"Өзіңді және басқаларды түсіне білу"

Бөлім:2

Ынтымақты отбасы

Мұғалімнің аты-жөні, тегі

Чарахметова Сандугаш Маратовна

Мерізімі:

2022 ж

Класс: 3

Оқушылар саны:

Қатыспаған оқушылар: 0

Сабақтың тақырыбы №13

Өзіңді және басқаларды түсіне білу

Оқу бағдарламасына сәйкес оқыту

мақсаттары

Өзара түсіністік таныту, келісім, адамдарға сергек және мұқият қарау

Құндылық

Дұрыс әрекет

Қасиеттер

Сыйластық, ізеттілік, әдептілік

Сабақтың мақсаты

Оқушыларға өзіңді және басқаларды түсіне білудің маңыздылығын ұғындыру арқылы Дұрыс әрекет құндылығының мәнін ашу.

Сабақтың міндеттері

- оқушыларға «сәлемдесу» ұғымын ұғындыру;

-оқушыларды айналадағы адамдармен сыйластықта болу дағдыларын әдептілік қасиеті арқылы дамыту;

- оқушыларды сыйластыққа, ізеттілікке, тәрбиелеу.

Сабақтың кезеңдері / Уақыт

Педагогтің іс-әрекеті

Оқушының іс-әрекеті

Ресурстар

Ұйымдастыру кезеңі (1 мин)

1.Жағымды көңіл күй (1-3 мин)

Мұғалім оқушылардың сабаққа қатысуын тексереді.

Мұғалім «Шаттық шеңбері» жаттығуын өткізеді.

-Сәлем сөздің анасы, адамгершіліктің,

әдептіліктің баспалдағы.

-Балалар, алдымен бір- бірімізбен сәлемдесіп,жақсы лебіздерімізді білдірейікші.
«Қайырлы күн!»
«Әрқашан күн сөнбесін!»
«Деніміз сау болсын!»
«Бәріміз дос болайық!»
«Тату болайық!»
«Әлемде тыныштық болсын!»
«Аспанымыз ашық болсын!»

Оқушылар сабаққа дайындығын көрсетеді.

Оқушылар бір-біріне күлімдеп қарап, жақсы сөздер айту арқылы өз лебіздерін білдіреді.

Оқулық, мұғалімдер

ге арналған әдістемелік құрал.

2. Алдын ала берілген үй тапсырмасын тексеру (әңгімелеу) (3-5 мин)

Оқулық, №13 сабақ 60-беттегі «Біздер сәлем береміз» Ермек Өтетілеуұлының өлеңі. Мұғалім сұрақтардың көмегімен оқушыларды «сәлемдесу»ұғымын түсінуге жетелейді.

Сұрақтар:

- Балалар мектептен қайтар жолда кімдерді кездестіреді?

- Кездескен адамдарға қалай амандасады?

- Үлкен адамдарға, ақ жаулықты әжелерге, апа-ағаларға қалай сәлем береді?

- «Сәлем – сөздің анасы» деп неліктен айтады?

- Адамдар бір-бірімен не үшін сәлемдеседі?

- Өзің кімдермен, қалай сәлемдесесің?

Оқушылар өлеңді мәнерлеп айтады. Өлең мазмұнынан түсінгендерін ортаға салады .

Сұрақтардың көмегімен оқушылар

«сәлемдесу» ұғымын және адамдардың жасына қарай сәлемдесудің де ерекшелігі бар екенін түсінеді.

Оқулық,

60-бет

3. Жағымды ой-пікір (дәйексөз) (3-4 мин)

«Сыйласаң, сыйлы боларсың».

Нақыл сөз

-Дәйексөздің мағынасын қалай түсіндіңдер?

- Неге өзің сыйлаған кезде ғана сыйлы боласың?

Мұғалім дәйексөздің мағынасын оқушылармен бірге талдап, олардың пікірін тыңдағаннан кейін қорытынды жасайды және дәптерге жазуды ұсынады.

Оқушылар нақыл сөздің мағынасын талқылайды,

оны 2-3 рет қайталайды және дәптерге жазады.

Презентация,слайд.

Жұмыс дәптерлері.

4. Оқиғалар айту (әңгімелесу)

(3-7 мин)

Мұғалім «Бағың нұрлансын,балам!» Толымбек Әбдірайымның әңгімесін айтып береді.

Әбуталап қарияның қалаға қоныс аударғанына көп бола қойған жоқ. Ауылдағыдай емес, мұндағы тірлік арсы-гүрсі, қым-қуыт па дейсің.Көп қабатты үйдің тұрғындары ертемен жұмыстарына кетеді.Кешке қарай оралысымен үйді-үйлеріне кіріп, есіктерін тарс бекітіп, қайтып көріне қоймайды.Көлеңке ұзарып, іңір қараңғылығы қоюланғанша есік алдындағы ағаш орындықтардың біріне жайғасып жан-жағына қарап отырады. Бұл жерде де немерелерін ойнатқан бірді-екілі үлкен кісілерден өзге ешкім көзге шалынбайды.

  Біраздан байқап жүр, бұлар тұратын екінші қабаттағы қарама-қарсы пәтердегі кішкентай ұл қарияның қасынан үндемей өте шығады. Өзі пысық бала сияқты. Тап-тұйнақтай киініп, қоңыр сөмкесін арқалап тымпың-тымпың кетіп бара жатқанымен, үлкен адаммен сәлемдесуді білмейді. Кіп-кішкентай болып, ол да асығыс.

  Күн бесінге таяған мезгіл. Асыға адымдап қасынан өте берген ұлды қария тоқтатты.

-Балам кішкене аялдашы!

  Кішкентай ұл кідірді.

- Атың кім?

- Асхат.

- Қай сыныпта оқисың?

