Отан сүйген ұланбыз

Сабақтың мақсаты: - балалардың «Отан», «махаббат» құндылықтары туралы түсініктерін кеңейту.

Сабақтың міндеттері: - Отанға махаббат түсініктерін қалыптастыру.

- Отанға деген сүйіспеншілік сезімдерін қалыптастыру;

- Отанын сүюге, мақтан тұтуға, құрметтеуге тәрбиелеу.

Фотосуреттер, плакат, маркер, үлестірме қағаз.

Сабақтың барысы: а) Ұйымдастыру кезеңі.

-оқушылармен сәлемдесу.

- сынып тазалығына көңіл бөлу. (Сандар арқылы топқа бөлу.)

Тыныштық сәті. «Ғажайып баққа саяхат » баяу әуен ойнайды.

2. Үй тапсырмасын тексеру: «Туысқан ел» атты өлеңді жатқа сұрау.

- «Терезесі тең жатыр» дегенді қалай түсінеміз?

Сабақ барысын талқылау. Топқа бөлу.

(Тәртіп, талап, тазалық, тыныштық, татулық) сақтау керектігін еске түсіру.

3. Дәйексөз: «Отан үшін отқа түс - күймейсің» - деген халық мақалын бүгінгі сабақтың дәйексөзі ретінде түсіндіру және жаттап келу.

- Отан неліктен қымбат?

- Отанға деген сүйіспеншіліктеріңді қалай көрсетер едіңдер?

Б. Момышұлы мысалдар келтіру арқылы дәйексөздің мағынасын ашу.

4. Әңгімелесу (сұхбат) «Біздің Мәншүк» атты мәтінді оқыту және талдау.

Қорыту:

- Мәншүк Мәметованың жаудан қаймықпай ерлік көрсетуінің себебі неде деп ойлайсыздар?

- Мәншүк Мәметованы ерлікке қанадай сезім жетеледі деп ойласыздар?

Е. Естаевтың әңгімесін оқыту және талқылау , сұрақтар қою.

5. Шығармашылық жұмыс, топтық жұмыс.

Оқушылардың даналық сөздердің мәнін түсінетіндігін байқау және шығармашылық ойларын дамыту мақсатында жаттығу-ойлану жұмысы жүргізіледі.

Балалар 2- топқа бөлінеді. Әр топ өзіне берілген өлең жолдарына ұқсас өнегелі өлең құрастырады және мақал-мәтелдер айтудан жарысады.

Флипчерт және түсті бояулар. Әр топ өз жұмыстарын ортада қорғайды.

6. Топпен ән айту. «Отан туралы»

Мен оның түнін сүйем,күнін сүйем,

Ағынды өзен, асқар тау, гүлін сүйем,

Мен оның қасиетті тілін сүйемін,

Мен оның құдіретті үнін сүйем.

Отан! Отан!

Бәрінен биік екен,

Мен оны мәңгілікке сүйіп өтем.

АКТ-ны пайдалану.

Оқушылар бірге әнді қосылып шырқайды.

7. Үй тапсырмасы. № 1 «Өсіп келе жатырмын» өлеңін жаттау.

Келесі сабақ. № 2 «Отан сүйер ұлан бол!» атты мәтінді мәнерлеп оқып келу.

Қорытынды.

Күнделікке жазып алады.

8. Соңғы тыныштық сәті. Баяу әуен қойылады. Бүгінгі сабақтан игерген жақсы қасиеттерді есімізге түсіріп, жүрегімізге сақтайық. «Сүйіспеншілік, сүйіспеншілік бар жерде, сүйіспеншілік, сүйіспеншілік» бүкіл әлемде.