Просмотр содержимого документа
«Жабайы жануарлар.»
«Ыбырай Алтынсарин атындағы орта мектеп мектепке дейінгі шағын орталығымен» мемлекеттік мекемесі
Сабақтың тақырыбы:
«Жабайы жануарлар»
(ашық сабақ)
Мұғалім : Уразметова Р
Сабақтың тақырыбы:Жабайы жануарлар
Ұйымдастырылған оқу іс- әрекетінің әдіс- тәсілдері: Көркем сөз, әңгімелеу, көрсету, түсіндіру, сұрақ - жауап, жұмбақтар жасыру, ой қозғау, ойын, қорытындылау. Көрнекіліктер: Тордағы қасқыр, аю, түлкі, жұмсақ ойыншық, жолбарыс, арыстан, ертегідегі магнитті жабайы аңдар суреті, хайуанаттар бағының безендірілуі, бетперделер. Сабақтың түрі: Саяхаттау, жаңа білімді беру. Пәнаралық байланыс: Көркем әдебиет, математика, ән - әуез. Алдын ала жүргізілген жұмыс: Ертегілер айту, жұмбақтар жасыру, аңдар туралы тақпақтар жаттату. Сөздік жұмыс: Хайуанаттар бағы, овчарка тік құлақ, жыртқыш. - Балалар, бүгін ерекше күн. Біздің сабағымызға қатысу үшін қонақтар келіп отыр, қонақтармен сәлемдесейік. - Балалар, мына өлеңді тыңдайықшы Табиғатты қолдай біл Аң құсын да қорғай жүр Білуіміз керек оны біз Бізде табиғаттың ұлымыз Табиғат бөлек демеңіз Сол үшін жауап береміз.Табиғаттың арайлансын ажары Болмаса екен тартар оның азабы Табиғатқа тазалықты тарту ет Тарқамасын аң мен құстың базары Балалар, бұл өлеңде не туралы айтылған екен? - Табиғат туралы - Қане барлығымыз қайтадан қайталап жіберейікші. Балалар, табиғат дегеніміз не екен? Ол бізді қоршаған орта, табиғатсыз ешқандай тіршілік жоқ. Ол барлық тіршілік иелерінің ортақ үйі, табиғаттың бізге берер сыйы да көп. Олай болса бүгінгі айналамен таныстыру сабағында осы табиғаттың тіршілік иелерінің бірі жабайы аңдармен танысамыз. -Нелермен танысамыз? - Жабайы аңдар қайда болады? - Балалар, адамдар жақыннан көру үшін, танысу үшін хайуанаттар бағында да жабайы аңдар болады екен. Сол хайуанаттар бағына барғыларың келе ме? - Хайуанаттар бағы дегеніміз не екен? Ол- үлкен бақ. Онда тек жабайы аңдар ғана емес жан - жануарлардың көптеген түрлері, құстардың әр түрлісі арнайы торларда ұсталады. Біз оның барлығын аралап тауыса алмаймыз. Біз тек қана өзіміз ертегілерде естіп жүрген, теледидардан көріп жүрген жабайы аңдарды ғана көріп тамашалаймыз. Хайуанаттар бағында барлығы қайда тұрады? - Оларды неге торларда ұстайды? Өйткені олар қауіпті жыртқыш аңдар. Қандай аңдар екен? - Жыртқыш аңдар (Хайуанаттар бағындағы балалардың қауіпсіздігін айтып ескерту.) Қане, балалар, хайуанаттар бағына баруға жиналайық. Балалар, қайда бара жатырмыз? - Хайуанаттар бағына - Балалар қараңдаршы мынау қандай аң? - Қасқыр (Бұл сұр түсті қасқыр деп аталады) - Балалар, қасқыр неге ұқсайды? - Итке - Тамаша! Тік құлақ, қара ауыз овчарка итіне ұқсас екен. Қандай итке ұқсайды екен? - Құлағы қандай пішінге ұқсас деп ойлайсыңдар? - үшбұрыш - Қасқыр - күшті, батыр, ержүрек, ақылы да айласы да бар өте қауіпті жыртқыш аң. - Ал аяқтары ұзын болады екен? Олар далада қоректенеді: жан - жануарлармен, құстармен. Үй жануарлары кездесе қалса, ұстап жеп қояды. Ал мынау қандай аң екен? - Аю - Түсі қандай екен? - Сұр - Бұл қоңыр аю деп аталады. Қасқырға