Сабақтың тақырыбы: Щ дыбысы мен әрпі
Сабақтың мақсаты:
Білімділігі: Щ дыбысының жазба, баспа түрімен таныстыру, оны дұрыс дыбыстату.
Дамытушылығы: Сөздерге дыбыстық талдау жасату мақсатында оқушылардың сөздік қорын, ойлау, сөйлеу қабілеттерін дамыту.
Тәрбиелілігі: Балалардың оқуға, білімге деген қызығушылығын қалыптастырып, ұқыптылыққа, тазалыққа тәрбиелеу.
Сабақтың түрі :Жаңа сабақ
Әдісі: Түсіндіру, әңгімелеу, сұрақ-жауап, топтастыру.
Көрнекілігі: Тірек-сызбалар, Щ дыбысының баспа және жазба түрлері, щёткалар, суреттер.
Сабақтың жүрісі:
1. Ұйымдастыру бөлімі
Психологиялық дайындық
Қайырлы таң достым
Қайырлы күн болсын!
Бүгінгі күн бізге
Сәттілікке толсын
Біздің алар бағамыз,
Кілең бестік болсын.
Сабаққа сегізде келеміз,
Сабақтан қалмаймыз дегенбіз.
Әліппені 5-ке оқып,
Білімді оқушы боламыз дегенбіз.
2. Үй тапсырмасын тексеру.
- Ендеше, үйге қандай тапсырма берілді?
- Монтёр мәтінін оқу, өлеңді жаттап келу.
( 4-5 оқушыдан сұрақ)
- Кеше қандай әріппен таныстық.
- Ё дыбысы мен әрпі
- Монтёр, шахтёр
- Ё дыбысы дауысты ма, дауыссыз ба?
- Дауысты
- Қане, балалар дыбыс дегеніміз не?
- Дыбысты естиміз, айтамыз.
- Әріп дегеніміз не?
- Әріпті көреміз, оқимыз, жазамыз.
Жарайсыңдар.
«Сөз ойла, тез ойла» ойынын ойнаймыз.
Ё әрпінен келетін сөздер айту.
Сөздерді буынға бөлдіру. Талдау жасату.
3. Актуалдау
Жұмбақ
Тазартады киімді,
Жаңартады үйіңді.
Жолыңа да тиімді
Не дейді бұл бұйымды? (Щётка)
- Жуынғанда қандай құралдарды пайдаланамыз?
(Оқушыларға атату)
- Тіс жуу үшін не қажет?
- Тіс пастасы, тіс щёткасы
Аяқ киімімізді тазалау үшін нені пайдаланамыз.
- Щётка
- Қане барлығымыз маған қараймыз.
4. Жаңа сабақ
Щётка түрлеріне әкеліп көрсетемін. Әр щёткаға байланысты сұрақ қойып, жауаптарын тыңдаймын.
- Қане, осы щётка сөзін буынға бөліп көрелік.
Щёт-ка (2 буын, 5 дыбыс)
- Таныс емес қандай дыбыс естіледі?
- Щ,щ (айтқызу). Щ қандай дыбыс?
- Щ, щ дауыссыз дыбыс, ол кедергі арқылы айтылып тұр.
«Щётка» сөзінде щ дыбысы сөздің қай буынында?
- 1-буында, басында.
Щ дыбысы көбінесе орыс тілінен енген сөздерде кездеседі.
Мысалы: щётка, борщ, щи.
- Щ, щ дыбысының баспа және жазба түрін көрсету.
Тақтаға Щщ дыбысын жазып көрсетемін.
- Щщ дыбысы бұрын өткен қай дыбысқа ұқсайды?
- Ш дыбысы
Айырмашылығы қандай?
Щ дыбысының аяғы бар.
Оқулықпен жұмыс
Щётка – дыбыстың талдау жасату. 5 дыбыс, 2 буын, 2 дауысты, 3 дауыссыз. 3 көк текше, 2 қызыл текше.
Оқулықтағы жаңа сөздер тақтаға ілінеді. Сөздерді өзім оқып беремін.
Щи – көкөністер қосылған орыс халқының тағамы.
Борщ – орамжапырақ, дәрумендер қосылып жасалатын сорпа.
Ащы – жуа ащы, бұрыш ащы.
Дәмді білдіреді.
Тұщы – ішетін суымыз тұщы.
Өзен суы тұщы, ал теңіз, мұхит суы ащы болады.
Маңғыстау қаласында Каспий теңізі бар. Каспий теңізінің суы ащы.
Ал Балқаш көлінің суы – тұщы, жартылай тұщы.
Каспий теңізінің, Балқаш көлінің суретін көрсету.
5.Оқулықпен жұмыс
Оқушыларға тізбектей оқыту.
Мәтінге талдау жүргізу.
Мәтінде щ әрпі бар ма?
6. Сергіту сәті
7. «Өз орныңды тап» ойыны
Ш, щ әрпін ажырата білу мақсатында берілген сөздермен жұмыс. Оқушылар ш, щ әріптерінің тиістісін қойып, жазады.
Қай ы, тұ ы, і ік, а ы.
8. Суретпен жұмыс
Оқулықта берілген «Түскі ас» суретімен жұмыс. Берілген тірек
сөздермен сөйлемдер, мәтін құрастырады.
9. Дәптермен жұмыс
Олай болса, балалар енді дәптермен жұмыс жүргіземіз.
Барлығымыз дәптерімізді аламыз.
Щ,щ әрпін дыбысын ең бірінші ауада жазамыз.
(өзім жазып көрсетемін)
Қолға қалам алайық.
Бүгінгі өткен әріпті
Көркем етіп жазайық.
Дұрыс отыру ережесін еске салу, айту. Дәптерді мадақтау.
10. Бекіту
«Щёткалар айтысы» мәтінін сахналау.
«Адасқан буындар» ойынын ойнату.
Сабақты қорыту.
Біз бүгін қандай дыбыспен таныстық?
Ол қандай дыбыс?
Щ дыбысы бар сөздер атату.
Сабақты бекіту мақсатында өтілген мәтінді сахналау.
Оқушыларды мадақтау.
Оқушыларға жұлдызшалар тарату.
