Сүйіспеншілік- сый талап етпейді

Мақсаты: Оқушыларға сүйіспеншілікпен өмір сүрудің маңыздылығын жеткізу арқылы сүйіспеншілік құндылығының мәнін ашу.

Міндеттері:

• Оқушыларға риясыз сүйе білудің маңыздылығын түсіндіре отырып, мейірімділік қасиет туралы түсінік беру.

• Оқушыларды қоршаған ортаға аялы қарым- қатынас жасауға баулу арқылы қамқорлық қасиетін дамыту.

• Оқушыларды мейірімділік, жанашырлыққ, қамқорлық қасиеттеріне тәрбиелеу.

Ресурсы:(материалы, источники)

Сабақтың барысы: 1.Ұйымдастыру кезеңі.

Сәлемдесу. Оқу құралдарын түгендей. 5Т

Тыныштық сәті. «Орманға ойша саяхат»

Арқаңызды тік ұстап отырыңыз. Көзіңізді жұмып, терең тыныс алыңыз. Қазір біз орманға серуенге шығамыз. Өзіңіздің сынып есігіне қарай беттеп, есікті ашқаныңызды, дәлізбен өтіп, далаға шыққаныңызды елестетіңіз. Таза ауаны жұтып, шашыңызды желбіреткен желдің лебін және бетіңізді сәл-пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Бір минут тоқтап айналаға көз салыңыз. Гүлдердің біріне жақындап, еңкейіп, оның нәзіктігі мен жұқалығына зейін салыңыз. Оны иіскеңіз және хош иісін жұтыңыз. Айналадағы бар нәрсені бақылап, ары қарай жүре беріңіз. Гүлдер, гүлдер мен ағаштардың иісі, құстардың дауысы және жәндіктердің ызыңы. Орманға ендей түсіңіз, қараңызшы, ағаштар биіктей әрі қалыңдай түсті. Түбіне барып отырғыңыз келетін ағашты таңдаңыз. Ағашқа жақындаңыз да оны діңінен құшақтаңыз. Оның қуаттылығын сезініңіз, ондағы өмір қуатын сезінуге және ұғынуға тырысыңыз. Енді оның діңіне арқаңызды сүйеп отырыңыз. Көзіңізді жұмыңыз, терең тыныс алыңыз және қоршаған айналаның жым-жырт тыныштығына көңіл бөліңіз. Сіздің өз ағашыңыз бар екенін және кез келген уақытта оған келе алатыныңызды есте ұстаңыз. Ал қазір мектепке қайтуға дайындалыңыз. Келген жолыңызбен кері қайтыңыз, жолыңыздағы жәндіктерді басып кетпеңіз. Міне, мектептің алдына да келдік. Айналаңызға тағы бір қараңыз, таза ауаны терең жұтыңыз, есікті ашып, өз орныңызға қайтып келіңіз. Осы жым-жырттық, тыныштық, қанағат сезімін өзіңізде сақтаңыз. Көзіңізді ашып, күлімсіреңіз!

Тыныштық сәтінен алған әсерлерімен бөлісу.

Тыныштық сәті ұнады ма? Қандай әсерде болдыңдар?

2.Үй тапсырмасын тексеру

Ескертулер

3.Дәйек сөз.

«Сүйіспеншілік- жүректе» Халық даналығы

2рет ұлдар, 2рет қыздар, 1 рет барлығы қайталаймыз.

Дәйексөзің мағынасын ашу.

Оқушылардан дәйексөздің мағынасын қалай түсінгендері сұралып, мұғалім қорытынды жасайды.

Мұғалім сыйы: «Қамқорлық » Мәдіхат Төрежанов

Назымбек екінші кезекте оқиды. Жер тайғақ. Асыға басып мектепке келе жатыр. Бірер рет аяғы тайып кетіп құлап тұрды. Жолда өзімен бірге оқитын Нақысбекті кездестірді. Бір кішкентай баланы қолтықтап алған. Бала еңіреп жылап келеді.