қарағанда аю үлкен бе кіші ме? - Үлкен Аю икемсіз жыртқыш аң . - Аюлардың қорегі: судан балық аулап, жидек теріп, және құстарды аулап жейді. Аюдың терісі, еті бағалы емдік қасиеттері бар деп есептеледі. Аюлар қыс бойы ұйқыда жатады. Балалар, қараңдаршы, қандай әдемі?! Бұл қандай аң екен? - Түлкі- Түлкінің түсі қандай? - Қызыл Түлкінің денесі қасқырға ұқсас болып келеді, бірақ қасқырға қарағанда тұмсығы ұзын ба қысқа ма? - Ұзын және сүйріктеу(қайталау) Түлкінің терісі бағалы жыртқыш аң. Қазақтың атақты бас киімі «Тымақ» осы түлкінің терісінен тігіледі. Оны «Түлкітымақ» деп те атайды. Түлкінің қорегі: түрлі құстарды, құстың жұмыртқасын, балық аулап жейді. Ал мынау қандай аң екен? - Жолбарыс - Жолбарыс неге ұқсайды екен? - Мысыққа - Жолбарыс та өте күшті, жылдам жүгіретін жыртқыш аңдардың бірі. Түсі қандай екен? - Сұры және қара жолақтары бар. Ал жолбарыстың құйрығында қандай айырмашылық бар екен? - Ұзын - Жолбарыс жан - жануарлардың, аңдардың етімен қоректенеді. Ал енді, балалар, мынау қандай аң екен? - Арыстан - Арыстан неге ұқсас? - Мысыққа - Бұл да мысық тұқымдас, ең ірі әрі күшті жыртқыш аң. Арыстанның басы денесіне қарағанда қандай екен? - Үлкен - Арыстанды ертегілерде, аңыздарда не деп атайды? - Аң патшасы «Аң патшасы» ол - аңдардың үлкені, мықтысы дегенді білдіреді. Ол да жан - жануардың етімен қоректенеді. Ал ,балалар, осы торда тұрған кезде бұл аңдар немен қоректенеді? Оларды адамдар тамақтандырады. Сендер аңдардың алдарында тұрған ыдыстарды көрдіңдер ме? Сол ыдыстармен тамақ береді, күтіп бағады, ауырса емдейді. Олардың арнайы адамдары болады. (Балалар топқа келеді) Балалар сендер қайда бардыңдар? - Хайуанаттар бағына - Онда қандай аңдарды көрдіңдер? Жұмбақ жасыру:Өзі бір қу Жүрген жері айқай мен шу. (Ертегілердегі түлкі суретін тауып, тақтаға іледі) Балалар түлкі туралы не білесіңдер? - Түлкіні қандай ертегілерде кездестірдіңдер? - Түлкі жайында қандай тақпақ білеміз? Келесі жұмбақ: Сұр түсті Ақсиған көп тісті. Қыс бойына жатады Тәтті ұйқыға батады. Тарғыл түсті Ерен күшті. Қанжардай тісі бар Суық үрейлі түсі бар. (Балалар жұмбақты шешіп, суретін тақтаға іледі)Өте тамаша! Балалар, бұл аңдар ертегілерде, мультфильмдерде мейірімді, қайырымды болып келуі мүмкін. Бірақ бұл аңдар бір сөзбен айтқанда - жабайы жыртқыш аңдар. Қандай аңдар екен? - бірақ жыртқыш аңдар екен деп бұларды көп аулауға болмайды, азайып кетеді. Ойын:«Әуеніне сәйкес қимылын тап» Ойын шарты: аю, түлкі, қасқыр, бетперделерін киген балалар әрқайсысы өздерінің әуендеріне сәйкес қимылын салады. Қорытындылау : Балалар, бүгін бізде қандай оқу іс- әрекеті болды? - Айналамен таныстыру - Біз қайда болдық? - Онда нелермен таныстық? - Жабайы аңдармен - Сендерге сабағымыз ұнады ма? - Балалар, сендерге көп - көп рахмет! Күтілетін нәтиже: Білуі : Аңдарды бір - бірінен ажырата білу. Меңгеруі: Жабайы жыртқыш аңдар туралы толық мағлұматты меңгерту. Жасай алуы: Көру, есту, түсіну арқылы өз беттерінше іс- әрекет жасай алу Бағалау Топ басшылары бағалайды. Үйге тапсырма: Жабайы жануарлар оқу суретін салу.
