"Мен өскенде кім боламын?"

«№ 42 жанында интернаты бар жалпы орта білім беретін мектеп»КММ

Тәрбие сағаты

Мен өскенде кім болам?

Тәрбиеші: Базарбекова Г.

Семей қаласы

2017-2018 оқу жылы

Тақырыбы: Мен өскенде Кім болам?

Мақсаты: Балалардың мамандық туралы түсініктерін дамыту, кеңейту. Мамандық ерекшеліктері мен пайдасын ажырата білуін үйрету. Балалардың сөздік қорын молайтып, байланыстыра сөйлеуін жетілдіру. Тілін дамытып, әр бала өз ойын еркін айта білуге дағдыландыру. Әр мамандық түріне керек құралдарын білуге үйрету. 

Сабақтың түрі: танымдық сабақ
Әдіс-тәсілі:  түсіндіру, көрсету, әңгімелесу, әңгімелеу, сұрақ-жауап, ойын, , мақтап-мадақтау. 

Пайдаланған көрнекі құрал: мамандық туралы суреттер, ойынға керекті көрнекіліктер, слайд,бейнебаян.

Сабақ барысы: 

1.Ұйымдастыру кезеңі:

Тәрбиеші: - Сәлеметсіңдер ме? балалар, құреметті ата -аналар!!! Балалар біздің ашық тәрбие сабағымызға қонақтар келіп отыр. Барлығымыз орнымыздан турып қонақтармен сәлемдесіп алайық. Балалар әлемде 40 мыңға жуық мамандықтар бар екен. Осы мамандықтар арасында таңдау жасау өте қиын екен. Балалар енді көздеріңді бір сәтке жұма отырып «Мен өскендекім болам? »деген сұраққа армандап көріңдерші.

-Сонымен кімнің қандай арманы бар?

-Өте жақсы балалар сендердің армандарын орындалуына тілектеспін.

Мамандық тандау үшін, ең алдымен өзің,өз бейімділігін тануы қажет. Ең бастысы адам еңбекке қабілетті зейінді болуы керек.

Оқушылар мамандықтар жайлы өлең жолдарын тындайық.

1- оқушы: Біз ұшқыш та, ғарышкер, 
Батыл жандар намыскер, 
Көк күмбезін құшамыз, 
Ғарышқа да ұшамыз. 

2- оқушы: Біз дәрігер, дәрігер, 
Ауруды емдеп жазамыз. 
Науқас келсе, әбігер, 
Боламыз да қаламыз. 

3- оқушы: Біз мұғалім, ұстазбыз, 
Игі істерге құштармыз. 
Білім беріп шәкіртке, 
Шақырамыз тәртіпке. 

Сұрақ жауап: Ал енді балалар мен сендерге мамандықтардың атын атаймын. Сендер - қайда, не істейді? деген сұраққа жауап беріп көріңдер.
- Менің анам – дәрігер, мұғалім, тәрбиеші т.б. 
- Дәрігер не істейді? Мұғалім деген кім? т.б. (кітаптар бойынша айтып беру) 
- Дәрігер, мұғалім қандай болу керек? 
- Мейірімді, ұқыпты, әдепті. . 
- Ендеше біздің бейнебаянға назар аударайық біздің кішкене бүлдіршіндеріміздің қандай мамандықтарды армандайды екен ? 

Сергіту сәті:

Анам менің сауыншы, 
Апам менің сауыншы, 
Әкем менің қауыншы, 
Атам болса ол ұста, 
Бәрі-бәрі жұмыста, 
Отырмаймын мен текке, 
Кеттім мен де мектепке. 

- Ал, балалар бірге «Мамандықтың бәрі жақсы» ойынын ойнап көрейік. 

Ойынның шарты: Кез - келген оқушыға бір әріпті айтамын сендер сол дыбыстан басталатын мамандықты атаңдар: М - А - К- Д- Р- Ұ

- Жарайды балалар өте жақсы, жарайсыңдар!!!. 
- Балалар мамандыққа байланысты жұмбақтар да бар екен.

Білімнің дәнін тереді,

Балаға тәлім береді.    (…….)

Адамның жүзін,

Басы мен көзін.

Айнытпай келбетін,

Салатын кім суретін?   (…….)

Қалпағы ақ қарасаң,

Дәрігер емес, бірақ ол.  (…….)

Өскен шашты жаратпайтын,

Қайшысы бар жалақтайтын.  (……..)

«Өз жұлдызыңды жақ» (жоба құрастыру).
Ол үшін сіздерге А4 үлгідегі ақ қағаз бен маркер беремін. Жобаны өз мамандықтарыныңыздың қызығы мен қиындығын, жетістігі мен кемшілігін түсіне отырып болашақта өз таңдаған мамандық саласы бойынша мақсатыңызды жоба түрінде көрсетіп беріңіздер. (3 минут уақыт беріледі) 

Рефлексия:«Армандарға жетсек деген тілекпен» деп аталады. 
Қазақстанның символына айналған бәйтеректей әрқайсыларыңыз қалаған мамандығымыздың бәйтерегіне айналыңыздар деп бір-бірімізге жақсы тілектер арнайық.

  Мамандықтың жақсы бәрі, 
Армандай біл таңда да, 
Бір мамандық ап шығады, 
Күні ертең бар бала. 

Тігінші қыстық киім тігіпті, түймесін тағуды ұмытып кетіпті. Егер сендерге сабақ ұнаса, қызыл түсті түйме тағыңдар, ұнамаса көк түсті түйме тағыңдар. 

Қорытынды: Әбунасыр әл Фараби «... Адам кез-келген жұмысқа жарамды бола бермейді... жұмысты неғұрлым жетік және жақсы атқарса білгір және шебер болып шығады. Қандай әрекет, қандай іс істесек те, содан рахмет табу, соның рахатын көру біздің мақсатымыз болып табылады» деген

Тәрбиеші: Қол ұстасып тұрайық, 
Шеңберді біз құрайық. 
Көріскенше күн жақсы, 
Сау-саламат болайық.