Саба? жоспары ана тілі п?нінен "Астана - бас ?ала"

ОҚО Сарыағаш ауданы

Жартытөбе ауыл әкімшілігі

Құрама ауылы

Ш.Қалдаяқов  жалпы орта  мектебі 

Аскарова Айгул Ералхановна 
Бастауыш сынып мұғалімі

Ана тілі

Тақырыбы: Астана

Мақсаты:

1.Астана тарихын, орналасу ретін, Астана туралы деректер мен қызықты мәліметтер бере отырып, әңгіме мазмұнын ашу.

2.Балаларды интелектуалдық ойындар мен тапсырмалар арқылы ұйымшылдыққа, топпен жұмыс жасауға машықтандырып , дүниетанымын кеңейту.

3.Туған жерін, елін сүюге ,оған құрметпен қарауға , елінің көркеюіне өз үлестерін қосуға тәрбиелеу.

Түрі : саяхат сабақ

Әдісі:Сұрақ- жауап, ой- толғаныс, топтастыру

Көрнекілігі: бейнеүзіктер,презентация «Астана- бас қала»

Сабақтың барысы:

І. Ұйымдастыру бөлімі

Психологиялық дайындық

Топқа бөлу ( Саяхат сабағы болғандықтан көлік түрлерін таңдай отырып, топқа бөліну)

ІІ.Үй тапсырмасын тексеру:

-Балалар, біз қандай тарауды аяқтадық?

-"Маужырап барқыт күз» тарауын.

Қызылорда , Алматы, Астана аялдамалары бойынша блиц сұрақтар арқылы таруды қайталау(тапсырма 4 топқа беріледі).

Қызылорда аялдамасы:

1 сұрақ: Күз мезгіліне қандай түстер тән, неліктен?

2- сұрақ: «Кемедей кешіп комбайн

Алтын дария егінді

Сүзіп жүр маржан бидайын

Күзіміз неткен көңілді» деген жолдар қай өлеңнен алынған және авторы кім?.

3- сұрақ: «Жеміс бағында» әңгімесінде қандай жеміс туралы айтылған

және оны қалай сипаттаған?

4 сұрақ: « Ас атасы- нан» деген мақалға сәйкес келетін мәтіндерді тап.

Алматы аялдамасы:

1- сұрақ : Абайдың орыс тілінен аударған мысалы қалай аталады, және

оның авторы кім?

2- сұрақ: И. Крыловтың « Шегірке мен құмырсқа» мысалын есіңе түсір.

«Қарағым ,жылыт, тамақ бер» деген ненің сөзі? Оған сәйкес қандай

мақал айтуға болады?

3- сұрақ:Құмырсқа мен шегірткені салыстыр.

4- сұрақ:Құрт, ірімшік кептірілетін орын қалай аталады, ол неден

жасалады?

Астана аялдамасы:

1- сұрақ:Күз дегеніміз- байлық дегенді қалай түсінесің?

2- сұрақ: «Күздің бір күні –қыстың бір айын асырайды» -дегенді қалай түсінесің?

3-сұрақ: Омар атай балаларға күздің қандай кереметтерін көрсетті?

4-сұрақ: Түйін байлап көктемде

Қызарар жаз жеткенде

Күзде уылжып ,иісі аңқып

Бақ қасынан өткенде

Шай кеседей әрқайсысы,

Бұған жеміс жеткен бе? Жұмбақтың шешуін тауып, «уылжып» сөзінің мағынасын түсіндір.

ІІІ.Жаңа сабақ:

Ой-қозғау:

-Біздің соңғы аялдамамыз қалай аталады?

-Астана.

-Ал Қызылорда, Алматы қалалары туралы не айтар едіңдер?

- Қызылорда, Алматы қалалары –Қазақстанның бұрынғы астаналары.

Мағынаны ашу.

Астана кеше ғана басқа қала,

Айналды бәйтеректі астанаға

(Н. Айтов)

• Астана дегенде көз алдарыңа не келеді?

• -Астанаға барып көргендерің бар ма?

Бейнеүзік « Астана- әлем қаласы» көрсетіледі.

-Олай болса саяхатымызды одан әрі жалғастырамыз.

-Астанаға барған адам ең бірінші қайда барады деп ойлайсыңдар?

Бәйтерек- астана символы . Бәйтеректің негізгі идеясы – Бейбітшілік ағашы.

Оқулықпен жұмыс: І топ- Астанадағы әсем ғимараттар.

ІІ- топ- Астана - әлем қаласы

ІІІ- топ- Астананың болашағы

ІV- топ- Мазмұнын қорытындылау

Сөздік жұмысы-ЮНЕСКО-Білім , ғылым және мәдениет мәселелері жөніндегі Біріккен Ұлттар Ұйымы

ІV.Сергіту сәті:

Океанорум бейнеүзігін тамашалау.

V. Жаңа сабақты бекіту. Жинақтау

Пирамида «Бейбітшілік және келісім сарайы»

Тұжырымдамалық карта « Кешегі, бүгінгі, болашақтағы Астана»

Астана

«Ханшатыры» демалыс орталығы:

«Астанаға тілек» постер арқылы қорғау(тілектерді суреттер арқылы білдіру)

VІ.Сабақты қортындылау:

Астана теміржол вокзалы: Сабақты қортындылау:

VІІ.Бағалау

Кері байланыс:

Өзін - өзі бағалау

Топбасшының топты бағалауы

VІІІ.Үйге тапсырма : Мәтінді мәнерлеп оқу. «Астана- әлем қаласы» тақырыбына эссе жазу