Сабақ жоспары: " Менің Отаным" 4- класс

Сынып: 4

Сабақтың тақырыбы: Менің Отаным.

Сабақтың мақсаты:

1. Білімділік: «Менің Отаным» жайлы мәлімет бере отырып, Қазақстан жайлы білімдерін толықтыру, пысықтау, жүйелеу.

2.Дамытушылық: Оқушылардың тіл белсенділігін, жазу мәдениетін, ой-өрісін, есте сақтау қабілеттерін дамыту. Сөздерді меңгерту арқылы сөздік қорларын, тіл байлықтарын байыту. “Отан” туралы өлеңді меңгерту, мазмұнын аша алуға үйрену.

3.Тәрбиелік: Оқушыларды туған жерін, елін, Отанын мақтан тұтуға тәрбиелеу.

Сабақтың түрі:  аралас  сабақ.

Сабақтың типі: дәстүрлі сабақ

Сабақтың әдіс-тәсілдері: Түсіндіру, сұрақ-жауап, оқулықпен жұмыс, интерактивті тақтамен жұмыс, тіл дамыту.

Сабақтың көрнекі - құралдары: сөзжұмбақ, тапсырмалар, жаңа сөздер енгізілген презентация, интерактивті тақта, суреттер, фишкалар.

Пәнаралық байланыс: орыс тілі.

Сабақтың барысы:

I. Ұйымдастыру кезеңі:       

- Сәлеметсіздер ме, балалар!

- Бүгін кім кезекші?

- Ал кәне, айта қойшы кім сыныпта жоқ?

Тіл дамыту.

-Балалар, қазір жылдың қай мезгілі?

-Аптаның қай күні?

-Ауа райы қандай?

-Ал енді отыра ғой.

ІІ. Үй тапсырмасын тексеру: 51-бет. 5-тапсырма. Мәтінді мазмұндау.

Сұрақтар арқылы үй тапсырмасын қорыту.

• Біз қай мемлекетте тұрамыз?

• Біздің Президентіміз кім?

• Елордамыз қай қала?

• Рәміздерді ата, авторлары кім?

Сабақтың ұраны: «Бір ауыз сөз болса да, дауыстап айт, ең бастысы үнсіз қалма».

Девиз урока: Вспомним золотое правило нашего урока: «Хоть промолвишь одно словечко, главное не молчи».

IІI. Жаңа сабақ:  А). Кіріспе сөз.

1-Тапсырма. - Балалар бүгінгі сабағымыздың тақырыбын анықтау үшін, сөзжұмбақты шешейік.

Ал енді балалар сұрақтарға жауап бере отырып, бір-бірден тақтаға шығып жаза қойайық.

.

1 Слайд. Ең алдымен сөзжұмбақты шешіп алайық, сұрақтары:

1. «Изобилие» сөзінің аудармасы? (молшылық)

2.Қазақстан Республикасының рәмізі? (ту)

3.Қазір қандай ай? (қараша)

4. Қазақстан Республикасының рәмізі (әнұран)

• Сонымен балалар, қандай сөз шықты? Дұрыс балалар: «Отан»! Жақсы, балалар!

Отанды біз атамекен,

Деп аялап атаймыз.

Өйткені оны мекен еткен,

Бабамыз бен атамыз.

• Балалар біз бүгінгі сабағымыздың тақырыбы «Отан».

Ендеше бүгінгі сабақта «Отан» тақырыбы төңірегіне байланысты тапсырмалар орындаймыз.

Балалар, дәптерлерімізді ашып, бүгінгі күн мен айды, тақырыбымызды тақтадан жазып аламыз.

• Мәтінмен жұмыс жасамас бұрын, алдымен сөздік жұмысымен танысайық. Бұл сөздер мәтінмен байланысты, 1-1 ден оқып шығыңдар.

2- тапсырма. Сөздікпен танысу. Сөздік жұмысы.

Елбасы- глава государства, Президент

 Ұлт өкілдері-  наций

Қонақжай- гостеприимный

Ұлттық – национальный

Дәстүр - традиций

( Мұғалім бір рет оқиды, бірнеше оқушы кезекпен орысша-қазақша бөлек оқып шығады). ( 2 мин)

3- тапсырма. Мәтінмен жұмыс. Тақтада.

1. Мұғалім бір рет мәнерлеп оқиды.

2. Оқушылар 2 рет өз бетінше оқып шығады.

3. Әрбір оқушы оқып, аударады. (5 мин).

4. Мәтіннен көптік жалғаулары бар сөздерді тауып, дәптерлеріне жазып алып сызады.

Менің Отаным – Қазақстан. Қазақстан – бай, үлкен, әдемі мемлекет. Қазақстанның Елбасы – Нұрсұлтан Әбішұлы Назарбаев. Қазақстанның астанасы – Астана қаласы. Онда таулар мен өзендер, ормандар мен көлдер бар. Біздің елімізде әр түрлі ұлт өкілдері тұрады. Қазақ халқы қонақжай халық және ұлттық дәстүрге бай.

4- тапсырма. 56-бет. Өлеңді оқып, талдау.

Отан – атам,

Отан – әкем!

Осы сөзім қате ме екен?!

Қате болса

Неге біздер

Дейміз оны: «Атамекен?!» (Жарасқан Әбдірашев)

5- Тапсырма. Жазбаша тақтамен жұмыс.

Көп нүктенің орнына керекті сөздерді қою.

1.Менің елім - ... . 2. Мемлекеттік тіл - ... ... . 3. Қазақстанда 16 желтоқсанда ... күні. 4. Біздің астанамыз - ... ... . 5. Қазақстанның табиғаты - ... . 6. Біздің қаладан Астанаға ... барады. 7. Мен Отаным туралы ... айттым.

Керекті сөздер: қазақ тілі, ән, Қазақстан, Тәуелсіздік, поезд, Астана қаласы, әдемі.

Сергіту сәтін өткізу.

6- тапсырма.Балалар қазір біз «Отандық алма ағашын» жасаймыз. Ауызша.

• Қағаз бетіне бүгінгі сабақтан түйген ойларынды жазыңдар. Тақтада
  (Оқушылар кезекпен айтып, алма ағашының жапырақтарын тақтаға жабыстырады. )
  1. Атамекен
  2.Туған жер
  3.Достарың
  4.Ауылың
  5.Өз үйің
  6.Кіндік тамған жерің
  -Балалар, алма ағашын жасап шықтыңдар, бәріміз Отанымызды қорғап жүрсек осылай алма ағаштары көбейе береді де еліміз мықты болады.
  ІV. Сабақты қорыту:   А) Пысықтау сұрақтары:

- Отан деген не?

- Қазақстан қандай мемлекет?

- Қазақстанның табиғаты қандай?

- Сенің Отаның қай жер?

- 16 желтоқсанда ҚР-ның Тәуелсіздігіне неше жыл болады?

-   Туған жерге, Отанға, елге байланысты  қандай  мақал-  мәтелдер, өлеңдер  білесіңдер?

 Рефлексия: 

Балалар сендерге бүгінгі сабағымыз ұнады ма?

 V. Үй тапсырмасын беру:  56- бет  4- тапсырма жаттау.

VІ. Бағалау. Оқушыларды білімдері мен сабаққа қатысқандарына қарай бағалау.