бірақ қолданған жағдайда шаш сәні мүлдем басқа көрініске ие болады.