Г дыбысы мен əрпі

Сабақтың тақырыбы: «Г дыбысы және әрпі» Сабақтың мақсаты: 1. Білімділік: Оқушыларға Г дыбысы мен әрпін таныту, сөздегі орны туралы түсінік беру. Берілген сөздерді оқу және жазуға үйрету. 2. Дамытушылық: Балалардың сөйлеу мәнерін, байланыстыра сөйлеу дағдыларын, сөздік қорларын, жұмбақ шешу, сөз ойлау арқылы тіл байлықтарын дамыту. 3. Тәрбиелік: Балаларды ұйымшылдыққа, ұқыптылыққа баулу, таза, сауатты жазуға тәрбиелеу. Сабақтың түрі: ашық сабақ. Сабақтың әдісі: түсіндіру, сұрақ жауап. Сабақтың көрнекілігі: интерактивті тақта, суреттер кеспе әріп. Сабақтың барысы: I. Ұйымдастыру кезеңі. 1. Оқушылармен амандасу, түгендеу 2. Психологиялық дайындық. Үлкенге де сіз Кішіге де сіз Құрметпенен сіздерге Сәлем бердік біз, Қайырлы таң! Қайырлы күн! Күліп шықты күн бүгін Мерекелік осы күн. ІІ. Өткен сабақты қайталау Балалар біз сауат ашудан нені үйрендік? - оқуды жазуды. - дыбыс дегеніміз не? дыбысты естиміз, бірақ көрмейміз. - әріп дегеніміз не? әріпті жазамыз, көреміз, оқимыз. - дыбыстар нешеге бөлінеді? дыбыстар екіге бөлінеді, дауысты және дауыссыз дыбыс. - әріптерден не құралады? - сөз. - сөзден не құралады? - Сөйлем. - сөйлем қандай әріппен жазылады? - бас әріппен. - сөйлемдерден не құралады. - мәтін. Өте жақсы. - Өткен сабағымызда қандай дыбыспен таныстық? Оқушы: Ү дыбысы. Мұғалім: Ү дыбысы қандай дыбыс? Оқушы: дауысты жіңішке. Үкі, Үйрек суреттерін іліп, дыбыстық талдау жасау. Ә. Табылдиевтің «Кім кінәлі?» диалогын мәнерлеп оқыту, жатқа сұрау, рольге бөліп оқыту. - Кім сызды мына партаны?- деп ұстаз бізден сұрады. Үсенбек айтты: - Мен емес. Үміт айтты: - Мен емес. Күміс айтты: - Мен емес. Бұған жалғыз кінәлі - Елемес үнсіз тұр әлі. III Жаңа сабақ Аналарға сыйлайтын, Аралар бал жинайтын. Бұл немене балалар, Үзуге адам қимайтын. (Гүл) Балалар гүл дегенде қандай дыбыс естіліп тұр. Оқушылар Гг дыбысы. Мұғалім олай болса, бүгінгі сабағымыздың тақырыбы Г дыбысы және әрпімен танысамыз. Г - электронный түрінде айту. Мұғалім: Г дыбысы, дауыссыз дыбыс, ұяң дыбыс, сөздердің басында ортасында кездеседі. Гүлдің суреті. ГҮЛ - гүлді мерекеде, тойда, қуанышта, туған күнде, бір - бірімізге сыйлаймыз. Оқулық пен жұмыс: Е - гін – егіс алқабы, бидай егетін алқабы. Е - геу - үйге қажетті қолданылатын құрал. Е - гіз - бірге туған екі адам. Се - гіз - сан: жетіден кейін келетін, (математикадан алдыңғы уақытта өтеміз). Ке - ре - ге - киіз үйдің бөлігі «шаңырақ, уық кереге» Бе те ге «шөптесін өсімдік қазақта «бетегеден биік, жусаннан аласа» деген мақал бар. Ше ге - күнделікті тұрмыста қолданылады, ағашты бір - біріне біріктіру үшін шеге қағады. Не - ге - сұрақ. Шең - гел - тікенді өсімдік. Мез гіл - уақыт, жылдың төрт мезгілі бар. Мұғалім: Н. Баймұхамедовтің «Ақ көгершін» өлеңін мәнерлеп оқу. Ақ көгершін, көгершін, Қолғанат құс сен едің. Бар, кезіп қайт ел үшін, Кең дүниенің көлемін. Әділеттің құсы деп, Көз алмастан жолыңнан, Бақыт құсы болсын деп, Ұшырамын қолымнан. Оқушыларды - тізбектеп оқыту. IV. Сергіту сәті. Шаршағанда ырғалып Гүлге ұқсап дем алам Қолымызды қозғалтып Гүлдей болып жайқалам. Дәптермен жұмыс. Ауада жазу, тақтада көрсету. Бас әріп, кіші әрпін жазу. V. Шығармашылық тапсырма. Картошкалар, тапсырмалар. 0 1 2 3 4 5 6 7 Т е л ң б ш г ү Санның астына әріптерді жазып сөз шығарып, түсіндіру. 5 1 6 1 4 1 0 1 6 1 5 1 3 6 1 2 6 7 2 VI. Жаңа сабақты бекіту. Дидактикалық ойын « Кім шапшаң» ойыны. Шарты: Гг дыбысы бар сөздерді ойлап тауып буынға бөлу. VII. Жаңа сабақты қорытындылау. Қандай дыбыспен таныстық, Г дыбысы қандай сөздерде кездеседі екен? «Ақ көгершін» өлеңін жатқа айту. Сабаққа жақсы қатысқан балаларды VIII. Бағалау. Мадақтау