Тақырыбы: ХХІ ғасыр көшбасшысы
Мақсаты: Оқушылардың өз бетімен жұмыс жасауы арқылы теориялық
ойлауын, сөйлеу тілін дамыту; ойлау қабілеттерін шыңдау.
алғырлыққа,тиянақтылыққа,достыққа,адамгершілікке тәрбиелеу.
Сабақтың әдіс-тәсілдері: сұрақ-жауап, іздену, көрнекілік, талдау, жинақтау.
Сабақтың көрнекіліктері: мазмұнды суреттер.
Сабақтың барысы:І. Ұйымдастыру кезеңі:
Сабақты бастауға психологиялық даярлық.
ІІ.Кіріспе кезең:Бүгінгі тақырыбымыз:«ХХІ ғасыр көшбасшысы» сайыс түрінде өтіледі.Сайыстың өтілу барысымен,ережесімен таныстыру.
Сайыс 5 кезеңнен тұрады:
1кезең: «Аламан бәйге» -2 бөлімнен тұрады.
2кезең: «Көкпар»
3кезең: «Жорға»-2 бөлімнен тұрады.
4кезең: «Теңге алу»
5кезең: «Бейне сұрақ»
Жер басып жүру тиген соң еркін табанға,
Сәулесі болсын ойлардың ізгі санаңда.
Болжау үшін де болашағыңды ертеңгі,
Еңселі шыңдай биіктік керек адамға!- дей отыра әрқайсысыңның да биіктен көрінулеріңе тілектестік білдіріп,сәттілік тілейміз.
Барысы:
І тапсырмада –1)қазақ тілі пәні бойынша жұмыстар беріледі.
(оқушыларды іріктеу)
2)математика пәнінен көбейту кестесіне құрылған жұмыс беріледі.
Бұл кезең бойынша оқушыларды іріктеу.
ІІ тапсырмада –Әдебиеттік оқу пәні бойынша жаттаған өлеңдерін еске түсіріп,
жатқа оқу.
Бұл кезең бойынша оқушыларды іріктеу.
ІІІ тапсырмада – 1.Жасырылған жұмбақтың шешуін тауып, орысшаға аудару.
Табаныма байладым,
қос таяқпен айдадым. ( шаңғы-лыжи)
Тікен-тікен тік пісте.
Қысы-жазы бір түсте (шырша-ёлка)
Тұмсығымен қозғалар,
соңында аппақ із қалар.(бор-мель)
Таппайтын тағат,
Тығулы сағат (жүрек- сердце)
2. Қатыссаңдар көтерер көңіл күйін,
Ойынның ойнайсыңдар неше түрін.
Сөздерден көп жаңа сөз құрап шықса
Мақсатқа жетеміз-ау бізде бүгін.
Алтыбақан----
/ал,алты,алтын,алақан,ақ,бақ,бақа,бақан,Ақан,қан,нала,ала,алтынбалық,тал/
Бұл кезең бойынша оқушыларды іріктеу.
ІҮ тапсырмада –Тест жұмысы / электронды оқулық бойынша /
Бұл кезең бойынша оқушыларды іріктеу.
Ү тапсырмада – Мұғалімдердің қойған сұрақтарына жауап беру.
1) Мектебіміздің оқу-ісінің меңгерушісі А.Нұрман:
-? Адамдардың табиғаттан үйреніп жасаған заттарын ата.
2) Мектебіміздің тәрбие-ісінің меңгерушісі Р.Б.Исаев :
-?Ауаның температурасын өлшейтін құралды ата.
3) Бастауыш сынып мұғалімі Жақсылықова Д.А.
-?Судың 3 түрлі күйін ата.
Мәрелік тапсырмада- оқу-білім туралы жасырылып тұрған нақыл сөзді 3 әріпті ашу арқылы табу.
О қ у –и н е м е н қ ұ д ы қ қ а з ғ а н д а й
ҮІ.Қорытындылау.
Білімнің мініп алып тұлпарына,
Қиналсаңда шықтың міне, шыңдарына.
Бүгінгі сайысымыз аяқталды,
Сөз кезегі әділқазы алқасында.
Әділқазылардың сараптамасына орай жеңімпазды анықтап, 100 000 теңгелік
сертификатпен марапаттау.
