| Себепті қызығушылығын ояту кезеңі.
| Балалар қонақтармен амандасып, асықтардан таңдағандарыңызды алып отыра қойыңыздар.
Құрастырманы құрастырып ненің суреті шыққанын табайықшы.
-Ал сендердің үйлеріңде мысық пен күшік бар ма? -Сендер мысық пен күшіктеріңе не бересіңдер, олар қандай тамақ жейді? -Ал сендердің күшіктерің қандай дыбыс шығарады?
| Балалар келген қонақтарға амандасады.Түрлі асық таңдап топқа бөлініп отырады.
Күшік пен мысықты құрастырады./Пазл/
Үйінде бар балалар айтады. -Мен мысығыма сүт беремін.Ал күшігім етті жақсы көреді. -Мен өзімнің мысығымның дауысын саламын. Ол «мияу-мияу» деп дыбыстайды. Менің күшігім «әуп-әуп» деп үреді. |
| Ұйымдастырушылық ізденіс кезеңі
| Демонстрациялық құралмен жұмыс Тақтаға күшік пен мысықтың суреті ілінеді. -Балалар, сендер ненің суретін көріп тұрсыңдар? -Күшіктің анасын қалай атаймыз? -Ит деген сөз неше буыннан тұрады.
-Балалар дауысты дыбыс жеке бір буынды құрайды. -Ал мысықтың баласын марғау деп атаймыз. -Марғау сөзі неше буынға бөлінеді? -Енді осы күшік пен мысыққа ат қойыңдаршы. -Ақтөс пен мамық сөздері неше буыннан тұрады?
Ал, мына кубикпен ойнай отырып суретті атап буынға бөлеміз
-Қазір күшік пен мысық әңгімесін мәнерлеп оқып беремін. -Қарны ашқан күшік қаңғып жүріп тауда қасқырға кезігеді. -Ей, күшік мен сені жеймін,-дейді қасқыр. -Қой, жеме мені әуелі тойдыр, сонан соң жейсің –дейді күшік. -Жарайды, жүр, соңымнан қалмай жүре бер,-дейді қасқыр. Екеуі бір топ сиырды көреді. -Күшік, менің көздерім,құлақтарым, аузым, құйрығым қандай?-дейді қасқыр. -Көздерің қып-қызыл, екі құлағың жымиған, ауызың арандай ашылған, құйрығың жас шыбықтай майысып тұр. Қасқыр: -Енді маған қара,-деп бұзаудың тамағына жабысып өлтіріп, күшікті де тойғызады, өзі де тояды. -Күшік, енді сені жемеймін. Сау бол!-деп кетіп қалады. Іші пысқан күшік мысыққа кездеседі. -Мысық мен сені жеймін,-дейді. -Мені тойдыр күшік. -Жарайды, менімен бірге жүр,-дейді күшік. Екеуі бір топ жылқыны көреді. -Мысық маған қара, құлағым, көзім, құйрығым қандай? Көзің бозарып, құлағың сылпиып, құйрығың салпақтап тұр. Күшік: -Қара маған не қыларымды?-деп жылқыға жабыса кетеді. Жылқы маңдайынан бір тебеді. Күшік сол арада ұшып түседі. Сонда мысық: -Әй, мақтаншақ, әліңе қара, сен қасқыр бола алмайсың,-дейді. Ертегі мазмұнын сұрау. -Балалар сендерге ертегі ұнады ма? -Ертегі кейіпкерлерін атап беріңдерші? -Күшік келе жатып неге жолығады? -Қасқыр не дейді? -Күшік не дейді? -Екеуі келе жатып нелерді көреді? -қасқыр не жейді? -Тойған қасқыр күшікке не дейді? -Іші пысқан күшік неге жолығады? -Мысыққа не дейді? -Мысық не дейді? -Күшік жолда нелерді көреді? -Жылқыға күшіктің шамасы келе ме? -Міне, балалар, «әлің білмеген әлек» деген осыдан қалған екен. -Енді осы ертегіні рөлдерге бөліп сахналайық. (қуыршақ театрын пайдалану)
Сергіту сәті: Керіледі мысық, Көзін жаймен қысып, Жүгіреді күшік, Аула ішін кезіп. Билингвальды компонент: күшік- щенок-dog, мысық-кот-cat Марғау- мысықтың баласы.
Дидактикалық ойын: «Ертегі кейіпкерлерін тауып олардың қай ертегіден екенін тап» Ойын шарты: ертегі кейіпкерлерін қанлай ертегіде кездесетінін айту. Дәптермен жұмыс: Дәптердегі тапсырма орындату. Жеке жұмыс жүргізіледі. |
-Күшік пен мысықтың суретін көріп отырмыз. -Күшіктің анасын ит деп атаймыз. -Ит-сөзі бір ғана буыннан тұрады. Қолдарын шапалақтау арқылы көрсетеді.
Балалар марғау деп қайталайды. -Марғау сөзі екі буынға бөлінеді.
-Күшікті «Ақтөс» деп ал мысықты «Мамық» деп атаймыз. -Ақ-төс, ма-мық сөздері екі буыннан тұрады.
Кубикті лақтыра отырып,/текшедегі/ суретті атап сөздерді буынға бөледі.
Балалар ертегіні көңіл қойып тыңдайды.
-иә, ұнады. -күшік, мысық, бұзау, жылқы, қасқыр. -қасқырға -сені жеймін дейді. -жеме алдымен тойдыр дейді. -сиырларды көреді. -бұзауды жейді. -кете бер сені жемеймін дейді. -Мысыққа -Сені жеймін дейді. -мені тойдыр –дейді. -жылқыларды көреді. -жоқ шамасы келмейді.
Балалар рөлдерге бөліп сахналайды.
Өлең мазмұнына сәйкес қимылдар жасайды.
Балалар қайталайды.
ертегі кейіпкерлерінің қандай ертегіден екенін табады.
Тапсырманы орындайды. |