Жабайы жануарлар
Оқу іс - әрекетін ұйымдастыруға арналған технологиялық карта Тобы: №1 «Балапан» ІІ кіші топ
Білім беру саласы: Қатынас, Таным, Экология, Бөлімдері: Тіл дамыту, ҚМТҚ, Қоршаған орта Тақырыбы: «Жабайы жануарлар» Мақсаты: Әр аңның атын, балаларын ажыратып дұрыс атауға, жаттықтыру және олардың тіршілік ететін ортасы туралы түсініктерін бекіту. Жабайы аңдарға байланысты көрнекіліктер пайдалана отырып, балалардың ой – өрісін дамыту. Балалардың аңдарға деген сүйіспеншілік сезімдерін арттырып, оларға қамқорлықпен қарауға тәрбиелеу. Іс - әрекет кезеңдері Тәрбиешінің іс - әрекеті Балалардың іс - әрекеті Мотивациялық Қозғаушы Балалар біздің балабақшамызға қонақ апайлар келіпті кәне амандасайық! Балалар кеше сендерге орманға саяхатқа шығатыны алдын ала хабарладым ыңғайлы киімдеріңді киіп келіңдер деп. Жарайсыңдар киініп қол сөмкелеріңді әкеліпсіңдер. Ендеше кәне жолға шығайық. Шаттық шеңбері: Күннің көзі ашылсын! Көкке шуақ шашылсын! Құтты қонақ келіпті, Төрімізге еніпті, Сәлеметсіздер ме қонақтар! (Саяхатқа шығатындарына қуанады) Киімдерін жол сөмкелерінің дайын екендігін көрсетеді. Іздену ұйымдастырушы Міне балалар орманға да келіп жеттік қараңдаршы орманда ағаштар көп екен. Орманда балалар нелер мекендейді? Дұрыс айтасыңдар балалар! Орманда міне әдемі саңырауқұлақтар да бар екен. Балалар тыңдаңдаршы бір дыбыс естілетін сияқты. Біреу ақырып жатыр кім екен? Аю екен балалар. Аюдың қолында балы бар екен. Аю бал жиді екен. Аю өзімен бірге ойын әкеліпті кәне қарайын. Жұмбақ 1) «Ұзын құлақ көзі қыли, қорыққан сайын секіреді ылғи». 2) «Төрт түліктің қас жауы, түзде жүрген көк сері» 3) «Құйрығы бұлаң бұлаң етеді, барлығын алдап кетеді.» 4) «Қыс бойына жатады, тәтті ұйқыға батады». Балалар дұрыс таптыңдар жарайсыңдар! Балалар орманда тағы қандай аңдар жүреді? Дұрыс айтасыңдар! Міне секіріп, секіріп Қоян да келе жатыр екен қараңдаршы. Балалар қоян не жиді? Қоян сендердің ойын жақсы көретіндеріңді біліп мынадай ойын әкелген екен.«Аңдардың балаларын тап» (шарты: әр аңның балаларын аттарын атап, аналарының қасына қою) Жарайсыңдар балалар қоянның да ойынын ойнадық. Балалар тыңдаңдаршы ұлыған дыбыс шығып жатыр. Орманда ұлитын қандай аң? Қасқыр қолында бір ойыны бар екен «Аңдардың жүрісі» Ормандағы ағаштарды, саңырауқұлақты көреді, танысады. Орманда аңдар қасқыр, түлкі, қоян, аю. т/б жабайы аңдар өмір сүреді. (Ақыратын аю екенін табады) (Аю шығып озін таныстырады) Жасырылған жұмбақты мұқият тыңдап жауабын табады.
