Ана тілі. 3 сынып. Сабақтың тақырыбы: Мейірім. Сабақтың мақсаты: 1. Білімділігі: С. Бегалиннің «Мейірім» мәтінінің мазмұнын түсіндіру, идеясын анықтау. 2. Дамытушылығы: Негізгі ойды анықтау, сипаттама беруге, мінездеме беруге жаттықтыру. 3. Тәрбиелігі: Оқушыларды адамгершілікке, мейірімділікке тәрбиелеу. Сабақ көрнекілігі: суреттер, дидактикалық материалдар, суреттер топтамасы, таратпа материалдар. Сабақ түрі: Аралас сабақ. Сабақ әдісі: сұрақ – жауап, түсіндіру, салыстыру, даналық ағашын пайдалану, тест сұрақтары. Сабақтың жүрісі: I. Ұйымдастыру. II. Өткенді пысықтау. Абай мен Әбіш 1. Абай кім? Ол туралы не білесің? 2. Әбдірахман кім? Әкесі қалай атады? Әкесі баласын қалай сынады? Қалай жауап берді? 3. Саған кімнің жауабы ұнады? Сен қалай жауап берер едің? III. Жаңа сабақ. 1. Суреттер топтамасы арқылы. Сапарғали Бегалин - балалар жазушысы. 1895 - 1983. Кітаптары: «Сәтжан»,»Шоқан асулары», «Әңгімелер». 2. Сөзжұмбақ шешу. «Шоқан». 3. Мәтінді жоспар бойынша түсіндіру. Жоспар. 1) Шоқанның әкесі туралы. 2) Көрші ауыл жылқышылары. 3) Егіншілер. 4) Шоқанның ісі. 5) Шегеннің ашуы. 6) Шыңғыстың ауылы. 7). Мейірім. 8) Риза болу. 4. Мәтінді түсініп, тізбектей оқу. 5. Сөздік жұмысы. 6. Сұрақтар мен тапсырмалар. 7. Мінездеме беру. 8. Ой қозғау. «Кімдікі дұрыс?» 9. Сипаттау. Шоқан - қарапайым, адал, шыншыл, ақылды, мейірімді. ( сызба арқылы.) 10. Бөлімдерге бөлу, ат қою. 11. Өрескел, өктемдік, содырлық сөздерінің мағыналық қатарын табу. 12. Тест жүргізу.
1. Шеген ауылының жылқышылары егіншілерге не істеді? А) жақсылық ә) үстемдік 3) мейірімділік. 2. Оларға кім араша түсті? А) Шеген ә) Жазықбай б) Шоқан 3. Шоқан егіншілерге қандай сезім білдірді? А) аяушылық ә) реніш б) қаталдық. 4. Әкесі Шоқанды қалай түсінді? А) қате ә) дұрыс б) дұрыс емес. 5. Шыңғыс Шегенге неге қарсылық білдірмеді? А) қорықты ә) сескенді б) аға деп сыйлады. 13. Топтық сайыс. Даналық ағашы арқылы қорытындылау. Бағалау. Үйге тапсырма беру.
Әдебиеттік оқу
Сабақтың тақырыбы: Міржақып Дулатов."Қоян" Сабақтың мақсаты: а) Оқушылар қыс мезгіліндегі аңдардың тіршілігі туралы оқып үйренеді, топтық жұмыстарды орындауға бейімделеді; ә) Өз ойын толық жеткізіп сөйлеу дағдысы қалыптасады, оқу техникасы жетіледі; б)Табиғаттан үйрену арқылы зерделі болуға, бақылағыштыққа тәрбиеленеді. Сабақтың түрі: Аралас сабақ Сабақтың әдісі: СТО стратегиялары; сұрақ-жауап, түсіндіру, әңгімелеу, көрнекілік әдістері; АКТ модульі Көрнекілік және қажетті құралдар: Дидактикалық материалдар, электрондық оқулық, дәптер, қалам. Сабақтың барысы: І.Ұйымдастыру кезеңі: -Оқушылармен амандасу. -Балалар, үйге қандай тапсырма берілді? -Мағжан Жұмабаев «Аққала» өлеңінің бір шумағын жатқа мәнерлеп оқу. -Аққала өлеңінде қыстың қандай бейнесі суреттелген? -Көңілді. -Ал сендердің көңіл – күйлерің қандай? -Көңілді (Орнында отырып смайлик көтеру). -Олай болса жоғары көңіл күймен үй тапсырманы қаншалықты игергенімізді көрсетейік. Ол үшін біз топтарға бөлініп алайық. Қызығушылықты арттыру. Жұмбақ жасыру. 1. Секектеп бір тұрмайды, Өреден құрт ұрлайды. (Сауысқан). -Өре сөзі бізге таныс па? 2. Сылдырдан қорқады, Шошынып жортады. (Қоян). -Қар ұлпаларының артына қоян және сауысқан сөздерін жазып тарату ақылы екі топпен жұмыс жүргізуге мүмкіндік туғызу. (Әр топта 11оқушыдан болады) ІІ.Үй тапсырмасын сұрау: «Аққала жасау» ойыны арқылы сұрақ-жауап, әңгімелеу әдісі қамтылады. 1. Қысқы ойын түрлерін айт. (сырғанақ, аққала, коньки, шаңғы тебу, хоккей) 2. Аққала өлеңінің авторы жайлы не білесің? 3. Өлеңде ақын қолданған көркем сөздерді ата. (күміс қарға көбіктей теңеу, сүңгіп алып сүліктей теңеу, күлкілері-меруерт теңеу)
