Сабақ тақырыбы:
Демалыс үшін не қажет?
Мектеп: №2 орта мектеп
Күні : 07.12.16ж.
Мұғалімнің есімі: Улыкпанова Н.
СЫНЫП: 1 «Е» сынып
Қатысқандар саны: 23
Қатыспағандар саны:
Оқу мақсаты:
Барлық оқушылар:адамның өсуіне және дамуынакерек қажет тіліктерді анықтау;
Оқушылардың басым бөлігі: қоршаған ортақұбылыстарына бақылау жасау.
Кейбір оқушылар: жаңа сабақта алған білімдерін өмірде қолданады.
Ресурстар:
оқушылардың жазғы демалысындағы фотосуреттері;
оқушының бір күнінің негізгі кезеңдері көрсетілген суреттер, АКТ, А3 қағазы, слайдтар
Күтілетін нәтижелер:
Оқушылар:
ұйқының маңыздылығын түсінеді;
қысқамерзімді үзіліс кезінде, демалыс күндері және каникул уақытында қалай демалу қажеттігін біледі;
“Күн тәртібі” түсінігімен танысады және өзінің күн тәртібін құрастыра алады.
Сабақтың мақсаты:
1.2.3.3 адамның өсуі мен дамуы үшін керек қажеттіліктерді анықтау
Сабаққа байланысты деректі материалдар
Сабаққа қатысты ескертпелер
Адамдар демалудың маңыздылығын дұрыс ба ғаламайды. Балаларды дұрыс демалуға үйрету керек.
Мектептен шыққан соң бірден сабақ оқуға болмайды. Түскі астан кейін шамалы демалу керек, тек содан кейін үй тапсырмасын орындауға кірісуге болады.
Арасында үзіліс болу қажет. Әр жарты сағаттан соң он минуттық үзіліс жасап,
іс-әрекетін өзгертіп отыру керек. Мысалы: қозғалу, тіпті ыдыс жуып, еден сыпыруға болады.
Демалыс кезінде баланың барлық уақытын диванда немесе компьютер алдында өткізбеуін қадағалау керек. Төменгі сынып оқушылары компьютер алдында күніне 30 минуттан артық отырмағаны жөн. Оның орнына өз құрдастарымен бірге уақыт өткізіп, кітап оқып, қимылға құрылған ойындар ойнау пайдалы.
Бос уақытты отбасымен бірге өткізген дұрыс. Саябақта, хайуанат бағында серуендеп, ойын-сауық орталықтарына баруға болады. Ұйқының маңызын елемеуге болмайды. Таңертең ерте тұру үшін оқушының сағат 22.00-ден кешікпей ұйықтауын ата-аналары қадағалауы керек. Жалпы, ұйқы 8 сағаттан кем болмауы тиіс. Күн тәртібі — ағзаның қалыпты қызметінің негізі. Ол уақыттың сағат бойынша дұрыс реттелуі: ұйқыдан тұру және түнгі ұйқы, тамақтану, жұмыс істеу және тынығу, дене жаттығуымен шұғыл дану, жеке бас гигиенасы және т.б. Күн тәртібін сақтамайтын адамдар өз денсаулығына зиян тигізеді.
Басқа жаққа қоныс аударғанда, жұмыс орнын ауыстырған кезде немесе жұмыс уақытын ауыстыр ғанда күн тәртібінде өзгерістер болуы мүмкін.
Алдын ала оқушыларға жазғы демалыс уақытында түскен суреттерін әкелуді тапсырыңыз. Кейбір оқушыларға “Менің жазғы демалысым” атты презентация жасауды тапсыруға болады.
Кіріспе тапсырма. Фотосуреттерін немесе жазғы демалысының презентациясын көрсетуін сұраңыз.
Демалыс не үшін керек?
Қай уақытта адам демалу керек?
Көп жұмыс істегенде Шаршағанда Күш жинау үшін
- Адам қалай демалады?”
Oқушылар: “Серуендеп, ойын-сауық орталықтарында демалуға болады” деп жауап беруі мүмкін.
Демалу. Оқушыларды топтарға бөліңіз. “Сендер мектептен келдіңдер. Үй жұмысын қалай және қашан орындайсыңдар?” деген сұрақ қойыңыз. Жауабын кішкене қойылым ретінде көрсетуін ұсыныңыз. Мектеп ауласында немесе сыныпта жеткілікті болатындай орын.
Демалыс. Суретке назар аударыңыз. Сіз тұратын аймақта қалай демалуға болады: отбасымен барып демалатын тау, орман, өзен немесе көл бар ма? Немесе саябақтар, хайуанат бағы, ойын-сауық орталықтары бар ма?
