- Жарайсыңдар, балалар. Енді бір-біріміздің алақандарымызды ұстап, алақандарымыз қандай жылы болса, сондай жылы лебіздерімізді бір-бірімізге білдірейік.
-Аспанымыз ашық болсын!
- Елімізде тыныштық болсын!
- Күніміз жарық болсын!
-Деніміз сау болсын!
- Балалар, айтқан тілектерің қабыл болсын! Бүгінгі күндерің сәтті өтсін! Барлығымыз әдемі, түзу отырайық, көтеріңкі көңіл-күймен сабағымызды бастайық.
ІІ.Жаңа сабақ
Сұрақ-жауап:
Балалар, қазір жылдың қай мезгілі?
Қазір көктем мезгілі.
Көктемнің айларын атаңдар.
Наурыз, сәуір, мамыр.
Қазір қай ай?
Мамыр айы.
Біздің тобымыз қалай аталады?
Бізде қандай пәндер оқытылады?
Дұрыс, балалар біз қыркүйек айынан бастап мамыр айына дейін осы пәндерден білім алып келдік. Енді жазғы демалысқа шығамыз. Бізді бүгін осы «білім әлемі» қонаққа шақырып жатыр. Осы тоғыз ай бойы қандай білім, тәрбие алды, не үйренді екенін тексеріп көреміз дейді. Барамыз ба?
Әрине, барамыз.
Ендеше қонақтарға тек қана жақсы білімімізді көрсетейік, келістік пе?
Музыка ойналады.
Слайд 1.
Балалар, міне біз «Айналамен таныстыру» әлеміне келдік.Қақпа жабулы тұр екен. Бұл әлемге кіру үшін бізге тапсырма беріліпті. Сол тапсырманы орындасақ қақпа ашылады.
Конверт ішіндегі тапсырма: «Табиғат туралы тақпақ айтып бер»
Балалар, өткен тақырыптар бойынша сабағымызды қайталаймыз.
( Әр балаға бір-бірден парақ беріледі. Парақтарда суреттер бар, сол суреттерді бір сөзбен «Үй жануарлары», «Киімдер», «Құстар», «Дене мүшелері», «Көліктер», «Жабайы жануарлар» деп атауы керек.)
-Жақсы, балалар, «Айналамен таныстыру» пәнінен өз білімдеріңді көрсете білдіңдер.
- Енді, балалар, «Математика» әлемі саяхатқа шақырып жатыр.
Музыка ойналады.
Слайд 3. Қақпа есігі (тесік)
Ой, ой, ой балалар, қақпа тесіліп қалыпты ғой. Бұны кім істеуі мүмкін?
Енді не істейміз?
Жамап береміз.
Қараңдаршы, бұл тесіктер неге ұқсайды?
Геометриялық пішіндерге.
Олай болса, геометриялық пішіндермен тесіктерді жамап береміз.
4. Жоғарыда – төменде, үстінде – астында.(Сурет құрастыру.)
5.Ұзын-қысқа.(Салыстыру: қызыл қалам – ұзын, көк қалам – қысқа.)
- Жарайсыңдар, математика пәнінен де білімдеріңді жақсы көрсеттіңдер.
Музыка ойналады.
Слайд 5. Қақпа. «Ұсақ-қол моторикасы» бөлімі. Қар жауып тұр.
- Ой, бұл жерде қар жауып тұр ғой. Балалар, қар түйіршектерін дұрыс үрлеп тыныс алу жаттығуларын жасасаңдар қақпа ашылады.
Тыныс алу жаттығуы «Қар жауды». Мазмұны: Бұл жаттығу барысында мақтадан домалақтап немесе жұлып-жұлып «қар түйіршектерін» жасаймыз. Бала «қар түйіршегін» дұрыс үрлеуі керек.
Қар ұшқыны аспанда
Қиыршықтап ұшады
Қанатты аппақ құстардай,
Жердің бетін құшады.
Слайд 6. Қақпа ашылады.
Тапсырмалар:
«Сақина» (Бас бармақпен басқа саусақтарды біріктіре отырып кезекпен сақина жасау).
Фонарь» (Алақанды ашып-жұму, екі қолды кезекпен және бірге жасау).
«Есеп» (Саусақтарын бір-бірлеп ашып 10-ға дейін ретімен санау.)
Сергіту жаттығуы:
Ал, балалар, тұрайық,
Үлкен шеңбер құрайық.
Алақанды соғайық.
Оң жақтағы балаға,
Шапалақты соғайық.
Сол жақтағы балаға,
Шапалақты соғайық.
Жоғары-төмен қарайық,
Орнымызды табайық.
Музыка ойналады.
Слайд 7. Қақпа. «Бейнелеу терапиясы»
Дидактикалық ойын: «Өз түсіңді тап».
Балалар, сендердің алдарыңда үш гүлсалғыш тұр. Олардың түсі қандай болса, дәл сондай түсті гүлдерді (түймедағы) жинап салуларың керек.
Слайд 8. Қақпа ашылады.
Тапсырма:
Алақанмен бейнелеу: «Табиғатты аялайық» ( Балалар ортада табиғат бейнеленген үлкен ақ қағаздың жан-жағын алақандарын бояуға малып бастырады.)
Аспанымыз ашық болсын!
Ауамыз таза болсын!
Суымыз мөлдір болсын!
Табиғатымыз аман болсын!
ІІІ. Қорытынды:
- Бүгінгі саяхатымыз сендерге ұнады ма?
- Балалар, жыл бойы сабақтан қалмай қатысып, айналаны қоршаған табиғатпен танысуға, жазу үйренуге, тақпақ жаттауға, сурет салуға белсене қатысқандарын үшін алғысымды білдіріп мақтау қағаздарымен марапаттауға рұқсат етіңдер.
