Ғарышқа саяхат

«Жаңа-Ертіс орта мектебі» ММ

Сабақтың тақырыбы:

«Ғарышқа саяхат»

Пәні: Тіл дамыту.

Сынып жетекшісі: Чингалиева Г.М.

Сыныбы: 0а.

12.04. 2010-2011ж

САБАҚТЫҢ ТАҚЫРЫБЫ: ҒАРЫШҚА САЯХАТ.

Сабақтың мақсаты: 1.Балаларға ғарыш әлемі ,ғарышкер мамандығы жайлы түсінік беру, мамандықты мақтанышпен

шыдамдықпен атқара білуге тәрбиелеу.

Тілдерін дамыту,сөздік қорын байыту.

2. Күнделікті өмірмен тығыз ұштастыра отырып, балалардың ой-қиялын шарықтату,қызығушылығын арттырып;Отанын,елін, жерін сүюге баулу.

Пәнаралық байланыс:Тіл дамыту,айналамен таныстыру, көркем әдебиет,сауат ашу,математика,логика.

Көрнекілік:Тапсырма көрнекілігі, суреттер,шаблондар компьютер

слайдтары, Жұлдызша ата.

Әдіс-тәсілі: Әңгімелеу, логика тапсырмалары;ойын,Сюрпризды уақыты.

САБАҚТЫҢ БАРЫСЫ: 1.Ұйымдастыру кезеңі: Сәлемдесу

Күндей жадырап, Айдай арайлап,

Жұлдыздай жарқырап.

Судай мөлдір таза көңілмен,

Бүгінгі күнімізді бастайық.

Маған қарап күлімдеймыз,

Қонақтарға қарап күлімдейміз.

Сәлем береміз-СӘЛЕМЕТСІЗДЕР !

2.Қызығушылықты ояту:Бүгін сабақта ойын ойнап,жұмбақ, ребус шешіп көрейікші:

1. АҒА-сөзінің 1-ші, соңғы дыбыстарын алып тастайықшы, қай дыбыс қалды? ( Ғ дыбысы) - жазамыз.

2. Жұмбақ:Өзім тәттімін, жеміспін,

Атым алма -1-ші дыбысты ата? (А)-жазамыз.

3. «Артығын тап» ойын: А,О,Ү,И,Р,Ө -(Р)-жазамыз

4.Ойын: «Дауысты дыбысты ұстап ал» М,П,Р,Л,Д,Ы,Т. (Ы)-жазамыз.

5. ШАР да бар,

ҚАР да жоқ. (Ш)- жазамыз

-Ал,енді қандай сөз шықты?

-ҒАРЫШ.-2,3 бала оқиды.

-Балалар, ҒАРЫШ- сөзін қалай түсінесіңдер? Тақтада- тірек схема сызылады. (Суреттер ілінеді)

АЙ

/

КҮН ------ ҒАРЫШ ----ЖЕР

/

ЖҰЛДЫЗДАР

-Біз қайда тұрамыз?

-Жерде тұрамыз. Жер туралы не білесіңдер? ЖЕРДЕ-көп үйлер, таулар, машиналар,ағаштар,су көп бар.

-Ал жердің беті өзгеріп тұрама ?

ЖҰМБАҚ: Бірінен кейін бірі келеді,

Жылға –жыл қосылады.

Айналып келе береді. Бұл не? ( 4 жыл мезгілі)

Б: ҚЫС, КӨКТЕМ, ЖАЗ, КҮЗ, қайта ҚЫС келеді.

Т:-Дөңгеленіп, айналып келсе, қалай ойлайсыңдар?

ЖЕР дің пішіні қандай? КУБ не ШАР-ма?

Б:-ШАР секілді:

Т:ЖЕР -де бұл планета ғарышқа жатады.

Балалар, сендер жер туралы бір-аз білесіңдер, ал басқа планета

АЙ, ЖҰЛДЫЗДАР, КҮН туралы білгідерің келе ме?

Б:- Білгіміз келеді.

Т: Бүгін біз ҒАРЫШҚА саяхатқа барамыз. Ойын:«Дұрыс па әлде бұрыспа» Ақ тауыққа мініп ап,

Айға жеттім зымырап.

Құйынынан тауықтың,

Кетті бұлттар ыдырап.

Б: Бұрыс.

Т:НЕ мен барамыз ғарышқа?

Б: Зымыранмен барамыз.

Т:Зымыран, бұл үлкен кеме, қазақ даласындағы ғарыш айлағы

- БАЙҚОҢЫРДАН ұшады. БАЙҚОҢЫР-бүгінгі күнде халық- аралық ғарыш айлағы.

1ші слайд көрсетіледі

Т: Ғарышқа кімдер барады?

Б: Ғарышкерлер ұшып барады.