1) «Қоян» 2) «Қасқыр» 3) «Түлкі» 4) «Аю»
Орманда Түлкі, Қасқыр, Қоян бар. (осы кезде Алина қоян секіріп секіріп шығып таныстыру тақпағын айтады қолында сәбізі бар.) Сәбіз жиді. Қоянның ойын тапсырмасын орындайды.. Аю – қонжық, Қасқыр - бөлтірік, Түлкі - мыршай, Қоян - көжегін тауып аналарының қасына орналастырады. Достасып балалармен бірге жүреді Балалар назарларын дыбысқа аударады. Қасқыр ұлиды. (қасқыр Нұрбақыт у - у - у - ыр - ыр – ыр етіп келеді өзін таныстырып тақпағын айтады. Қасқырдың ойынын ойнайды) Рефлексифті Коррекциялаушы Балалар ағаш арасымен жортып келе жатқан мынау қандай аң? Дұрыс айтасыңдар балалар «Түлкі» Кәне балалар түлкіні тыңдайық бізге не айтады екен. Өзімен бірге ойын да ала келіпті. «Өз түсіңді тап» Жарайсыңдар балалар! Біздер ормандағы аңдарды көріп таныстық, ойынын ойнадық. Аңдарға рақмет айтып қоштасайық. Біздің бақшамызға қайтатын уақытымыз да таяп қалды. Кәне қоштасайық! Балалар «Түлкі» (Түлкі майысып өзі туралы тақпағын айтады. өзімен бірге әкелген ойынды ойнатады)
Балалар өз түстеріне байланысты отырады. Аңдарға рахмет айтып, қоштасады.
Күтілетін нәтиже: Нені біледі: Жабайы жануарлар туралы және олардың балалары туарлы мағлұмат алады. Қандай түсініктерді игереді: Жабайы жануарлар туралы түсініктерді игереді. Меңгерген іскерліктер мен дағдылар: Жабайы жануарларға қамқор болуды тәрбиелеп, меңгереді.
Кері қайту
Тұңғыш ғарышкер Сабақтың тақырыбы: Тұңғыш ғарышкер. Сабақтың мақсаты: Білімділігі: Өлеңнің мазмұнын түсіне отырып, Байқоңыр ғарыш аймағы туралы түсінік беру. Дамытушылығы: Сөздік қорын, тіл байлығын дамытуға, дүниетанымын кеңейтуге ықпал ету. Тәрбиелігі: Ғалам құпияларын оқып, білуге шақыру. Өз елін, жерін, мәдениетін сүюге баулу. Көрнекіліктер: Суреттер, қима қағаздар, фишкалар Сабақтың түрі: Аралас сабақ Сабақтың әдістері: түсіндіру, сұрақ - жауап, топтық, ұжымдық Ұйымдастыру кезеңі. 1. Оқушылар назарын сабаққа аудару. Психологиялық дайындық:. Әрбір адам, туысым, досым жұрағат, Әрбір сабақ, үйрену, ұғу ұлағат. Әрбір ісің, тірлік, тірек, адамдық, Әрбір сөзің, шындық, бірлік, адалдық. Оқушыларды топқа бөлу: 1 - топ «Ай» 2 - топ «Күн» 3 - топ «Жер» «Қызығушылығын ояту» Жұмбақ шешу 1 - топ Самұрық құс самғады, Көктен өтіп. Айға жетіп, Жеңілдеді салмағы. (Ғарыш кемесі) 2 - топ Аспанда бір алып құс, Ызғып ұшып барады. Қарап тұрсақ ғажайып, Соңында із қалады.(Зымыран) 3 - топ Құстан аумайды, Көкте зулайды.( Ұшақ ) - Ендеше, балалар Ғарыш кемесіне мініп, ғарыштағы жұлдыздар тапсырмасын орындаймыз. 2. Үй тапсырмасын тексеру. - Мәтін мазмұнын жоспар бойынша айту. 1. Жусан мен бойтұмар 2. Бейбарысты сатып жіберуі. 3. Сұлтан Бейбарыс кім? 4. Мәтін неге « Жусан иісі» деп аталған? Жаңа сабақ а) Кіріспе -«Ай», «Күн» топтары өздеріне берілген аспан денелері туралы білетін білімдерін ортаға салады. -«Жер» тобына сұрақ: - Қандай ғарышкерлерді білесіңдер? Қазақ ғарышкерлерінің есімдерін ата? - Бүгін біз қазақтың тұңғыш ғарышкері Т. Әубәкіров туралы кенінен мағлұмат аламыз. ( Сызба арқылы әңгімелеу ) - Т. Әубәкіров 1946 ж маусымның 27 - де Қарағанды облысы, Қарқаралы ауданы, 1 - май ұжымшарында дүниеге келген. Ұлты қазақ. Білімі жоғары. техника ғылымдарының доктары, профессор. 