• Мына бала сенің інің бе? деп сұрады Нақысбек.

• Жоқ.

• Енді кімің?

• Құлап, аяғын ауыртып алған екен.

• Оны қайда апарасын?

• Дәрігерге көрсетіп, жарасын таңғызып берейін.

• Екеулеп апарып салсақ қайтеді?- деп өтінгендей болды Нақысбек.

• Сабақтан кешігеміз ғой...

• Мен кешіксем, Күлаш Күлекенқызына айтарсың, мертіккен баланы дәрігерге әкетті деп.

• Айтайын, көп жүріп қалма!- деп жүгіре жөнелді Назымбек.

Нақысбек арқалап алған бала зар қағады. Ауырсынып, шырылдауына қарағанда аяғы сынған болу керек.

• Жылама қазір дәрігерге жетеміз, таяу қалды. Сенің атың кім?

• Төлеген.

• Ал, Төлеген батыр, мойнымнан мықтап ұста, тез жеткізе қояйын.

Нақысбек Төлегенді хирургке алып келді. Олар айнаға түсіріп, сынық бар депті. Емханаға жатқызатын болды. Хирург Нақысбекке:

• Кішіге көрсеткен қамқорлығың үшін саған рахмет!- деп, басынан сипап, арқасынан қақты. Енді Нақысбек мектепке қарай жүгірді

4.Әңгімелеу (әңімелесу).
- Балалар, әңгіме не туралы?

- Нақысбек қандай іс істеді?
- Жасаған жақсылығымыз, қамқорлығымызды міндетсінуге бола ма?

- Нақысбектің орнында болсаң сен не істер едіңдер?

- Адамдар неліктен сүйіспеншілікті жүрекпен байланыстырады?

- Осы оқиғаға ұқсас оқиға сендерге кездесті ме?

5.Шығармашылық жұмыс.

1- тапсырма.

Дәптерге өздері жақсы көретін адамдарға арнап, өз ойларынан, қиялдарынан сурет салу.

2 тапсырма.

Риясыз сүйіспеншілікті білдіретін іс- әрекеттерді сахналау.

6.Топпен ән салу. « Ақ мамам» өлеңі мен сөзі Сағат Садықов

7.Үй тапсырмасы

8.Қорытынды тыныштық сәті. Баяу ән қойылады.

Балалар, көздерімізді жұмып, ыңғайланып отыраыйқ. Еркін әрі терең тыныс алып, бүгінгі сабағымызды ой елегімізден өткізіп, осы жақсы қасиеттерден барлығын бойымызға жинайық.

Тыныштық, тыныштық,тыныштық, тыныштық бар жерде,

Тыныштық, тыныштық, тыныштық, тыныштық бүкіл әлемде.

Бірнеше минут тыныштықта отыра тұрайық. Ал, енді жаймен көзімізді ашайық. Рахмет. Бүгінгі күндеріңе сәттілік тілеймін.

Сабақ мақсаты: Табиғатқа қамқорлық жасайу, «сүйіспеншілік» құндылығы ретінде мазмұнын ашу. Табиғат туралы түсініктерін кеңейту

Міндеттері:

Оқушылардың табиғат әлеміне танымдық қызығушылығын арттыру, «табиғат» ұғымын түсіндіру.
Оқушыларға табиғатқа қамқорлық жасау әлем үшін маңызды екенін ұғындыру;

Табиғатқа, туған өлке әсемдігіне сүйсіну, қамқорлық, сүйіспеншілік сезімдерін оятуға тәрбиелеу.