 - Төртіншіде.

 - Сабағың қалай?

 - Жақсы.

  - Бестік бағаларың көп пе?

  - Ия, ата! Бір сабақтан төртім бар.

  - Әке-шешең үлкен кісімен амандас деп

айтпай ма?

  -Айтады.

- Ендеше, неге амандаспайсың?!

 Асхат жауап қайтармады. Басын төмен тұқыртып тұрып қалды.

  - Жә, қысылма! Онда былай етейік. Сен осы жерде тұр, мен үйден шығып келе жатайын. Мені көргенде «Ассалаумағалейкум» деп даусыңды шығарыңқырап амандас, жарай ма?

- Жарайды.

Қария подьезге еніп, ұзамай қайыра шықты. Оны көрген Асхат:

- Ассалаумағалейкум, ата! – деді дауыстап.

- Уағалейкумассалам! Өркенің өссін шырағым! – деді қария.

    Әбуталап ата бұл жаттығуын ерінбей бес рет қайталады.

    Арада үш күн өтті. Әбуталап ақсақал есік алдында отырған. Әкесіне еріп есік алдына шыққан Асхат қарияны көре сала:

- Ассалаумағалейкум, ата! – деді жүгіріп келіп.

  - Айналайын, үлкен жігіт бол! – деді ата риза пейілмен.

  - Сіз туралы естігем, - деді Асхаттың әкесі.

- Сыртыңыздан жақсы білеміз. Өзім де танысайын деп жүр едім.

- Оқасы жоқ шырағым! Танысын, танымасын жасы кіші адамдардың, оның ішінде балалардың үлкен кісіге сәлем беруі адамгершілік, ізет-ілтипат! Осыны естеріңде ұстаңдар!

- Ал, Асхат құлыншақ, қолыңды жай, бата берейін!

Асхат пен әкесі қолдарын жайды.

Жортқанда, балам жолың болсын!

       Өмір жасың ұзақ болсын!

       Қатарыңнан озған өрен бол,

       Теңіздейін терең бол!

       Ақылың ассын,

       Ықыласың тассын!

       Сағың сынбасын,

       Бағың нұрлансын!

       Аллаһуәкбар!

       Әумин!

 Содан бастап Асхат үлкен кісілерді көрсе сәлемдесіп жүретін болды. 

Сұрақтар:

- Әбуталап қария қайда қоныс аударды?

- Қаланың тіршілігі қандай еді?

- Атай кішкентай баланы не үшін шақырып алды?

- Атай сәлемдесді Асхатқа неліктен іс-әрекетпен көрсетті деп ойлайсыңдар?

- Асхаттың әкесі атайға не айтты?

- Сыйластық неден басталады деп ойлайсыңдар?

- «Сәлемі түзу» дегенді қалай түсінесіңдер?

- Ойланып көріші, өзің күнделікті өмірде ізеттілігіңді қалай көрсетіп жүрсің?

Оқушылар оқиғаны тыңдағаннан кейін, мұғалімнің сұрақтарына жа-

уап бере отырып, ізеттілік, әдепті-

лік және дұрыс сәлемдесу арқылы сыйластыққа жете алатыны туралы ойланады.

5. Шығармашы

лық жұмыс

(12-15 мин)

Оқушылар қаиеттердің аты жазылған түрлі түсті қағазды қалаулары бойынша алады.

Әр топ өздеріне берілген тапсырмаларды орындайды.

Жұмыстарын шығып қорғайды.

Баяу әуен қойылады.

https://youtu.be/LCiAfCCwc7A

Сахналық көрініске қажетті заттар, сөзжұмбақ кестесі сызылған және суретері жапсырыл

ған А3 форматын

дағы қағаз

6. Үй тапсырмасы (1-2 мин)

Алдын ала берілген үй тапсырмасы:

оқулықтан №14 сабақ, 62-бет, Шәкен Күмісбайұлының «Гүл» әңгімесін оқу, сұрақтарға жауап беру.

Оқушылар үй тапсырмасын күнделіктеріне жазып алады.

7. Топпен ән айту

(2-3 мин)

Мұғалім оқушылармен бірге қосылып айтады.

Дос болайық бәріміз!

Сөзін жазған: Х.Талғаров

Әнін жазған: И.Нүсіпбаев

Әрқашан дос, біргеміз,

Ажырамас іргеміз,

Ілгері жүріңдер.

Достық жырын біліңдер,

Ту ғып ұстап бірлікті

Еңбекті сүйіңдер!

Дос болайық бәріміз,

Жарасып тұр әніміз.

Тыныштықты сақтаймыз,

Атсын күліп таңымыз!

Қайраттанып қарышта,

Озып шыққан жарыста.

Батыл бас, жас ұлан!

Самға биік,алысқа,

Жұлдыздарға, ғарышқа,

Бойда күш тасыған.

Отан біздің анамыз,

Аман жүрсін анамыз,

Нұрлы күн сөнбесін.

Бақыт болып жанамыз,

Жарық біздің санамыз,

Қара бұлт төнбесін.

Оқушылар мұғаліммен бірге ән шырқайды.

Экранға өлеңнің мәтіні көрсетіледі.

https://youtu.be/p8FyBNFO0ak

8. Сабақтың қортынды сәті (1 мин)

Мұғалім оқушыларға сабақта айтылған жақсы қасиеттерді еске түсіріп, оны жүрегіне сақтауды ұсынады. Мұғалім оқушыларға үлкенді сыйлап, дұрыс сәлем беріп әдепті болуға тілек білдіріп, бүгінгі сабақ үшін рақмет айтады.

Оқушылар рефлексия жасайды.

Баяу музыка қойылады.

«Хрустальная грусть» Музыка А.Захаренко

https://youtu.be/LCiAfCCwc7A