Математикадан сабақ жоспары(4 класс)

Сабақтың тақырыбы

Математика және тұрмыс

Сабақтың мақсаты

Академиялық білімі мен дағдыларын түрлі өмірлік жағдайларда қолдануға және қабілетін анықтауға бағытталған. Топта жұмыс істеу, компьютермен жұмыс жасау дағдыларын қалыптастыру, шығармашылықтарын арттыру. Алған білімдерін өмірде пайдалана білу.

Оқу міндеті

Оқушылардың оқу белсенділігін арттыруда тәжірибелік жұмыс арқылы бала жауабы қадағаланады және сол тапсырмалар арқылы өз ойын еркін жеткізуге дағдыланады, іскерлігін көрсетеді.

Күтілетін нәтиже

Оқушылардың іскерлігі, тапсырмалар орындау барысында функционалдық сауаттылығы артады. Инттелектуалдық деңгейі мен өмірлік көзқарастарында өзгерістер болады. Ізденуге ықпал етеді. Өмірге қызығушылығы пайда болады, қорытынды жасайды. Компьютерде шығармашылық тапсырмаларды орындауға үйренеді. Үй тұрмысында өзінің білімі арқылы үлесін қоса алатынын сезінеді.

Сабақтың түрі

Іскерлік, кіріктірілген сабақ

Қолданылатын әдіс- тәсілдер

Жұптық, топтық жұмыс, дарынды оқушымен жұмыс, СТО стратегиялары, АКТ, бағалау

Сабақтың кезеңдері

Уақыты

Мұғалімнің іс-әрекеті

Оқушылардың іс-әрекеті

Бағалау

Нәтиже

Ресурс

Ескерту

Ұйымдастыру кезеңі

2 мин.

Оқушыларға әр түрлі фигуралар үлестіріледі.

Оқушылар фигуралардың түрі бойынша төрт топқа 6-7 оқушыдан бөлінеді.

1-тапсырма

6 мин.

Теориялық бөлім

Берілген фигуралардың ауданы мен периметрін табады.

І топ – тік төртбұрыштың периметрін табады.

ІІ топ – шаршының периметрін табады.

ІІІ топ – тік төртбұрыштың ауданын табады.

IV топ – шаршының ауданын табады.

Жұмысты постерде орындайды.

Оқушылар берілген фигуралардың ұзындығы мен енін тауып P, S есептейді. Сағат тілі бойынша постерлерін ауыстырады, өзге топтың тапсырмасын тексереді.

Топ өзін-өзі бақылау парағы бойынша бағалайды

Өз білімін жинақтап айтады. Басқаға көмек көрсетіп, жетелейді.

Тіктөрт-бұрыш-тар мен шаршы-лар.

Ой толғау

2 мин

Тапсырма орындау барысында алған білімдерін өмірде қалай қолданады.

Оқушылар өз ойларын, пікірлерін ортаға салады.

Келесі кезеңде берілетін тапсырмаларға ой туғызады.

2-тапсырма

12 мин.

«Іскерлік шеберханасы»

І топ- сыныптағы еденнің ауданын табу және оған қанша төсеніш(линолеум) жұмсалатынын есептеп шығару.

ІІ топ – сынып еденіне жұмсалатын плинтус ұзындығын есептеп шығару.

ІІІ топ - плинтусты бекіту үшін қанша шұрып жұмсалатынын есептеу(егер 1 метрге – 3 шұрып орнатылса)

IV топ – сыныптың бір қабырғасына қанша тұсқағаз жұмсалатынын есептеу (егер 1 орамда – 10 метр, ал ені – 50 см болса)

І топ- ауданын есептейді, төсеніштің қанша м² жұмсалатынын табады.

ІІ топ- Периметрін табу арқылы плинтустың санын шығарады.

ІІІ топ- Периметрін табу арқылы шұрып санын есептейді.

IV топ – Аудан есептеу арқылы тұсқағаз санын есептейді.

Топ өзін-өзі бақылау парағы бойынша бағалайды.

Теориялық білімі анықталады. Академиялық білімі мен дағдысын практикада көрсете алады.

Метр, қарындаш сызғыш, төсеніш, плинтус, шұрып, тұсқағаз қиынды-лары

Сергіту сәті

2 мин

«Тынығу бөлімі»

Информатика кабинетінде интерактивті тақта арқылы «Қаражорға» биінің бейнетаспасы көрсетіледі.

Оқушылар би элементтерін қайталайды.

Оқушылар сергіп, ойын жинақтайды.

Деңгейлік тапсырмалар орындау.

15 мин

«Шығармашылық шеберханасы»

А деңгей

1.Компьютерде Paint графикалық редакторында өз бөлмесінің эскизін жасайды.

а) «Тік төртбұрыш» құралы арқылы бөлмені салу

ә) Еденді «құю» құралы арқылы әр түрлі түспен әрлендіреді.

б) Әр түрлі фигураларды қолдану арқылы бөлменің жиһаздарын салады.

Оқушылар бағдарлама құралдары арқылы жұмыс жасайды, әр түрлі түстерді қолданады.

Жұптық бағалау

Функционалдық сауатты-лығы және компьютерде Paint бағдарла-масында жұмыс істеу дағдылары артады.

Оқушылардың шығармашылық деңгейі анықталады.

Компью-тер.

В деңгей

1.Компьютерде Paint графикалық редакторында

өз қиялындағы үйдің макетін салу.

а) үйдің есігін салу

ә) үйдің терезесін салу

б) ауланы гүл және ағаштармен безендіру.

в) ойнайтын алаңды жасау

Оқушылар бағдарлама құралдары арқылы жұмыс жасайды, әр түрлі түстерді қолданады.

Жұптық бағалау

Функционалдық сауаттылығы және компью-терде Paint -та жұмыс істеу дағдылары артады. Оқушылардың шығармашылық деңгейі анықталады.

Компью-тер.

Дарынды оқушымен жұмыс

С деңгей.

1.Sweet home 3D бағдарламасында өз қиялындағы бөлмесінің интерьерін жасау.

а) Бөлмені тұрғызу

ә) Терезе және есігін құру

б) Бөлме қабырғасына өзіне ұнайтын тұсқағазды жапсыру.

в) Бөлме еденіне төсеніш(линолеум) төсеу.

г) Еденнің плинтусын келтіру.

2. Бөлмені бағдарламаның дайын компоненттері арқылы жиһаздармен безендіру.

Оқушы бағдарламада берілген компоненттерді пайдалану арқылы өзінің қиялындағы бөлме эскизін жасайды, интерьерін құрайды.

Информатика пәні мұғалімі Sweet home 3D бағдар-ламасын қаншалық-ты меңгер-гендігін бағалайды.

Өз қиялындағы бөлмені жасап интерьерін құрайды. Оқушының танымдық-шығармашылық деңгейі анықталады.

Компью-тер.

Кері байланыс

3 мин

Оқушыларға үш түсте стикерлер таратылады. Қойылған критерийлерге байланысты сәйкес стиккерлерін жапсырады.

Оқушылар өздерінің тақырыпты меңгеру деңгейіне қарай бағалайды.

Оқушы өзін-өзі бағалайды

Өзін-өзі әділ, нақты бағалайды.

Сабақты қорытындылау

3 мин

Топ жетекшілерін тыңдау.

Топтың жұмысын бағалануы.