Ресурстар:
оқулық, дәптер

Сабақ барысы:
1.Ұйымдастыру кезеңi: Сәлемдесу.
Оқу құралдарына назар аудару. 5Т
2.Тыныштық сәтi.
«Орманға саяхат» (3 мин) 
Арқаңызды тік ұстап отырыңыз. Көзіңізді жұмып, терең тыныс алыңыз. Қазір біз орманға серуенге шығамыз. Өзіңіздің сынып есігіне қарай беттеп, есікті ашқаныңызды, дәлізбен өтіп, далаға шыққаныңызды елестетіңіз. Таза ауаны жұтып, шашыңызды желбіреткен желдің лебін және бетіңізді сәл-пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Бір минут тоқтап айналаға көз салыңыз. Гүлдердің біріне жақындап, еңкейіп, оның нәзіктігі мен жұқалығына зейін салыңыз. Оны иіскеңіз және хош иісін жұтыңыз. Айналадағы бар нәрсені бақылап, ары қарай жүре беріңіз. Гүлдер, гүлдер мен ағаштардың иісі, құстардың дауысы және жәндіктердің ызыңы. Орманға ендей түсіңіз, қараңызшы, ағаштар биіктей әрі қалыңдай түсті. Түбіне барып отырғыңыз келетін ағашты таңдаңыз. Ағашқа жақындаңыз да оны діңінен құшақтаңыз. Оның қуаттылығын сезініңіз, ондағы өмір қуатын сезінуге және ұғынуға тырысыңыз. Енді оның діңіне арқаңызды сүйеп отырыңыз. Көзіңізді жұмыңыз, терең тыныс алыңыз және қоршаған айналаның жым-жырт тыныштығына көңіл бөліңіз. Сіздің өз ағашыңыз бар екенін және кез келген уақытта оған келе алатыныңызды есте ұстаңыз. Ал қазір мектепке қайтуға дайындалыңыз. Келген жолыңызбен кері қайтыңыз, жолыңыздағы жәндіктерді басып кетпеңіз. Міне, мектептің алдына да келдік. Айналаңызға тағы бір қараңыз, таза ауаны терең жұтыңыз, есікті ашып, өз орныңызға қайтып келіңіз. Осы жым-жырттық, тыныштық, қанағат сезімін өзіңізде сақтаңыз. Көзіңізді ашып, күлімсіреңіз!
3.Үй тапсырмасын тексеру:  Дәптермен жұмыс

4.Дәйексөз.

«Жайқалсын жасыл әлем өлкемізде,

Сән түзеп, көрік берсін жер бетіне.»

Р.Сәтімбекұл
2-рет ұлдарға, 2- рет қыздарға айтқызу.
Мұғалім сыйы: «Табиғат саған аманат» (бейне ролик тамашалау).

Сабақты талдау

5Әңгімелеу.

Қазақстанның табиғаты қандай екен?
Бейнекөріністен қандай әсер алдыңдар?

Табиғаттың осындай әсем көрінісін қалай сақтаймыз?

Табиғат  аясындағы демалысқа  бардыңдар ма?

Қай жерлерге бардыңдар?

Жер бетіндегі табиғат неше топқа бөлінеді?

6.Шығармашылық жұмыс, топтық жұмыс.

Әр топ көшбасшысы шығып таныстырып өтеді.

1-топ «Табиғатпен біргеміз!» (коллаж жасау Табиғат көріністерінен, сурет қиындыларынан құрастыру)

2-топ Табиғат жайлы тақпақтар айту.

3- топ «Күн мен гүлдер» мәтініне көрініс.

7.Топпен ән айту. Табиғат –анамыз сөзі. Н.Жанаев

әні: С.Қаратаев

8. Үй тапсырмасы  Жұмыс дәптері 36 бет 1,2 тапсырма

Соңғы тыныштық сәтi. 
(Тыныштық... бар жерде, тыныштық... бүкiл әлемде)
- Барлық айтылған жақсы ойларды жүрегіміздің түкпіріне апарып орналастырайық.
- Енді көздеріңді аша қойыңдар. Сабақ аяқталды. Бүгінгі күндерің қуаныш әкелсін!