?здік есепш

«Қызықты математика»

Солтүстік Қазақстан облысы

Ақжар ауданы

Ақсары негізгі мектебінің

Рахметуллина С.С.

бастауыш сынып мұғалімі

Мақсаты 1. Тапқырлықпен тез есептеп, тез жауап берудегі дағдысын көріп, дұрыс шешімге келудегі ептілігі мен біліктілігін байқау.

2. Ой ұшқырлығы мен логикалық ойлауын дамыту, математика пәніне деген қызығушылығын арттыру.

3. Оқушыларды ізгілікке, ептілікке, жылдамдыққа тәрбиелеу

Түрі: ойын сабақ.

Оқыту түрі: жалпы сынып.

Әдісі: сұрақ – жауап, түсіндіру, талдау.

Көрнекілігі: логикалық жаттығулар, геометрикалық пішіндер, суреттер, ребустар, мақал –мәтелдер, тест, жұмбақ есептер.

Сабақтытың барысы: 1. Ұйымдастыру, психологиялық дайындық.

2. Сабақ мақсатымен таныстыру.

Бүгінгі сабағымызға қонақтар келіп отыр, амандасайық.

«Келгенше қонақ ұялады,

Келген соң үй иесі ұялады» демекші, біз ұятқа қалмауға тырысайық.

Ерте, ерте,ертеде, ешкі жүні бөртеде данышпан, білімді ата болыпты. Ол атаның аты «Математика» екен.

Математика өмірде-

Бар білімнің патшасы.

Математика ата сендердің білімдерінің тексеруге келген екен және өзімен бірге көп тапсырмалар алып келген.Сабақ жарыс түрінде өтеді.

Мақсатымыз – білім алу,

Міндетіміз еңбектену.

Сынып оқушыларын топқа бөлу, ат қою. 1 –топ «Алғырлар», 2- топ « Тапқырлар»

3. Жаңа сабақ.

1. тапсырма «Жұмбақ есептер»

Шабыт тасып, шалқысын

Көңілді кеш жасайық

Мұнда қызық табылар

Жұмбақ есеп бәрі бар.

1 –топ «Алғырларға» тапсырма

А) Бір адам қалаға бара жатыр еді, жолда үш танысы қарсы шықты.Канша адам қалаға барды.

Б) Көлден ұшты жеті. Қайтып қонды екі қаз.Қонбады оның нешеуі, кәне кім тез шешеді.

В) Төрт жұмыртқа төрт минутта піседі, ал бір жұмыртқа неше минутта піседі?

Г) Он асықтың үшеуін

Досың сұрап алады

Айтшы сонда нешеуі

Өз қолында қалады.

2- топ «Тапқырларға»

А)Үйдің төрт бұрышында төрт мысық отыр. Әр мысықтың алдында 3 мысық отыр. Үйде неше мысық отыр? Жауабы: төрт.

Б) Аулада бес үйрек, қорада үш үйрек. Бір үйрек тығылды, бір үйрек жығылды..Қалғаны неше үйрек (6)

В) Тауық бір аяқпен тұрғанда 5 кг, ал екі аяқпен тұрғанда неше кг болады?

Г) Алма ағашта бес алма,

Қандай жақсы жесе алма.

Бесеуін де қойдым.

Қалды сонда неше алма.

2 тапсырма «Кім жылдам?» ойыны. Есеп шығару.

Өмірде ойлап тұрсан, бәрі де есеп,

Ауырсаң ішетұғын дәрі де есеп.

Есепсіз өмір сүрген мазмұнсыз - ау,

Дүниенің бар тұлғасы есеп десек, -

1топ 2 топ

9+9 8+8 7+5 8+7 9+4 7+7

6+5 7+8 9+6 6+6 7+4 9+3

16-9 15-8 18-9 11-9 14-7 17-8

12-4 13-6 14-8 16-8 13-7 15-9

3 тапсырма « Сиқырлы суретші»

1 –сурет Жүрер бағытпен және кері қарай сана.

2 сурет. Ойлан да айт, қанша бүтін алмұрт кесіліп бөлінген екен? (үш алмұрт)

3 сурет. «Тап және көрсет» 1 топ (нүкте, түзу сызық, қисық сызық,сәуле)

2 топ ( сынық сызық, кесінді, тұйық сызық)

4 тапсырма «Ойлап, тап!»

1 топ 2 топ

20-1 50-5 80-2 30-2 50-6 80-1

90-3 70-6 40-4 70-4 40-5 60-8

5 тапсырма «Білгенге маржан,

Білмегенге арзан».

Тақтада гүлдердің суреті, Тапсырма: Екі гүлден алу 6,3,7,5. Осы бір таңбалы сандардан, екі таңбалы сандар құру және тақтада жазу.

6 тапсырма «Тіл дамыту, ой дамыту» ребус шешу.

Терең ғылым сананың

Тегі деп ой саламыз.

Маңыз беріп оқимыз – ау,

Математика сабағын, - дей келе сайыскер топтарымыз өздері дайындап келген ребустарын қарсылас командаға беріп, шешуін табады.

5-ік, 7су, 7 ата, 100 ім, 100ік, 9құмалақ.

7 тапсырма «Жұмыла көтерген жүк жеңіл». Әр түрлі фигураларда теңдеу жазылған.Тандап алу, теңдеу шешу.

х+6=60

26-х=6 30+х=36 57-х=7

8 тапсырма. Тест жұмысы. Дұрыс жауабын табу.

9 тапсырма «Еңбек түбі – береке»

Сағаттың цифрларының қосындысы 13 болатындай тең 6 бөлікке бөл.

Қорытынды:

Қазылар орнықтырар әділдікті,

Кімдердің жауаптары кәміл шықты.

Білім мен тапқырлықтың жарысында

Жеңіске жетер дейміз нағыз мықты, - дей келе кезегі әділқазыларға беріледі. Әділқазылар сөз сөйлеп, қорытындысын айтады.