1965 - 69 ж. Армавир Әуе қорғанысы ұшқыштар - ң жоғары әскери оқу орнында оқыған, ұшқыш - инженер. 1991ж қазанның 2 - де зерттеулік ғарышпен Александр Волков және Австралия ғарышкері Франц Фибон Союз ТМ - 13 ғарыш кемесімен ғарышқа ұшуға кірісті. Апта бойы «Мир»орбиталды кешенінде жұмыс істеді. 1991 ж қазанның 10 - да Жерге қайтып қонды. Ғарышта болған мерзімі 7 күн, 22 сағ 13 мин Қазақтың тұңғыш ғарышкері. Техника ғылым докторы, профессор. Кеңес одағының батыры. Сонымен Тоқтар ағаның ізін басқан яғни ғарышқа ұшқан ғарышкер Талғат Мұсабаев. Жыл сайын 12 сәуірде ғарышкерлер мейрамын барша Қазақстандықтар тойлайды. - Бүгінгі сабағымызда Е. Өтелеуовтың «Тоқтар - тұңғыш ғарышкер» өлеңімен танысамыз 1. Әр топ өлеңді мәнерлеп оқиды, түсінігін талдайды 2. Түсініксіз сөздерге топта жауап ізделінеді. 3. Үлкен ұжымда талқыланады. 4. Сөздік жұмысы жүргізіледі Сабақты бекіту: 1 - топ - Басқа планета туралы білетіндері туралы әңгімелеу. 2 - топ - «Құдіретті Жер - Ана» туралы әңгімелеу 3 - топ - «Ғарыш әлемі» туралы сурет салу 7. Бағалау. Мадақтау. фишкаларды есептеу 8. Үйге тапсырма беру: 1. Өздеріңе ұнаған өлең шумағын жаттау 2. Ғарышкер ағаларға арналған өлең шығару
Кері қайту
Материал рейтингісі:
Бесік жыры» - қазақша Ашық сабақ Cабақтың тақырыбы: «Бесік жыры» Сабақтың мақсаты: Халқымыздың ғасырдан ғасырға жалғасып келе жатқан салт – дәстүрін дәріптеу, соның бірі отбасының басты қызығы , алтын тіреу діңгегі – бала, баланы бесікке бөлеу дәстүрін атадан балаға жеткізу. Бесік жырының маңызын ұғындыру. Жаңа технологияларды пайдалана отырып оқушылардың өз ойларын, пікірлерін еркін айтуға, дәлелдей білуге, сөйлеу мәдениетін, топпен жұмыс істеу, шығармашылық, танымдық қабілеттерін дамыту. Пәнге қызығушылығын арттыру. Салт – дәстүрді құрметтеуге , адамгершілікке , мейірімділікке , тазалыққа тәрбиелеу. Сабақтың типі: Жаңа сабақ Сабақтың түрі: Аралас сабақ Сабақтың әдісі: Сұрақ – жауап, баяндау, талдау, ой қозғау. Сабақтың көрнекілігі: Кітаптар, суреттер, «Қазақ халқының салт- дәстүрлері» фильмінен үзінді, интерактивті тақта, слайдтар, бағалау жетондары. . Сабақтың жоспары: І.Ұйымдастыру кезеңі. ІІ.Үй тапсырмасын тексеру. 2. қорытындылау ІІІ.Жаңа сабақ. 1.Қызығушылығын ояту 2.Ой қозғау. 3.Қорытындылау. 4 Жаңа материалмен жұмыс. 5.Сергіту сәті. 6. Ой – қиял .Топпен жұмыс. 7. Қорытындылау. ІV. Сабақты қорыту V. Үйге тапсырма. VI. Бағалау. Сабақтың барысы: І.Ұйымдастыру кезеңі. Психологиялық сәт. Сабақтың мақсатымен және өтілу барысымен таныстыру. Топқа бөліп , топ басшыларын сайлау. ІІ.Үй тапсырмасын тексеру. «Жаздыгүн шілде болғанда» бөлімін қайталау. 1.Оқушылар жаттаған өлеңдерін оқиды. 2.Әр топ бір - біріне сұрақ қояды. - Абай ата жырлаған жаздың шілде айы қандай екен? - Шыбынсыз жаз бола ма ? - Жануарларға жаз қалай әсер етеді? - Ауыл кеші туралы не айтасың? - Таңның атуы, күннің батуын суретте. 