Ц дыбысы мен әрпі

Сабақтың тақырыбы: Ц дыбысы мен әрпі.

Сабақтың мақсаты:

Білімділігі: Оқушыларға Ц дыбысы мен әрпін таныту, ол арқылы берілген сөздерді оқу мен жазуға үйрету.

Дамытушылық: Ц дыбысына қатысты жаңа сөздерді оқыту арқылы оқушылардың білімі мен тілін, сөздік қорларын дамыту.

Тәрбиелік мақсаты: Еңбек сүйгіштікке, ұқыптылыққа, тазалыққа тәрбиелеу.

Әдісі: ойын, сұрақ-жауап, түсіндіру.

(слайд 1)

Түрі: аралас сабақ

Көрнекілігі: интерактивті тақта, оқулық, ойындар, суреттер.

Сабақтың барысы:

І. Өткенді пысықтау (слайд 2)

-Дыбыс дегеніміз не?

-Әріп дегеніміз не?

-Дыбыстар нешеге бөлінеді?

-Щ дыбысы қандай дыбыс?

-Щ дыбысына байланысты қандай сөздер білесіңдер?

-Щ дыбысына берілген сөздерді кезекпен оқу.

Сергіту сәті (слайд 3)

Біз кішкентай баламыз,

Өсіп-өніп толамыз,

Көкке қарап, талпынып,

Күнге қолды созамыз.

Қанат қағып ұшамыз,

Қарлығаштай қалықтап,

Бір отырып, бір тұрып,

Бір тынығып алайық.

Жаңа сабақ.

Жұмбақ (слайд 4)

Аяғын жерге тірей қалып,

Шеңбер сызды шыр айналып.

(Циркуль)

Оқушыларды ц дыбысымен таныстыру. ( слайд 5)

Ц дауыссыз дыбыс. Ц дыбысы орыс тілі арқылы енген кірме сөздерде кездеседі.

Ц дыбысына байланысты суреттер көрсетіп, оларды буынға бөлдіріп, ц дыбысының сөздің қай жерінде кездесетінін оқушыларға анықтату.

Цирк сөзіне дыбыстық талдау жасау.

(слайд 6)

Мынау цирк. Циркте болмаған бала жоқ шығар. Ондағы сайқымазақтың өнері қандай? Үйретілген хайуанаттардың өнерін айтсаңшы. Осы цирк сөзі қандай дыбыстан басталады? Білесің бе? Бірге айтайық. Ц – Ц – Ц.

Цц – мынау ц дыбысының таңбасы. Баспаша түрі Ц дауыссыз дыбыс. Оны көк бояумен бояймыз. Ол тек орыс тілінен енген сөздерде ғана қолданылады. Сөздерді мұқият тыңда. Ц дыбысы бар сөздерді есіңде сақта!

(слайд 7)

Оқулықпен жұмыс.

а) оқулықтағы сөздерді оқып, сөздік жұмыс жүргізу. Цирк, цех, цемент, авиация, офицер.

цифр

ә) «Цирк» мәтінін оқыту.

б) Мәтіннен неше сөйлем, неше сөз, неше әріп бар екендігін тапқызу.

в) Қадыр Мырза Әлінің «Клоунның сыры» атты өлеңін оқыту. Өлеңнің мазмұнын оқушыларға айтқызу.

Клоунның сыры

Циркте жұрт самсаған

Мәз болса деп жан салам.

Ду күлдірсем оларды,

Қуанамын мен соған.

«Кім тапқыр?» ойыны. (слайд 8,9)

(Суреттерге назар аударып, атауында ц дыбысы бар суреттерді көрсет)

Сергіту сәтті

Дәптермен жұмыс. (10-слайд)

а) Ц дыбысының баспа және жазба түрімен таныстыру.

ә) Ц әріпін ауада жазып көрсету.

б) Ц әріпінің үлкен және кіші түрлерін дәптерге жазу.

Ц әрпін әдемі жазып үйренейік. Ц әрпінің бас әрпі. Үлкен жолдың ортасынан сәл төмен қаламынды қой. Солдан оңға қарай доға жасай отырып, тік төмен көлбеу сызық жүргіземіз де жазу жолының астыңғы сызығына жете бере оңға қарай доға жасай отырып, астыңғы сызыққа тигізе ілгек жасаймыз. Бастапқы ілгектен оңға қарай жылжып, қаламынды қой да тік төмен көлбеу сызық жүргіземіз де жазу жолының астыңғы сызығына жете бере оңға қарай доға жасап, астыңғы сызыққа тигізе ілгек жасаймыз. Ілгекке жалғастыра төмен тартып бау байлаймыз.

Сабақты бекіту.

Балалар, біз қандай дыбыспен

Ц қандай дыбыс? Дауысты ма, әлде дауыссыз ба?

Сабақты қорыту.

«Ойлайық та, ойнайық!» (слайд 11)

(Көп нүктенің орнына ц әрпін қойып, сөздерді оқы.

Жазылуын есіңде сақта)

 Оқушыларды мадақтау. (слайд 12)