"Хх дыбысы мен ?рпі"

Гульжанара Аскарова

Ембі қалалық №3 ОМ бастауыш сынып мұғалімі

Сабақтың тақырыбы: Хх дыбысы мен әрпі

Сабақтың мақсаты: Дыбыстарды таныту.жазба,баспа,жазу

емлесін таныстыру. Х әрпі арқылы жаңа сөзді

оқып,сөз, сөйлем ойлауға ,тілдік қорын

байытуға дағдыландыру.

Сабақ түрі : аралас

Сабақ типі : жаңа білімді меңгерту

Оқытудың формасы : топтық

Сабақтың әдісі : проблемалық,ойын, ой қозғау, сұрақ жауап,көрнекілік, түсіндіру

Пәнаралық байланыс :дүниетану, математика

Көрнекілік: теледидар макеті,Еларна,Қазақстан,Хабар,әріптер, аю,қоян,арыстан суреті

Сабақ барысы.

1.Ұйымдастыру бөлімі.

-Оқушыларды түгендеу, Сабаққа әзірлеу.

Қуанамын мен де,

Қуанасын сен де.

Қуатайық достарым,

Арайлап атқан күнге.

2 .Психологиялық дайындық.

-Балалар, теледидардан балаларға арнап көрсетілетін нелер бар ?

-Қай телеарнадан сүйікті мультфильмдерінді көресіңдер?

-Дара, Алдар көсе, Сүйкімді Мая, Том мен Джерри т.с.с

- Жақсы, балалар бүгінгі сабағымыз ерекше болмақ. Мен, сендерге теледидар әкелдім. Оны маған сиқыршы берді.Қазір біз әр теле арналарды ашып , саяхат жасаймыз. Қазір теле арнаны қосамыз.

-Тық, тық, тық,

Мынау сиқырлы сандық.

Қос ,қос,қос,

Сиқырлы сандықты қос.

-Мынау қай теле арна?

-Қазақстан.

-Қазақстан теле арнасында «Жүзден жүйрік » ойыны жүріп жатыр. -Бұл ойынды білеміз бе ? қане, осы ойынды өзімізше ойнайық.

-Әр оқушыға әріп беремін,әріпке орай сөз ойлайды, оны тақтаға жазады, дыбыстық талдау жасайды. Оқушылар еңбегі тексеріліп,әр балаға фишка беріледі.

-Жақсы балалар келесі теле арнаны көрейік.Мынау қай теле арна ?

-Еларна.

-Еларнада не болып жатыр екен ?

-Спорттық жарыс.Бұл теле арнадан спорттық жарыс өтіп жатыр екен.

-Балалар біз үйден қандай мәтін оқып келдік?

-Ия үйден «Жарыс» мәтінін оқып келдік, бұл мәтін не жайында еді?

-Балаларға мәтінді тізбектеп оқыту.

-Мәтіннің түсінгенін айтқызу.Мәтінде мәреге жеткен қай жануар ?

-Аю мәреге қалай жетті ?

-Оған не әсер етті ?

-Аралар болмағанда аю мәреге жете ме?

-Ал, енді келесі теле арнаны қарайық ?

-Мынау қай теле арна ?

-Хабар.

Бұл теле арнада не болып жатыр ? Бұл кім сөйлеп тұрған ?

-Н.Ә.Назарбаев

-Ел басы Н.Ә.назарбаев не айтып жатыр екен ,қане тыңдайық .

-Халқымыз біздің анамыз,

Халқымыз асыл панамыз.

Халыққа қызмет етеміз,

Халықтан куат аламыз.

-Елбасы не оқыды? Тақпақ кім жайында ?

-Тақпақтың әр жолы қандай әріптен басталған ?

-Х х әрпі мен дыбысы бізге таныс па ?

-Х әрпінен қандай сөз естідік , қане тізбектеп айтайық?

-Халқымыз, Халыққа, Халықтан жақсы осы сөздерді кім айтты ?

-Халық деген сөзді кім қалай түсінеді ? Біздің елбасымыз неге халық туралы тақпақ айтты ?

-Себебі ел басымыз, халық президенті, халық үшін жүрген ,халыққа қызмет ететін адам.

-Халық сөзі қандай әріптен басталады ?

-Олай болса біз бүгін х әрпі мен дыбысын өтеміз және танысамыз.

-Х әрпі мен дыбысы дауыссыз, қатаң.

-Қане дыбыстайықшы х х х

-Мынау х әрпінің баспа, жазба түрі.

-Ал мына суретке қарайықшы ,мына бала не істеп жатыр ?

-Ол бір нәрсе жазып отыр.

-Дұрыс ол хат жазып отыр.

-Хатта не жазылады ?

-Сендер кімге хат жазар едіңдер ? Ол хатқа не жазар едіңдер ?

-Жақсы балалар менің қолымда не ?

-Хат.

-Қане хат сөзін дыбыстайық, қане ауызшы дыбыстық талдау жасайық.

-Ал мына жаңа сөздерді хормен оқиық,әр сөздің мағынасын ашайық.

-Қай сөз түсініксіз болды ?

-Әр жаңа сөзге сөйлем ойлайықшы .

-Ал, мынау не? Тақырыбы не жайында?

-Кітапхана не нәрсе? Онда нелер болады ?

-Мына мәтінді кім оқып береді ? Оқушыларға мәтінді тізбектеп оқыту.

Мәтінмен жұмыс.

-Кітапхана қайда орналасқан ?

-Онда нелер болады ?

-Оған кімдер барады ?

-Кітап беретін адамды кім дейді ?

-Мәтіндегі кітапханашының аты кім екен ?

-Жақсы біздің мектепте де не бар ?

-Онда нелер көп ?

Сергіту сәті.

-Тақ,тақ,тақ,

Біз айтамыз тақпақ.

Ар,ар,ар,

Қыста түсер қар.

Тоқ,тоқ,тоқ,

Сыныбымда мақтаншақ жоқ.

Дәптермен жұмыс.

-Дәптерімді аламыз,

Қалға қалам аламыз.

Көлбеу қойып дәптерді,

Әдеміетіп жазамыз.

-Х әрпі қандай әріпке ұқсайды. Х әрпі екі элементтен тұрады. Х әрпін әуелі ауаға жазамыз. Кейін дәптерге жазамыз.

-Жазып болсақ Хабар теле арнасында «Сөз жасау » ойыны ойналғалы жатыр екен. Біз де өз шамамызды байқап көрейік.

-Қане іске сәт.

Ем ас

Шебер хана дәм хана

Дәрі ұста

-Біз сөз етіп жасаған мекемелерде нелер болады ? Нелер жасалады ?

-Дәріханада нелер болады ? кім жұмыс жасайды ?

- Шеберханада нелер болады ? онда кім жұмыс жасайды ?

Бекіту

-Хакім хат ашып отыр,

Хат ашып шатасып отыр,

Ол хатты қате ашып отыр.

-Қане осы жаңылтпашты кім қайталап бере алады ?

-Бүгін қандай әріппен таныстық? Ол қандай әріп ? Х әрпінен басталатын, х әрпі бар қандай сөзбен таныстық ?

-Х әрпі бар қандай сөз сендерге ұнады ?

-Қандай мәтінмен таныстық ? Онда не жайында жазылған ?

-Үйге мәтінді оқып, көшіріп жазу.

-Бағалау.