Оқу ісінің меңгерушісі: Қозыбағарова.Ж
Бекітемін:
Күні: 23.12.2016
Тақырыбы: Тапқыр достар
Мұғалім: Қош келдің, Жаңа жылым,
Көп болар жаңалығың
Саған жыл бақ сый еттім.
Жаңа нұр күттім, досым,
Жаңа жыл құтты болсын!
— Жаңа жыл әрбіріңіздің отбасыңызға жаңа нұр, жаңа шуақ, табыс пен береке, қуаныш пен мереке алып келсін. Әрдайым қажырлы қайратыңыздан күш, жылы жүздеріңізден нұр кетпесін. Жаңа жыл баршамыз үшін берекелі, мерекелі жыл болсын.
Олай болса, көңіліміздің керегесін кеңейтіп, баршамызға береке сыйлар мерекелі кешіміздің шымылдығын ашуға рұқсат етіңіздер!
Ән «Шырша жыры»
Мұғалім:
Бүгін сізге жырдан алқа тағайын,
Шат күлкіге толы болсын маңайың.
Көргендер де көрмеген де арманда.
Жаңа жылың құтты болсын ағайын.
Зеңгір көкте жұлдыз болып жанайын,
Ай жүзіндей айшықтанып, арайың.
Жанға шуақ, бойға қуат әкелген.
Жаңа жылың құтты болсын ағайын.
Балалар, мынау ортадағы әдемі шыршамыз көңілсіз тұр ғой, бәріміз бірге әдемі шыршаның шамын жағайық. Кәнекей, барлығымыз шеңбер құрып, шыршамызды айналып, шаршамызды жағайық.
Бір, екі, үш
Шырша шамы жан.
Шыршамызды айналып «Шырша» әнін айтамыз
Мұғалім: Байқаймысыздар, бұл кеште біздің Аяз-ата мен Ақшақарымыз көрінбейді ғой.
(Осы кезде қарақшылар кіріп келеді де, шыршаны айналып, қызығады.)
- Сәлем, балалар, біз Аяз ата мен Ақшақарды тұтқынға алдық. Оларды босату үшін біздің тапсырмаларымызды орындайсыздар.
Аяз-ата мен Ақшақар үшін біз нені орындауымыз керек. Біз барлық тапсырмаларды орындауға дайынбыз. Солай ма, балалар?
– Сіздер барлық тапсырмаларымызды орындауларың керек. Осы қағазда барлығы жазылған. Егерде барлығын орындайтын болсаңдар, онда Аяз-ата мен Ақшақарды босатамыз.
(Жүргізуші барлық тапсырмаларды оқып шығады. Тапсырмалар орындалған кейін оны дауыстап айтып тұрып сызып тастау керек.)
1-тапсырма - 1 Ән айтып беру
2-тапсырма - 1 Ойын ойнату. Ойынға екі топ қатысады.
- топ қарақшылар және 2-топ оқушылар.
- Қай топ шарларды жылдам үрлейді.
- Қай топ бірінші шарларды жарады. Шарды отырып қана жаруға болады.
3-тапсырма
Барлықтарыңыз би орындап беру керексіздер.
Мұғалім:
Ал біз барлық тапсырмаларды орындадық. Енді сіздер де өз уәделеріңізде тұрыңдар.
- Жақсы біз оларды босатайық. Бірақ тағы да бір тапсырмамыз бар. Оларды дауыстап шақырсаңдар ғана жібереміз.
(Аяз ата мен Ақшақарды шақыру.)
Аяз Ата мен Ақшақар сөйлейді.
Ал, Аяз ата мен Ақшақарға дайындаған шағын концертімізді көрсетейік.
Жаңа жыл – жаңа әннің тербелуі
Жаңа жыл – ақ арманның өрленуі.
Жаңа жыл – партадағы лүпілдеген,
Кішкентай шәкірттердің ержетуі.
Ән: «Мерекем».
Орындайтын: Ақбердыева Ақниет
Мұғалім:
Төрле, төрле – Жаңа жыл!
Айтамыз тебірене жаңа жыр.
Төрле, төрле – Құтты жыл!
Халыққа жүрші әркез төгіп нұр.
Ойын
Ойын шарты әуен ырғағымен дөңгеленген үстелдерді айналып билеу.Әуен тоқтаған бойда орындыққа отырып үлгеру.
Мұғалім:
Келіңіздер, шығыңыздар ортаға,
Айтыңыздар жақсы жырды Атаға.
Кел балақай ән шырқайық тағы да,
Риза болсын жадырап Ақшақар да
- Ендеше оқушылар, Жаңа жыл мерекесіне, Аяз ата мен Ақшақарға арналған тақпақ тілектерімізді айтайық.
Ғазиза:
Дала аппақ, ақ ұлпа, түрге енді,
Балалар қызыққа тоймайды енді.
Әр сыныптың өнерін қызықтап,
Тамашалауға жұртшылық келген еді.
Қанат:
Төрле, төрле – Құтты жыл!
Қуаныштан айтылады әсем жыр.
Балалардың бақытында шек болмай,
Жүректері қуаныштан толқып тұр.
Демеуберген:
Қуаныш пен шатыққа кенелейік,
Жадырап, ән шырқап, тербелейік.
Төрле, төрле, халқымның құтты жылы,
Бәріміз дөңгелене кел билейік.
Аянбек:
Бақша іші мереке,
Ойын күлкі асқақ ән.
Жақсы әпкелер жаңа кеп,
Мерекені бастаған.
Ақтілек:
Жаңа жылды қарсы алдың,
Мініп алып күймеге.
Мен де бүгін ән салдым,
Араластым биге де.
Ақжанат:
Оралдың өлкеме,
Жаңа жыл армысың.
Оранды ақ көрпеге,
Асқар тау, қарлы шың.
Інжу:
Ақ қырауға малынған
Сақалы да мұрты да.
Аяз ата сағынған,
Сәлем бepді жұртына.
Бекзат:
Безендіріп шыршаны
Жыл қуантты баршаны.
Той-маскарад басталды,
Аяз оны басқарды.
Ойын: «Мен супер баламын»
(Балалардың барлығы бірге қолдарын төменнен жоғары қарай шапалақтап,)
Мен ең жақсы баламын,
Болашақта үлгілі бала боламын.
Мен супермін!
Мен супермін!
Аяз ата, Ақшақар:
Жаңа жыл құтты болсын, Халайық!
Отанымыз тыныш, балалардың жүзінен күлкі кетпесін,
Бақытты өмір сүрейік,
Жаңа жылдан, Жаңа жылға аман-есен жетейік!
Қош, сау болыңыздар!
