"Тропикалы? жемістер"

Тақырыбы: Тропикалық жемістер.

Мақсаты: Балалардың сезім мүшелерін дамыта отырып, жемістер туралы түсінік қалыптастыру.

Міндеттері:

Түзете - білімділік. Балаларды мүмкіншілігіне қарай жеміс атауларын атауды және олардың пішінін, көлемін, түсін, иісін, дәмін ажырата білуге үйрету. Оның ішінде тропикалық жемістермен таныстыру.

Түзете – дамыту. 1. Жемістерді сезіне отырып, зерттеу әдістеріне жаттығу.(Қарастыру, басу, сипау,иіскеу, дәмін тату). 2. Есту сақтау, бақампаздық, ойлау қабілеттерін дамыта отырып, сөздік қорын молайту.

Түзете – тәрбиелеу. Ұқыптылыққа, тазалыққа, салауатты өмір салтына тәрбиелеу.

Әдіс – тәсілдер: түсіндіру, сұрақ – жауап, әңгімеле, ойын ойнау,сергіту сәті, тосын сый.

Көрнекіліктер: табиғи жемістер, муляждар, суреттер.

Сабақ барысы

1. Ұйымдастыру кезеңі

Сәлемдесу.

Арайлап таң атты,

Алтын сауле таратты

Күндей күліпдеп, бүгінгі сабағымызды бастаймыз!

Балалар, бүгінгі сабағымызды жұмбақпен бастағым келіп тұр.Жұмбақтың шешуін табыға тырысыңдар?!

Аспай түскен,

Қайнамай піскен. Ол не екен? (жауабы жеміс- фрукты)

• Дұрыс, балалар! Жемістер екен.

1. Өткен сабақты қайталау

• Өткен сабағымызда біз жемістер тақырыбына тоқталдық.

• Балалар, жемістер дәрумендерге бай, денсаулыққа,адам ағызасына тигізер пайдасы мол.Біз жемістерді көп жесек, ауырмай үлкен болып өсеміз. Жемістер бізге үлкен еңбекпен келеді.Олар бау – бақшада немесе орманды алқаптарда өседі. Біз оларды егеміз, суарамыз, баптап күтеміз, піскеннен кейін жинаймыз. Жеміс бұрын оларды жақсылап жылы сумен жуып, сүртіп жеу керек.

• Балалар, сендер қандай жеміс түрлерін білесіздер?

• Тақтадағы суретпен жұмыс.

Алма -яблоко, алмұрт-груша,жүзім - виноград, анар -гранат.

Муляждармен жұмыс.

Жемістердің пішініне, түсіне, көлеміне тоқталу.

Негізгі бөлім.

Жаңа сабақты түсіндіру.

Сабақ тақырыбы: Тропикалық жемістер.

Тропикалық жемістер деп алыс, бізге көрінбейтін, ыстық елді мекендерден жеткізілетін жемістерді айтамыз.

А) Атауларына тоқталу

Тақтамен жұмыс.

Банан – сары қисық, лимон – лимон, апельсин – апельсин, киви –киви.

Б) Муляж арқылы пішініне, түсіне, көлеміне тоқталу.

Апельсин – домалақ, қызғылт - сары, сырты қатты.

Банан – ұзын қисық, сары, сырты жұмсақ.

Лимон – сопақша, сары, сырты қатты.

Киви – сопақша, қанық жасыл, жұмсақ, сырты жұмсақ

Тосын сый.

Есік қағылып биылғы жылдың нышаны мешін келеді. Мешін досымыздың қолында табиғи жеміс толы себеті бар екен.(Мешіннің сөзі).

В) Балалар, табиғи жемістер арқылы сендермен бірге саусақпен басып, иіскеп тропикалық жемістерді қысқаша зерттеп көрейік.

Г) Ойын «Дәмін тат, атын ата!»

Балалар, мен сендер тропикалық жемістердің дәмін татып көрейк! (Ереже!!!)

Майлықты біз тағамыз.

Даруменге толы,

Жемістерді жейміз.

Дайын, кесілген жемістерді жегізу.

Апельсин – кышқыл тәтті, шырынды.

Киви – тәтті, жұмсақ.

Лимон – қышқыл, шырынды.

Банан – тәтті, жұмсақ.

Сергіту сәті

Бау –бақшаға барамыз

Жемістерді жинаймыз

Ең дәмдісін, тәттісін

Досымызға сыйлаймыз

Жаңа сабақты бекіту.

Ойын «Бөлігін тап»

Ағаш жемістердің бөлігін тауып жабыстыру.

Сонымен балалар, біз бүгін қандай жемістермен таныстық?

Қорытынды

Рефлексия /Әмбебап ағашы/

Апельсин – сабақ қызықты өтті

Киви – сабақта бәрі дәмді болды.

Лимон – бұл сабақ есте қаларлықтай болды.

Банан – сабақтан аларым көп