??стар ашы? саба?

Қамысбаева Сырсұлу Түркменбайқызы

Шардара аудандық білім бөліміне қарасты «Сырдария» жалпы орта мектебінің бастауыш сынып мұғалімі. Ол қазіргі заман талабына сай жас ұрпаққа сапалы білім мен саналы тәрбие беруде жан-жақты ізденіп, аянбай еңбек етіп келеді.Жаңаша әдістерді тиімді қолдана отырып,оқушылардың сөйлеу мәнерін, сөздік қорларын, қызығушылығын кеңейту мақсатында түрлі ойын элементтерін тиімді пайдалана отырып жеке тұлға қалыптастыруға өз үлесін қосуда.

С. Қамысбаеваның «Құстар» тақырыбында өткен ашық сабағын ұсынып отырмыз.

А.Әділбекова.

Бастауыш сынып оқу ісінің меңгерушісі.

Сабақтың тақырыбы: Құстар

Сабақтың мақсаты:

Білімділігі: Оқушыларға табиғат көркі құстар туралы,құстардың пайдасы туралы түсінік беріп, жыл құстарын қарсы алу.

Дамытушылығы: өз бетімен жұмыс жасауға, пәнге деген қызығушылығын ояту, сөйлеу шеберліктерін жетілдіру.

Тәрбиелігі:табиғатты сүйе білуге, құстарды қорғауға тәрбиелеу. Сабақ әдісі: топтық, үлестірме тапсырмалар.

Сабақ көрнекілігі: құстардың суреттері.

Сабақ барысы:1.Ұйымдастыру кезеңі.

Психологиялық дайындық.

Жарқырап күн ашылды,

Айналаға нұр шашылды.

Қайырлы күн! Біз көңілді баламыз

Қайырлы сәт! Сәлемдесіп аламыз

Мұғалім: Осы біздер қандаймыз?

Жасұлан:Талабы биік таудаймыз

Дәурен: Ақылдымыз, парасаттымыз, көңілдіміз,

Айдана:Үлкенге ізеттіміз

Бейбіт: Кішіге қамқормыз

Оралбек: Көп оқимыз

Көркемай:Өнерліміз

Камила:Жанып тұрған шырақпыз

Абдуллах:Елімізді өркендететін

Нұрайым: Бабаларға тағзым ететін

Барлығы: Біз қазақ елінің болашағымыз

Ел бақытының белгілеріне не жатады?

Рысдәулет: Білімді ұрпақ

Аружан: Тәрбиелі ұл- қыздар

Диана:Салт- сананы ұстанған ұрпақ

Нұрислам: Ата-ананы құрметтейтін саналы ұрпақ

Арай: Отанын шын сүйетін патриоттар

Әрине, білімді, тәрбиелі, отанын, табиғатын сүйетін, табиғатын қастерлеп қадірлейтін нағыз патриоттар сендерсіңдер.

Шығыстың ұлы ғұламасы Әбу Насыр Әл-Фараби

Тиянақты білім аламын десең,

Табиғаттың ұлы кітабын оқы.

дегендей бүгінгі сабағымызды бастаймыз

Сұрақ-жауап

1.Қазір жылдың қай мезгілі?

2.Көктемде қанша ай бар?

3.Сендерге көктем несімен ұнайды?

4.Көктемде қандай құстар ұшып келеді?

Бүгін бізде жыл құстары қонақта.

Жыл құстары арқылы топқа бөлу

Балалар, жыл құстары ұй тапсырмасына қалай дайындалып келгендеріңді білгісі келеді.

2.Үй тапсырмасын сұрау.

Мазмұнын сұрау.

Сұрақ- жауап арқылы қорытындылау.

Сүтқоректілер төлін қалай қоректендіреді?

Жыртқыштармен сүтқоректілердің аяқ айырмашылықтары қандай?

Суда тіршілік ететін сүтқоректілерді ата?

Тұяқты жануарларды ата?

Су жануарларын ата?

Жыртқыш жануарларды ата?

Кеміруші жануарларды ата?

Бағалап отыру

Сергіту сәті

Біздер жақсы баламыз,

Өсті ақыл санамыз.

Жарқырасын күніміз,

Жайнап тұрсын гүліміз.

Жақсы ниет тілекпен,

Бастайық жаңа сабақ бүгін біз.

3. Жаңа сабақ

Сөзжұмбақ

А Қ Қ У 1.Айдын көл еркесі.

Ұ З А Қ 2.Көктемде алғаш ұшып келетін

С А У Ы С Қ А Н 3.Жылтырға үйір құс

Т О Қ Ы Л Д А Қ 4. Орман емшісі

Ұ Л А Р 5. Таудың ең биік шыңында

Б Ү Р К І Т мекендейтін құс

6. Құс төресі

Жаңа сабағымыз «Құстар» деп аталады

Оқулықпен жұмыс

Мәтінді тізбектей оқыту.