Сөздікпен жұмыс Көбіктей-жаңа жауған, әлі жел қағып қатпаған бос қар
Сүліктей- сүлік -арам қан сорғыш (жабысты)
Меруерт- бағалы тас 4. «Қарды соғып төрт бұрыш» деген жолдан бастап өлеңді жатқа айт. 5. Өлеңде «кесеге» сөзінің мағынасы нені білдіріп тұр? (мұнда: қатқан қардан кесек ойып алу) 6. Қыс айында құстар қалай тіршілік етеді? (отырықшы құстар туралы айту). 7. Аңдар қыста тіршілігін қалай жалғастырады? ІІІ. Жаңа сабақ. (жалпы 20 минут) 1. «Ойлы бала озар» Көру арқылы есте сақтау қабілетін тексеру. Суретке зер салып, бес түрлі айырмашылығын тап. (1 минут) (Жауабы:1.Сауысқанның басы жоғары қарап тұр, төмен қарап тұр. 2. Құйрығы жоғары, жатық.
3. Қоянның құлағы тік, жатық. 4. Қоянның көзі ашық, жабық.
5. Қоян ағаштың сол жағында, оң жағында) 2. Топтық жұмыс. Суретте көрсетілген аң мен құс туралы не білесіңдер? «Топтастыру» стратегиясын қолдану. 3 минут. Сауысқан тобынан күтілетін жауаптар: тірі табиғат, құстар класына жатады, отырықшы құс, қыстап қалады, өте сақ, ұрлық жасайды, жәндіктер және өсімдік қабығындағы дернәсілдермен қоректенеді. Қоян тобынан күтілетін жауаптар: тірі табиғат, аң,өйткені денесін жүн басқан,қоян баласы-көжек, жыл мезгіліне сай киімін өзгертіп, жауынан қорғанады, өте көбейгіш, үш ай сайын көбейеді, бірақ мейірімсіз, көжегін тастап кетеді. 3. Сергіту сәті. (1 минут) Қоянға тиісті іс-әрекет айтылса, қоян қимылын салу, сауысқанға тиісті іс-әрекет айтылса, сауысқан қимылын салу. 4. Оқулықпен жұмыс. 128-129 беттегі мәтінге назар аударайық. «Қоян» 5. Автор тану. М.Дулатов туралы түсінік беру. (слайдпен жұмыс) 3 минут 6. «Өзім үшін» стратегиясы. (СТО) -Тақырып хабарланады «Қоян»;
Электрондық оқулық арқылы мәтін тыңдалады; -Әркім өзі үшін мәтінді іштей оқиды; -Әркім өзі үшін қажетті мәліметті түртіп алады; -Топта сурет салуда қолданады -Қорытынды пікірлер сұралады. Постер қорғауда қамтылуы керек мәселелер: (слайдтан көру) -Қоян құлағын түріп не істеді? -Келе жатқан кімдер еді? -Олар не жайлы әңгімелесті? -Қоянның саяхаты немен аяқталды? ІҮ. Қорыту. Бағалау. -Бүгінгі сабақтан не жайлы білдік? Енді осы қоянның алты жақты қыры неде екенін сараптайық. «Кубизм» стратегиясы. Байланыстырыңыз. (Пайдалы жағын өмірмен байланыстыру) Қарс шығыңыз. (Зияндылығы) Саралаңыз. (Шығу тарихы, неден) Салыстырыңыз. (Екінші бір нәрсемен) Суреттеңіз. (Сипаттау) Қолданыңыз. (Қоян рөліне ену) -Оқушылардың топтық жұмыстардағы белсенділіктерін, жинаған қар ұлпаларының санын есептеп, жеке және топтық бағалауды ұйымдастыру. 7 - 6 қар ұлпа жинаған оқушы – «5» бағасын, 5 - 4 қар ұлпа жинаған оқушы – «4» бағасын, 3 - 2 қар ұлпа жинаған оқушы – «3» бағасын алады. Ү.Үй жұмысын беру. 1. Міржақып Дулатовтың «Қоян» әңгімесін оқу, түсінігін айту. 2. М.Дулатов шығармашылығы, қыста аңдар мен жануарлар тіршілігі туралы өзің оқыған кітаптан, көргеніңнен, естігендеріңнен мәлімет жина.