2-ші слайд : Т: Ең алғаш Ғарышқа қадам басқан ғарышкер бұл Ю. Гагарин. 12 сәуір күні 1961ж Юрий Гагарин ғарышқа аттанды.

Гагарин кемесімен жерді айнала ғарыш айлағында салмақтық жоқтың және кеме ішінде қалықтап жүргенің байқады.

Сергіту сәті: балалар зымыраң ішіңдегідей қалықтап қозғалады.

3-ші слайд: Т:Бүгінгі күнде біздің қазақ ғарышкерлері Гагарин салған жолды жалғап барған Тоқтар Әубәкіров – ТҰҢҒЫШ қазақ ҒАРЫШКЕРІ, кейің 2-ші Талғат Мұсабаев ғарыш әлеміне самғаған.

с

Т: Ал ғарышкер болу үшін қандай болуымыз керек?

Б. Күшті, мықты, білімді, тәртіпті ..т.б

1.бала: Болам дейсің ғарышкер,

Қиын өнер ол,- дейді.

Әжем: « Осы бастан-ақ есепке алғыр бол!»- дейді.

Есептер шығарып артық өрнекті тап? 10-2, 3+2, 4+1 ; 2+2,5+1, 3+1; т.б

2. бала: Болу үшін ғарышкер,-деп ағамда толғаған.

ШЫНЫҚ ОСЫ БАСТАН-АҚ,

Мықты спортшы болдағы.

Сергіту сәті:Орнымыздан тұрайық ... .алақанды ұрайық.Оңға, солға қарайық. Алға 1 адым, артқа 1 адым. Бір отырайық, бір тұрайық орнымызды табайық.

3.бала: Ол үшін осы бастан –ақ,

Айтты және анам да. - «Жөн екен көп білгенің, жігерлі өс оқып көп.»

ҒАРЫШ - сөзіне дыбыстық талдау жасау.

Жұлдызшы ата кіреді. Сәлемдеседі.

Т:Сәлеметсіз бе, жұлдызшы ата. Сіздің бізге көмегініз қажет, біз ғарышқа зерттеу жұмыстарын жүргізгелі жатырмыз.

Бізге жол көрсетуге қалай қарайсыз?

Жұлдызшы:-Ал онда жолға аттанайық.

Балалар 10-0 ғе дейін кері санайды.... КЕТТІК.

Теледидар арқылы слайдтар көрсетіледі.

Жұлдызшы АЙ туралы түсінік береді.

-Ай жерден кіші және жеңіл. Айда тіршілік етүге болмайды.

Онда ауа да, су да жоқ.Ай бетінде тау көп, бірак олар жердегі таулардан өзгеше. Ай әр кезде домалақ болмайды кейде аспанда оның тек жартысы көрінеді. Кейде жіңішке орақ секілді болады. Балалар айға қонып секіреді.( бой сергіту.)

.Айға қатысты ырымдар мен тыйымдар.:

1.Айды қолмен көрсетсе, от басында жаманшылық болады.

2. Жаңа айды көргендер: «Жаңа ай жарылқа, ескі ай есірке» деп бата жасайды.

Күн- дегеніміз сары жұлдыз, балқып қызған керемет үлкен шар. Күн өте жарық және ауыр.-Ал күн бізге не береді?

Б: Күн жарық және жылу береді.

Күн өте ыстық болғандықтан,ғарышкерлер оған жақын баралмайды,зерттей алмайды.

Күн жерге жақын тұр, сондықтан жұлдыздарға қарағанда бізге үлкен болып көрінеді.

Жұлдыздар. Жұмбақ.

Жұлдыздар түнде жарқырап, көкте нүктедей жерден алыста болады. Сондықтан бірі үлкен бірі кіші боп көрінеді.

Күнге қарағанда жұлдыздар жерден өте алыс.

Жұлдыздар екі түрлі болады бірі—қозғалмайтын жұддыздар оларды ШЫН жұлдыздар деп атайды.

Екінші—үнемі аспанда қыдырып жүреді.

Жұлдыздарға қатысты тыйымдармен -ырымдар:

.Жұлдыздарды санамайды-жаманшылық әкеледі.

.Аспаннан ағып түскен жұлдызды көрген—менің жұлдызым жоғары дейді.

Жұлдызшы: Ал балалар , міне АЙ, ЖҰЛДЫЗ. КҮН туралы бір –аз білім алдыңдар. Енді үйге де қайту уақыт келді.

Т.Балалар, сендерге ғарыш айлағы ұнадыма?

Нені көріп келдіңдер?

Ғарышкерлерді атаңдар.

Балалардың жауабы.

Жұлдызшы атамызға рақмет айтамыз, қоштасамыз.

Осы мен біздің де саяхат сабағымыз аяқталды.

Ән: « Күн әлемі»