3.Қорытындылау. -Бүгінгі кезде шұрайлы жерлерге ел малдарын жайып семіртеді. Семіз мал етті, сүтті, жүнді көп береді. Сондықтан малға шұрайлы жерді аялап күту керек. Ол- әрбір азаматтың борышы. ІІІ.Жаңа сабақ. 1. Қызығушылығын ояту. Жұмбақ шешу. Сәбиге сәнді үй Анаға ән – күй. (Бесік) 2. Ой қозғау - Бесік деген не? Бесік неден жасалған? - Бесікке жатқан бала бар ма? - Бесікке байланысты қандай салт – дәстүрлерді білесіндер? Слайдқа назар аударып, оқушылардың шілдехана, бесік той, қырқынан шығару, түсау кесу туралы ойларын тыңдау. 3. Қорытындылау. - Бесік- бабамыздан қалған киелі мүлік. Қазақ бесікті қатты қадірлейтіндігі сонша , қазақ атасы жатқан бесікке баласы, немересі, шөбере, шөпшегін бөлейді. Бесікке салуды көрсету. ( фильмнен үзінді ) 4.Жаңа материалмен жұмыс. - Балалар, «Сарқылмас қазына» бөлімін осы «Бесік жырымен» бастаймыз. Адамзаттың ғасырлар бойы жинақтаған мәдени нұсқалары , ұлағатты сөздері, көркем туындылары, ұрпақтан – ұрпаққа , атадан – балаға мирас ретінде жетіп отыр. Бұл тарту Атамұра деп аталады. Қазақ халқының дәстүрлі киім- кешегінен бастап , үй жиһаздары, ата – кәсіп құрал – саймандары, тарихи ескерткіштері, туған өлке, туған жер, туған тіл бәрі де мұра болған. Басты мұралардың бірі – «Бесік жыры». 1) Оқулықпен жұмыс. Өлеңді мәнерлеп оқу. Оқушыларға тізбектей оқыту. 2) Сөздік жұмыс: Құндыз - өзен, көлде тіршілік ететін терісі бағалы аң, құндыз терісінен тігілген сәнді, әрі жылтылдақ жағаға теңеу. Шешен -сөзге ағып тұрған шебер. Тілге жүйрік адам. Құрағым - көл , су жиегіне жайқалып өсетін жас шөпке теңеу. 3) Мазмұнын талдау – Осы бесік жырын айтып отырған ананың көңілі қандай? - Бесік жырын не үшін айтады? - «Көп қиыннан өтерсің» жолының мағынасын түсіндіріп көр. 4) Топқа тапсырма: I - Өлеңнен анасының баласын қалай жұбататынын тап. II – Баласын жақсы көрген сезімін қандай сөздермен білдіреді? III- Өлеңде айтылған мамандық түрлерін ата. 5) қорытындылау - Анасы баласының кім болуын қалайды? Ана тілегі:Ғалым,Батыр, Жігіт, Балуан, Шешен, Ұста - Бесік жыры баланы тыныштандырып, жұбатады екен. Балаға жағымды әуенмен айтылады, әуен- сазсыз мәні де, сәні де болмайды. Ендеше, «Бесік жырын» айтып көрейік. 5.Сергіту сәті: «Бесік жыры» (қимылға салып, орындау). Әлди, әлди бөпем- ай, Әлди әнге салам- ай. Әлди әнге мен салсам, Бөпем ұйықтап қала ма. 6.Ой – қиял . Топпен жұмыс. Тапсырма: Жағдаяттарды талда. І топ . «Көшпенді қазақ халқының өміріндегі бесіктің рөлі» ІІ топ. «Мен бесікке салуға қарсымын». ІІІ топ. «Мен бесікті қалаймын». 7. Топ жұмысын қорытындылау. Ырым- тыйым сөздер: Бос бесікті тербетпе. Бесікті бір қолмен көтерме Бесікті ашық қалдырма Ана, бала туралы мақал –мәтелдер IV. Сабақты қорытындылау. - Сабақ ұнады ма? - «Бесік жырын» кім жазған? - Бүгінгі сабақтан не алдың? - Әрбір ана баласының адам болғанын қалайды, сол ананың тілегі орындалсын деп , «Тілек шоғын» жолдайық. Балалардың тілегі. V. Үйге тапсырма : «Бесік жырын» жаттау, эссе. VI Бағалау.
