Конспект Жаратылыстану Тақырыбы: "Ғарышқа саяхат"

 Ортаңғы«Шаңырақ» тобына ұйымдастырылған оқу қызметінің конспектісі

Күні: 15.04.20ж

Тәрбиеші: Фаткуллина К.С.

Білім беру саласы: «Таным»

Бөлімі: Жаратылыстану

Өтпелі тақырып: : «Қазақстан ғарышкерлері»

Тақырыбы: "Ғарышқа саяхат"

Мақсаты:

Тәрбиелік:

Ғарышкерлерге деген құрмет сезімдерін тәрбиелеу.

Дамытушылық:

Оқыту:

Балаларға ғарыш әлемі жайлы түсінік беру, ғарыш әлемі және оның құпия сырларына деген қызығушылықтарын қалыптастыру.

Билингвалдық компонент: ғарышкер- космонавт, зымыран-ракета

Педагогикалық технологиялар/пед.технологии: сұрақ – жауап, әңгімелесу.

Ресурстармен қамтамасыз ету/Ресурсное обеспечение: суреттер

Ұйымдастырылған оқу қызметінің барысы:

1.Ұйымдастырушылық кезеңі:

Шаттық шеңбер:

Арайлап таң атты
Алтын сәуле таратты,
Жарқырайды қаламыз
Жайнай түссін даламыз
Қайырлы таң қонақтар,
Қайырлы күн достарым!

2. Негізгі бөлімі:

Суретпен жұмыс:

- Балалар айтыңдаршы біз қайда өмір сүреміз? Біз нені басып жүрміз? Ал жоғарыда біздің үстімізде не бар? (аспан, ғарыш) Дұрыс балалар.
- Балалар, сендер түнгі аспанды көрдіңдер ме? Сендерге ұнай ма?

Түнгі аспан әдемі, сиқырлы сияқты. Қалай ойлайсыңдар жұлдыз деген не? Олар неменеге ұқсайды? Дұрыс, балалар, біз жұлдыздарға қарағанда олар кішкентай ұсақ болып көрінеді. Өйткені олар өте биік жоғарыда орналасқан. Жарайсыңдар! Ал енді солардың арасында ең үлкен жұлдыз бар, ол қалай аталады? (Күн) Күн ол үлкен, жарқырап тұрған, ыстық шар. Ал ғарышта біз қандай заттарды кездестіруіміз мүмкін?
Спутниктер, кометалар, астероидтар мен метеориттер (суреттер көрсетіледі). Ал ғарышқа кімдер ұшады? Дұрыс, ғарышкерлер. Ең бірінші болып ғарышқа зерттеуге ұшқан ресейлік ғарышкер екен. Ол кім екен? (Ю. Гагарин)

Ал әйел адамдардан В. Терешкова,

кейін Қазақстаннан да ғарышкерлер ұшты. Олар: Т. Әубәкіров, Т. Мұсабаев.
Балалар қалай ойлайсыңдар ғарышкерлер қандай болулары керек?

Ал айтыңдаршы, зымырандар қайдан ұшады?

Ал ғарышқа немен ұшуға болады екен?
- Балалар, кәне, тексерейікші сендер ғарышқа ұшу үшін дайынсыңдар ма? (балалардың бұлшық еттерін тексереді) Жарайсыңдар балалар, енді біз қазір шынығып алайық.
- Орнымызда тұрамыз, қолдарымызды созамыз.

Мен санаған кезде алдымен оң жаққа қарай бұрылып,

айналамыз, сосын сол жаққа қарай.

Жарайсыңдар!

Ал енді біз қазір көзімізді жұмып, сендермен ғарышқа ұшқанымызды елестетейік. Ол үшін біз ғарышкерлер киетін киім киіп алуымыз керек: комбинизон, қолғап, ал басымызға скафандр. Скафандрды не үшін киеміз? Дұрыс демалу үшін, тоңбау үшін, қауіпсіздікті сақтау үшін. Ал енді әркім өз орнында орналасыңдар, белбеуімізді тағамыз. Дайынбыз ба? (монитордан зымыранның ұшуға дайындалып, ұшқан көрінісі көрсетіледі)
Ұшар кезде біз дұрыс дем алуымыз керек. Ол үшін қолымызды ішімізге қоямыз, ауаны мұрынмызбен жұтып, ауызымыздан шығарамыз. Ал енді ұшамыз. Ал міне керекті жерімізге де жеттік.
Жұмбақ:
Бір зат бар дүниеде құшағы кең
Ұшқан құс, жүрген аң бәріне тең
Адамзат, жан - жануар арасында
Мәңгілік өсіп - өніп өмір сүрген. (Жер)

Тіл жаттығуы:

- ер, - ер, - ер
Біз боламыз ғарышкер.
- ға, - ға, - ға
Біз ұштық айға.

Ойын: «Суретті құрастыр»
Шарты: сурет бойынша құрастыру.

Жақсы, балалар, міне жерге де келіп жеттік. Белбеуімізді шешейік. Орнымыздан тұрайық. Міне балалар өз тобымызға да оралдық. Ал енді бұл жерде бізді ешқандай қауіп күтіп ұрған жоқ, сондықтан ғарышкерлердің киімін шешіп қояйық. (қимыл - қозғалыспен көрсетеді)

Ой, балалар бізді мына жерде қонақтарымыз қарсы алып жатыр. Кәне, қолымызды бұлғайық. Жақсы біз қайда барып келдік?

3. Қорытынды:

Сұрақ-жауап арқылы қорытындылау. Мадақтау.