Сөз таптарын қайталау. Соның ішінде зат есім мен етістікті қайталау.

Сабақтың тақырыбы: Сөз таптарын қайталау.

Соның ішінде зат есім мен етістікті қайталау.

Сабақтың мақсаты: өткен тақырып бойынша балалардың алған мағұлматтары мен дадыларын пысықтап, жинақтау.

Сабақтың түрі: ертегі сабақ.

Көрнекіліктер: плакаттар, магнитофон, плакатқа жазылған тапсырмалар.

Сабақтың барысы:

І Ұйымдастыру кезеңі.

• Бүгін сабағымызға қонақтар келді, қалай қарсы алу керек?

• Сабақты жақсы оқып, берілген тапсырмаларды дұрыс орындап білімімізді, тәртібімізді көрсетуіміз керек.

ІІ Кіріспе. Ережелерді сұрау.

• Балалар, бүгінгі сабақтың тақырыбы «Сөз таптарын қайталау. Соның ішінде зат есім мен етістікті қайталау», олай болса, ережелерді есімізге түсірейік.

• Зат есім дегеніміз не?

• Зат есімнің сұрақтары?

• Адамға қандай сұрақ қоямыз?

• Адамнан басқа заттарға қандай сұрақ қоямыз?

• Зат есім нешеге бөлінеді?

• Жалқы және жалпы есім дегеніміз не?

• Зат есімнің неше түрі бар?

• Зат есімнің көпше түрі?

• Етістік дегеніміз не?

• Етістік дегеніміз неше түрі бар?

ІІІ Негізгі сабақ

• Балалар, біз 1-сыныптан бастап қандай ертегілерді білеміз?

• Ендеше, балалар, биыл бауырсақ бізге тағы да келіпті. Қане, есімізге түсірейікші....

Ертеде орман ішіндегі жалғыз үйде кімдер тұрыпты? Бір күні шалы кемпіріне бауырсақ пісір депті.Содан бауырсақты суытуға терезенің алдына қойса, бауырсақ домалап, орман ішіне қашып шығып Семей қаласына бармақ болыпты. Содан бауырсақ домалап, орман ішімен әр түрлі алма ағаштардың, гүлдердің арасымен өтіп, бір уақытта, жып-жылтыр, теп-тегіс, әдемі асфальт жолға қалай шығып кеткенінде байқамай қалады. Бауырсақ домалап келеді, домалап келеді, қараса алдында бір жазу тұр.

-Қане, балалар, сол жазуды оқып көрейікші. Сөйтсе, бауырсақ «Карабаш» ауылына келіпті.

ІV «Карабаш» ауылы. /Дәптерде жұмыс/

Бауырсақ шаршап, демалғысы келеді.

• Балалар, бауырсақ демалып алғанша, біз бір тапсырма орындап жіберейік. Зат есімге лайықты етістіктерді тауып, дәптерлеріне жаздыру.

жүгірді жазды

секірді бояды

Оқушы жылады биледі

күледі жеді

оқыды ішті

• Балалар, оқушы сөзіне сұрақ қойыңдаршы /Кім?/

• Қандай сөз табы? /Зат есім/

• Қандай зат есім? /жалпы/

• Зат есімнің қандай түрі?/Жекеше түрі/

Азат жолдан, үтір қою арқылы жазамыз.

Сендер,тапсырма орындап болғанша, бауырсағымыз демалып алыпты. Енді қыдырымпаз бауырсағымыз әрі қарай жол жүріпті....

V «Канонерка» ауылына келіпті. /Дәптерде жұмыс/

Дара етістіктерді күрделі етістікке айналдыру.

VІ «Жыланды» ауылына келеді. /Кітаппен жұмыс/

• Енді тағы да, демалуға отырады.... 362-жаттығуды орындау. Балалар тапсырманы оқиды.

Зат есім мен етістіктің астын сыз.

VІІ «Семей» қаласы

Сөйтіп бауырсақ Семей қаласына жетіпті. Семей қаласына жеткенде өзіне бір дос тауып алыпты. Қазір сол досымен танысайық. Есікті тарсылдатып Микимаус тауып алыпты. Қазір сол досымен кіреді.

1. Сергіту сәті /музыкамен билейді/

-Балалар, біз қалаға барған кезде нені есте сақтауымыз керек? /Жол ережесін, бағдаршамды білуіміз керек./ Ал бауырсақ болса, қалада ешқашан болып көрмеген, бағдаршамның не екенінде білмейді. Содан соң, бауырсақ жолдан өтемін деп, машинаның астына түсіп қала жаздайды. Ал, балалар, бауырсақ қаладан аман-есен қайту үшін тағы да бір тапсырма орындайық...

2. Сөзжұмбақты шешу.

Міне, біз бауырсақты жол апатынан құтқардық.

3.Жол ережесін қайталау.

- Балалар, жолдан өткен кезде бағдаршамның қандай көзі жану керек?

- «Қызыл» жанса, не істейміз?

- «Жасыл» жанғанда не істейміз?

- Тамаша, балалар, бүгін бауырсаққа жақсы көмектескендерің үшін сендерге бауырсақтың досы Микимаус сыйлық әкеліпті.

VІІІ Қорытынды.Бағалау.

• Менде сендердің бүгінгі еңбектеріңді бағалап баға қойғым келіп отыр.

ІХ. Үйге тапсырма.

364-жаттығу. Ереже қайталау.