Осыған байланысты оқушыларға демалыс немесе жазғы каникул уақытында отбасымен қалай демалуға болатыны туралы кеңес беріңіз.
Ойлан!
“Ұйқысы қанбаған балалар мектепке бара жатыр (сабақта отыр, тақтада жауап беріп тұр және т.б.)” атты пантомима көрсетуін ұсыныңыз. Қысқаша сұрақ-жауап ойнауды ұсынуға болады:
Тапсырманы кім бірінші орындайды — сергек бала ма әлде ұйқысы қанбаған оқушы ма?
Жүз метрлік қашықтықты кім тезірек жүгіріп өтеді?
Кім жаңа тақырыпты тезірек меңгереді?
Оқушылар нешеде түнгі ұйқыға жатуы керек?
Оқушылар кемінде 8 сағат ұйықтау керектігін және сағат 22-ден кеш қалмай ұйқыға жатқан дұрыс екенін білуі керек.
Ұйқы кезінде ағзаның жаңа күнге қажетті күш жинайтынын түсіндіруіңіз керек.
Жауабы:
Ұйқысы қанбаған оқушы сылбыр, тез шаршағыш, зейіні шашыраңқы болады. Кей жағдайда оқушылар тіпті сабақ үстінде ұйықтап қалады.
Егер баланың ұйқысы үнемi қанбаса, өсуі нашарлайды, тәбеті бұзылады.
Зерттейік. Топтық жұмыс
Күн тәртібі. (топтарға күн тәртібіне байланысты суреттер беріледі. Сол суретттерді дұрыс орналастыруы қажет)
Оқушылардан кім күн тәртібін сақтайтынын сұраңыз. Бұл сөздің мағынасын қалай түсінетінін нақтылаңыз.
“Сабаққа байланысты деректі материалдарды” қолдана отырып түсіндіріңіз.
Пәнаралық байланыс
Қосымша тапсырмалар
Дүниетану. Отбасылық демалыс.
Сен білесің бе?
Оқушылардан қайсысы өздерінің көрген барлық түстерін есінде сақтайтынын сұраңыз. Әдетте ең қызықты түстер ғана есте қалатынын айтыңыз. Көрген түстерінің ең жақсысының суретін салуға ұсыныс жасаңыз.
Оқушыларға алдағы жазғы демалысты елестетіп, қиялдап көруді ұсыныңыз. Олар оны қалай өткізгісі келеді? Осы сабаққа байланысты кейбір оқушылар өз ойын өзгертіп, белсенді отбасылық демалысты елестетуі мүмкін. Бұл тақырып бойынша сурет салуды тапсырыңыз. Сыныпты топтарға бөліп, сөз тіркестерін оқыңыз, ал топ мүшелері оның пайдалы не зиянды екенін айтып, түсіндіреді:
егер бала жаттығу жасаса, …
егер бала суға түсіп, күнге қыздырынса, …
егер ол күн тәртібін орындаса, …
егер ол таза ауамен тыныстамаса, …
егер бала қолын жумаса, …
егер бала уақытында тынықпаса, ….
Бағалау
Оқушылар күн тәртібін сақтаудың маңыздылығын түсінеді.
Дәптермен жұмыс
24-жұмыс парағы. Күн тәртібі.
Сенің күн тәртібің. Таңертеңгілік және күндізгі уақытқа қандай іс- әрекеттер тән екенін нақтылаңыз. Оқушылар өзінің күн тәртібіне сәйкес суреттерді бояйды. Бос ұяшықтарға суретте бейнеленбеген іс-әрекеттерді салады.
25-жұмыс парағы. Күн тәртібі.
Сен қалай демаласың? Бұл тапсырма алдыңғының жалғасы болып келеді.
Оқушылардың іс-әрекеттерді шатастырып алмауын қадағалаңыз, мысалы, таңертең және күндіз қалай демалған жақсы екенін нақтылаңыз.
Қорытынды бағамдау
Қандай екі нәрсе табысты болды (оқытуды да, оқуды да ескеріңіз)?
1: Оқушыларды сабақтың әр кезеңінде бағалау.
2: Дарынды және үлгерімі төмен оқушылардың ерекшелігіне көңіл бөлу.
Қандай екі нәрсе сабақты жақсарта алады ( оқытуды да, оқуды да ескеріңіз)?
1: Сабақтың нәтижесіне көңіл бөлу.
2: Рефлексия.
Сабақ барысында мен сынып немесе жекелеген оқушылар туралы менің келесі сабағымды жетілдіруге көмектесетін не білдім ?
Пәнаралық байланыс