Сұрақ- жауап алу арқылы пысықтау

1.Құстардың қанша түрі бар екен? 9 мың

2.Ең үлкен құс қандай құс? Түйе құс

Ең кіші құс қандай құс? Құрылтай

3.Біздің елімізде құс-ң қанша түрітіршілік етеді? 435 түрі

4.Ұшпайтын құс-ға қандай құстар жатады? Түйе құс.Пингвиндер

5.Құстар балапандарын қалай шығарады?

6.Ән салатын қандай құс? Бұлбұл

7.Құстардың қандай пайдасы бар?

8.Қаз-ң Қызыл кітабына құс-ң қанша түрі енген? 56 түрі

Балалар, сендер құстардың қанша жыл өмір сүретінін білгілерің келеме?

Жер бетінде 8600-ге жуық құстың түрі бар екен.Қазақстан Республикасында 474 құстың түрі бар екен.Солардың ішінде

Аққу-300 жыл,Тау қыраны-150-170 жыл, Бүркіт -120 жыл, Қарға-100 жыл, Жабайы қаздар-80жыл, Әнші құстар-20-30 жыл,

Бозторғай-13-14 жыл,Тырналар-40 жыл өмір сүреді екен.

Құстардың ең қырағысы-Сұңқар.Ол 1км қашықтықтан титімдей жәндікті көреді екен.

Сергіту сәті

Құстарға біз ұқсайық,

Қане, қанат жазайық.

Ұшып-ұшып алайық,

Орнымызға қонайық.

Балалар,ұшып кеген жыл құстары сендерге сыйлық ретінде әр топқа тапсырмалар ала келіпті.

1-тапсырма: «Сыйқырлы таяқша» ойыны

Шарты: Әр оқушы өзінің бойындағы жақсы қасиеттерін құстарға теңеп айтып шығу керек.

Бағалап отыру

2-тапсырма: «Білгенге маржан»

1-топ: «Құстар жайлы мақал-мәтелдер айту керек»

2-топ:«Құстарға байланысты болжамдар айту керек»

3-топ: «Құстар жайлы тыйым сөздер айту керек»

Бағалап отыру

3-тапсырма: «Ойлан, тап»

Жұмбақтар сайысы

1-топ:

Көктемде ұшып кедеді,

Жаздай концерт береді. Бұлбұл

Өзі сақ, өзі ұсақ,

Шықылықтап тұрмайды

Құйрығы ұзын,өзі ала

Бұл қандай құс? Сауысқан

2-топ:

Көлдің көркі, сәні екен

Ұшқанда сазды әні екен

Ақындар оны мақтаған

Адамдар қорғап сақтаған

Бұл қандай құс екен? Аққу

Қос қанатын иіп ап,

Жарға келіп қонады.

Қара киім киіп ап,

Балшықтан үй салады. Қарлығаш

3-топ:

Еркін самғап ұшсын деп,

Мәпелейміз баптаймыз.

Бейбітшілік құсы деп,

Қайсы құсты мақтаймыз. Көгершін

Биікте ұшып жүреді,

Елік,қоян бүреді

Қия таста ұясы

Бұл құсты кім біледі? Бүркіт

Бағалап отыру

4-тапсырма: «Кім көп біледі»

Құстардың атын жазып шығу

Бағалап отыру

Бүгін сендер құстар жайлы білгендеріңді ортаға салдыңдар.

Қорытынды:

1.Сонымен құстардың басқа жануарлардан ерекшелігі неде?

2.Құстар өз балапандарына қандай қамқорлық жасайды?

3.Неліктен біз құстарды қанатты достарымыз дейміз?

Әр топтың жинаған ұпайларын санап бағалау.

Табиғат ананы аялап қорғайық, құстарға қамқор болайық.

Біріккен ұлттар Ұйымының шешімі бойынша 1-сәуір Халықаралық Құстар күні болап белгіленді.

Сондықтан құстарды қорғайық!

Табиғат Ана, құшағын саялайық,

Қорғау үшін күш- жігер аямайық.

Ол болмаса,сен жоқсын, осыны ұқ!

Адамзат! Табиғатты аялайық!- деп бізде табиғатты қорғауға өз үлесімізді қосайық.

Балалар, бүгінгі сабақта сендер үшін не өзгеше, не таныс, не жаңалық болды деп ойлайсыңдар. Алдарыңдағы тамшыларға бүгінгі сабақтан алған әсерлерімізді жазып дамыу ағашына жапсырайық.

Үйге тапсырма: түсініп оқу, мазмұнын айту.

Қамысбаева Сырсұлу,

«Сырдария» жалпы орта мектебінің

бастауыш сынып мұғалімі.

Шардара ауданы